Cymeradwyo gweithrediadau4

1

Rhaid i gais am gymeradwyo gweithrediad—

a

cael ei wneud yn y cyfryw ffurf ac ar y cyfryw amser sy’n ofynnol gan Weinidogion Cymru; a

b

cynnwys y cyfryw wybodaeth sy’n ofynnol gan Weinidogion Cymru.

2

Caiff Gweinidogion Cymru gymeradwyo’r gweithrediad, ac os felly, cânt wneud y gymeradwyaeth yn ddarostyngedig i ba bynnag amodau a bennir ganddynt.

3

Caiff Gweinidogion Cymru amrywio cymeradwyaeth drwy amrywio unrhyw amod y mae’r gymeradwyaeth yn ddarostyngedig iddo, neu drwy osod amodau.

4

Cyn amrywio cymeradwyaeth, rhaid i Weinidogion Cymru—

a

rhoi i’r buddiolwr hysbysiad ysgrifenedig eu bod yn bwriadu gwneud hynny ynghyd â datganiad o’r rhesymau;

b

rhoi cyfle i’r buddiolwr gyflwyno sylwadau ysgrifenedig o fewn y cyfryw amser (a bennir yn yr hysbysiad o dan is-baragraff (a)) a ystyrir yn rhesymol gan Weinidogion Cymru; ac

c

ystyried y sylwadau hynny.