2015 Rhif 1821 (Cy. 263)

Tai, Cymru

Rheoliadau Gweithdrefnau a Ffioedd Tribiwnlys Eiddo Preswyl (Cymru) (Diwygio) 2015

Gwnaed

Gosodwyd gerbron Cynulliad Cenedlaethol Cymru

Yn dod i rym

Mae Gweinidogion Cymru yn gwneud y Rheoliadau a ganlyn drwy arfer y pwerau a freiniwyd ynddynt hwy1 gan adran 250(2) o Ddeddf Tai 2004 ac Atodlen 13 iddi2.

Enwi, cychwyn a chymhwyso1

1

Enw’r Rheoliadau hyn yw Rheoliadau Gweithdrefnau a Ffioedd Tribiwnlys Eiddo Preswyl (Cymru) (Diwygio) 2015 a deuant i rym ar 23 Tchwedd 2015.

2

Mae’r Rheoliadau hyn yn gymwys i achosion gerbron tribiwnlysoedd eiddo preswyl ar gyfer penderfynu ceisiadau3 mewn cysylltiad â mangreoedd yng Nghymru.

Diwygio Rheoliadau Gweithdrefnau a Ffioedd Tribiwnlys Eiddo Preswyl (Cymru) 20122

Mae Rheoliadau Gweithdrefnau a Ffioedd Tribiwnlys Eiddo Preswyl (Cymru) 20124 wedi eu diwygio yn unol â’r Atodlen.

Lesley GriffithsY Gweinidog Cymunedau a Threchu Tlodi, un o Weinidogion Cymru

YR ATODLENDiwygio Rheoliadau Gweithdrefnau a Ffioedd Tribiwnlys Eiddo Preswyl (Cymru) 2012

Rheoliad 2

1

Yn rheoliad 2—

a

yn y mannau priodol mewnosoder—

  • ystyr “Deddf 2015” (“the 2015 Act”) yw Deddf Hawliau Defnyddwyr 20155;

  • ystyr “Deddf 2014” (“the 2014 Act”) yw Deddf Tai (Cymru) 20146;

b

yn y diffiniad o “cais”—

i

ar ddiwedd paragraff (c) hepgorer “neu”;

ii

ar ddiwedd paragraff (ch), yn lle “,” rhodder “;”; a

iii

ar ôl paragraff (ch), mewnosoder—

d

adrannau 17(4) neu 27(1) o Ddeddf 2014; neu

dd

Deddf 2015,

c

yn y mannau priodol mewnosoder—

  • mae i “asiant gosod”, mewn cysylltiad â chais a wneir o dan Ddeddf 2015, yr un ystyr â “letting agent” yn adran 84 o Ddeddf 2015;

  • mae i “awdurdod pwysau a mesurau lleol” mewn cysylltiad â chais a wneir o dan Ddeddf 2015, yr un ystyr â “local weights and measures authority” yn adran 69(2) o Ddeddf Pwysau a Mesurau 1985;

  • mae i “awdurdod trwyddedu” (“licensing authority”) yr un ystyr ag yn adran 49(1) o Ddeddf 2014;

  • mae i “landlord” (“landlord”), at ddibenion ceisiadau o dan adrannau 17(4) neu 27(1) o Ddeddf 2014, yr un ystyr ag yn adran 2(1) o’r Ddeddf honno;

d

yn y diffiniad o “mangre”—

i

ym mharagraff (a) ar ôl “Deddf 2013” mewnosoder “neu Ddeddf 2015” ac ar ddiwedd paragraff (a) hepgorer y gair “a”;

ii

ar ddiwedd paragraff (b) mewnosoder y gair “ac”; a

iii

ar ôl paragraff (b) mewnosoder—

c

mewn cais a wneir o dan Ddeddf 2015, unrhyw fangre y dylai cyhoeddusrwydd fod wedi ei roi yno i ffi’r asiant gosod y mae cais yn ymwneud â hi;

2

Yn rheoliad 4(1), ar ôl “Deddf 2013,” mewnosoder “Deddf 2014”.

