Offerynnau Statudol Cymru
2015 Rhif 1987 (Cy. 297) (C. 123)
Cynllunio Gwlad A Thref, Cymru
Gorchymyn Deddf Cynllunio (Cymru) 2015 (Cychwyn Rhif 2 a Darpariaethau Trosiannol ac Arbed) 2015
Gwnaed
2 Rhagfyr 2015
Mae Gweinidogion Cymru yn gwneud y Gorchymyn a ganlyn drwy arfer y pwerau a roddwyd iddynt gan adran 58(4) o Ddeddf Cynllunio (Cymru) 2015(1).
Enwi a dehongli
1.—(1) Enw’r Gorchymyn hwn yw Gorchymyn Deddf Cynllunio (Cymru) 2015 (Cychwyn Rhif 2 a Darpariaethau Trosiannol ac Arbed) 2015.
(2) Yn y Gorchymyn hwn—
ystyr “Deddf 2004” (“the 2004 Act”) yw Deddf Cynllunio a Phrynu Gorfodol 2004(2);
ystyr “Deddf 2015” (“the 2015 Act”) yw Deddf Cynllunio (Cymru) 2015.
Y darpariaethau sy’n dod i rym ar 4 Ionawr 2016
2. Y diwrnod penodedig i adran 3 o Ddeddf 2015 ddod i rym i’r graddau y mae’n rhoi adrannau newydd 60, 60A a 60B yn lle adran 60 o Ddeddf 2004 yw 4 Ionawr 2016.
3. Y diwrnod penodedig i’r adrannau a ganlyn o Ddeddf 2015 ddod i rym i’r graddau nad ydynt eisoes mewn grym yw 4 Ionawr 2016—
(a)adran 11;
(b)adran 12;
(c)adran 13;
(d)adran 14; ac
(e)adran 31.
Y darpariaethau sy’n dod i rym ar 16 Mawrth 2016
4. Y diwrnod penodedig i’r adrannau a ganlyn o Ddeddf 2015 ddod i rym i’r graddau nad ydynt eisoes mewn grym yw 16 Mawrth 2016—
(a)adran 15(1) a (2);
(b)adran 40;
(c)adran 41; a
(d)adran 42.
Y darpariaethau sy’n dod i rym ar 1 Ebrill 2016
5. Y diwrnod penodedig i’r adrannau a ganlyn o Ddeddf 2015 ddod i rym yw 1 Ebrill 2016—
(a)adran 2; a
(b)adran 15(3).
Darpariaethau trosiannol ac arbed
6. Nid yw adrannau 2 ac 11(3) o Ddeddf 2015 yn gymwys i gynllun datblygu lleol sydd wedi ei gyflwyno i’w archwilio yn unol â Rhan 6 o Ddeddf 2004 pan ddaw’r adrannau i rym. Mae’r adrannau’n gymwys i gynllun o’r fath ar ôl iddo gael ei fabwysiadu neu ei gymeradwyo yn unol â Rhan 6 o Ddeddf 2004.
7. Mae adran 60 o Ddeddf 2004 yn parhau i gael effaith fel pe na bai adran 3 o Ddeddf 2015 wedi ei chychwyn gan erthygl 2.
Carl Sargeant
Y Gweinidog Cyfoeth Naturiol, un o Weinidogion Cymru
2 Rhagfyr 2015
NODYN ESBONIADOL
(Nid yw’r nodyn hwn yn rhan o’r Gorchymyn)
Y Gorchymyn hwn yw’r ail Orchymyn Cychwyn a wneir gan Weinidogion Cymru o dan Ddeddf Cynllunio (Cymru) 2015 (“Deddf 2015”).
Mae erthyglau 2 a 3 o’r Gorchymyn yn dwyn yr adrannau a ganlyn o Ddeddf 2015 i rym ar 4 Ionawr 2016:
adran 3 (llunio ac adolygu Fframwaith Datblygu Cenedlaethol Cymru) i’r graddau y mae’n rhoi adrannau newydd 60, 60A a 60B yn lle adran 60 o Ddeddf Cynllunio a Phrynu Gorfodol 2004;
adran 11 (y Gymraeg);
adran 12 (y cyfnod y bydd cynllun datblygu lleol yn cael effaith);
adran 13 (tynnu cynllun datblygu lleol yn ôl);
adran 14 (pŵer Gweinidogion Cymru i gyfarwyddo bod cynllun datblygu lleol yn cael ei lunio ar y cyd); ac
adran 31 (y Gymraeg).
Mae erthygl 4 o’r Gorchymyn yn dwyn yr adrannau a ganlyn o Ddeddf 2015 i rym ar 16 Mawrth 2016:
adran 15(1) a (2) (byrddau cydgynllunio: swyddogaethau sy’n ymwneud ag arolygon a chynlluniau datblygu lleol);
adran 40 (byrddau cydgynllunio i fod yn awdurdodau sylweddau peryglus);
adran 41 (pŵer i wneud darpariaeth sy’n galluogi byrddau cydgynllunio i arfer swyddogaethau rheoli datblygu mewn Parciau Cenedlaethol); ac
adran 42 (byrddau cydgynllunio: pŵer i wneud darpariaeth ganlyniadol ac atodol).
Mae erthygl 5 o’r Gorchymyn yn dwyn yr adrannau a ganlyn o Ddeddf 2015 i rym ar 1 Ebrill 2016:
adran 2 (datblygu cynaliadwy); ac
adran 15(3) (byrddau cydgynllunio: swyddogaethau sy’n ymwneud ag arolygon a chynlluniau datblygu lleol).
Mae erthyglau 6 a 7 o’r Gorchymyn yn nodi’r trefniadau trosiannol ac arbed sy’n gymwys i gychwyn y darpariaethau yn erthyglau 2, 3(a) a 5(a).
NODYN YNGHYLCH GORCHMYNION CYCHWYN CYNHARACH
(Nid yw’r nodyn hwn yn rhan o’r Gorchymyn)
Mae’r darpariaethau a ganlyn o’r Ddeddf wedi eu dwyn i rym drwy Orchymyn Cychwyn a wnaed cyn dyddiad y Gorchymyn hwn:
| Y ddarpariaeth | Y dyddiad cychwyn | Rhif O.S. |
|---|---|---|
| Adran 4 | 5 Hydref 2015 | (Cy. 237) (C. 106) |
| Rhan 1 o Atodlen 1 | 5 Hydref 2015 | (Cy. 237) (C. 106) |
Gweler adran 58(1) o’r Ddeddf ar gyfer y darpariaethau a ddaeth i rym ar y diwrnod pan gafodd y Ddeddf y Cydsyniad Brenhinol ac adran 58(2) ar gyfer y darpariaethau a ddaeth i rym 2 fis ar ôl i’r Ddeddf gael y Cydsyniad Brenhinol.