Rheoliadau Microsglodynnu Cŵn (Cymru) 2015 No. 1990 (Cy. 300)

Dehongli

2.   Yn y Rheoliadau hyn—

ystyr “awdurdod lleol” (“local authority”) yw cyngor sir neu gyngor bwrdeistref sirol yng Nghymru;

ystyr “ceidwad” (“keeper”) yw—

(a)

mewn perthynas â chi cymorth (o fewn yr ystyr a roddir i “assistance dog” gan adran 173(1) o Ddeddf Cydraddoldeb 2010(1))—

(i)

hyd nes bo’r ci yn peidio â gweithio fel ci cymorth, y corff sy’n gyfrifol am ei hyfforddi a’i ddyrannu;

(ii)

wedi i’r ci beidio â gweithio fel ci cymorth, y person y mae’r ci yn preswylio gydag ef fel arfer;

(b)

mewn perthynas â chi bach newydd-anedig, perchennog yr ast a roddodd enedigaeth iddo; ac

(c)

mewn perthynas ag unrhyw gi arall, y person y mae’r ci yn preswylio gydag ef fel arfer;

ystyr “microsglodynnwyd” (“microchipped”) yw microsglodynnwyd yn unol â rheoliad 3;

mae i “person awdurdodedig” (“authorised person”) yr ystyr a roddir gan reoliad 11.

(1)

2010 p. 15.