3

Yn rheoliad 14(1)—

a

ar ddiwedd is-baragraff (b)(ii) yn lle “.” rhodder “;”;

b

ar ôl is-baragraff (b)(ii) mewnosoder—

c

yn achos cais a wnaed o dan Ddeddf 2014—

i

yn ymwneud â materion cysylltiedig ynglŷn â’r un landlord;

ii

yn ymwneud â materion cysylltiedig ynglŷn â’r un annedd; neu

iii

yn ymwneud â materion cysylltiedig ynglŷn â’r un asiant sydd wedi ei drwyddedu o dan adran 9 neu adran 11 o Ddeddf 2014;

ch

yn achos cais a wnaed o dan Ddeddf 2015 yn ymwneud â materion cysylltiedig ynglŷn â’r un asiant gosod.

4

Yn rheoliad 40(5), ar ôl “Deddf 2013” mewnosoder “, Deddf 2014, Deddf 2015”.

5

Ar ôl rheoliad 47, mewnosoder—

47AFfioedd am geisiadau a wneir o dan Ddeddf 2014

Yn ddarostyngedig i reoliad 49(2) mae ffi o £155 yn daladwy am gais i dribiwnlys o dan ddarpariaethau canlynol Deddf 2014—

a

adran 17(4) (dirymu cofrestriad);

b

adran 27(1) (apelau trwyddedu).

47BFfioedd am geisiadau a wneir o dan Ddeddf 2015

Yn ddarostyngedig i reoliad 49(2) mae ffi o £155 yn daladwy am gais i dribiwnlys o dan baragraff 5 o Atodlen 9 i Ddeddf 2015.

6

Yn rheoliad 48, yn lle “neu 47” rhodder “, 47, 47A neu 47B”.

7

Yn rheoliad 49—

a

ym mharagraff (1), yn lle “neu 47” rhodder “, 47, 47A neu 47B”; a

b

ym mharagraff (2), yn lle “neu 47” rhodder “, 47, 47A neu 47B”.

8

Yn rheoliad 50(1), yn lle “neu 47” rhodder “, 47, 47A neu 47B”.

9

Yn yr Atodlen, ar ôl paragraff 72 mewnosoder—

Ceisiadau a wneir o dan Ddeddf 2014

73Ceisiadau sy’n ymwneud â dirymu cofrestriad landlord

1

Mae’r paragraff hwn yn gymwys i gais a wneir o dan adran 17(4) o Ddeddf 2014 (apêl yn erbyn dirymu cofrestriad).

2

Y dogfennau penodedig yw—

a

copi o’r hysbysiad o fwriad yr awdurdod trwyddedu i ddirymu cofrestriad a’r rhesymau dros y penderfyniad hwnnw;

b

unrhyw sylwadau a wnaed gan y landlord mewn ymateb i hysbysiad o fwriad yr awdurdod trwyddedu i ddirymu cofrestriad;

c

copi o’r hysbysiad sy’n dirymu cofrestriad y landlord a’r rhesymau a roddwyd gan yr awdurdod trwyddedu; ac

ch

unrhyw ddogfennau perthnasol eraill sy’n ategu’r cais.

3

Yr ymatebydd penodedig yw’r awdurdod trwyddedu.

74Ceisiadau sy’n ymwneud ag apelau trwyddedu

1

Mae’r paragraff hwn yn gymwys i gais o dan adran 27(1) o Ddeddf 2014.

2

Y dogfennau penodedig yw—

a

copi o’r hysbysiad o fwriad yr awdurdod trwyddedu i ddiwygio neu ddirymu’r drwydded neu i wneud y drwydded yn ddarostyngedig i amod, yn ôl y digwydd, a’r rhesymau dros ei benderfyniad;

b

unrhyw sylwadau a wnaed mewn ymateb i hysbysiad o fwriad yr awdurdod trwyddedu i ddiwygio neu ddirymu’r drwydded;

c

copi o’r hysbysiad sy’n gwneud y drwydded yn ddarostyngedig i amod (ac eithrio gofyniad i gydymffurfio â chod ymarfer a ddyroddwyd gan Weinidogion Cymru), sy’n gwrthod rhoi, sy’n diwygio neu’n dirymu’r drwydded, yn ôl y digwydd, a’r rhesymau a roddwyd gan yr awdurdod trwyddedu; ac

ch

unrhyw ddogfennau perthnasol eraill sy’n ategu’r cais.

3

Yr ymatebydd penodedig yw’r awdurdod trwyddedu.

Ceisiadau a wneir o dan Ddeddf 2015

75Ceisiadau sy’n ymwneud â hysbysiadau terfynol

1

Mae’r paragraff hwn yn gymwys i gais a wneir o dan baragraff 5 o Atodlen 9 i Ddeddf 2015 (apêl yn erbyn cosb ariannol).

2

Y dogfennau penodedig yw—

a

copi o’r hysbysiad o fwriad a gyflwynwyd i’r asiant gosod gan yr awdurdod pwysau a mesurau lleol o dan baragraff 1(1) o Atodlen 9 i Ddeddf 2015;

b

copi o unrhyw sylwadau ysgrifenedig a wnaed gan yr asiant gosod ar ôl cael yr hysbysiad o fwriad a ddyroddwyd o dan baragraff 2 o Atodlen 9 i Ddeddf 2015;

c

copi o’r hysbysiad terfynol a gyflwynwyd i’r asiant gosod gan yr awdurdod pwysau a mesurau lleol o dan baragraff 3 o Atodlen 9 i Ddeddf 2015; ac

ch

unrhyw ddogfennau perthnasol eraill sy’n ategu’r cais.

3

Yr ymatebydd penodedig yw’r awdurdod pwysau a mesurau lleol perthnasol.

NODYN ESBONIADOL

(Nid yw’r nodyn hwn yn rhan o’r Rheoliadau)

Mae’r Rheoliadau hyn yn diwygio Rheoliadau Gweithdrefnau a Ffioedd Tribiwnlys Eiddo Preswyl (Cymru) 2012 (“y Prif Reoliadau”) yng ngoleuni adrannau 17(4) a 27(1) o Ddeddf Tai (Cymru) 2014 (“Deddf 2014”) a Deddf Hawliau Defnyddwyr 2015 (“Deddf 2015”). Mae’r Prif Reoliadau wedi eu diwygio i gynnwys darpariaeth mewn cysylltiad ag apelau newydd y caniateir eu gwneud i dribiwnlys eiddo preswyl o dan Ddeddf 2014 a Deddf 2015.

Mewn perthynas ag adrannau 17(4) a 27(1) o Ddeddf 2014, y rhain yw apelau yn erbyn penderfyniad i osod amodau penodol ar drwydded, apelau yn erbyn dirymu cofrestriad fel landlord, apelau yn erbyn diwygio trwydded, apelau yn erbyn dirymu trwydded ac apelau yn erbyn penderfyniad i beidio â rhoi trwydded.

Mewn perthynas â Deddf 2015, y rhain yw apelau a wneir gan asiantau gosod yn erbyn cosbau ariannol a osodwyd yn eu herbyn gan awdurdod pwysau a mesurau lleol.

Mae Rhan 1 o Ddeddf 2014 yn ymwneud â rheoleiddio tai rhent preifat. Mae Rhan 1 yn cynnwys gofyniad i’r mwyafrif o landlordiaid anheddau sy’n cael eu gosod neu a fydd yn cael eu gosod, o dan denantiaethau domestig, fel y’u diffinnir yn adran 2(1) o Ddeddf 2014, gofrestru gyda’r awdurdod trwyddedu perthnasol. Yn yr un modd, mae’n ofynnol i bersonau sy’n ymwneud â gosod neu reoli anheddau o’r fath gael trwydded gan yr awdurdod trwyddedu perthnasol.

Mae’r pŵer gan awdurdodau trwyddedu i wrthod trwydded; i roi trwydded gydag amod bod deiliad y drwydded yn cydymffurfio ag unrhyw god ymarfer a ddyroddir gan Weinidogion Cymru ac unrhyw amodau eraill yr ystyriant yn briodol; i ddiwygio trwydded ac i ddirymu trwydded landlord neu asiant. Mae Rhan 1 o Ddeddf 2014 hefyd yn gwneud darpariaeth ar gyfer landlordiaid neu ddeiliaid trwydded i apelio i dribiwnlys eiddo preswyl yn erbyn penderfyniad awdurdod trwyddedu i roi trwydded yn ddarostyngedig i amod ac eithrio amod bod deiliad y drwydded yn cydymffurfio ag unrhyw god ymarfer a ddyroddir gan Weinidogion Cymru; i wrthod trwydded; i ddiwygio neu i ddirymu trwydded.

Mae Pennod 3 o Ran 3 o Ddeddf 2015 yn gosod dyletswydd ar asiant gosod i roi cyhoeddusrwydd i’w ffioedd ac yn ymdrin â gorfodi’r ddyletswydd honno. Mae’n darparu mai dyletswydd pob awdurdod pwysau a mesurau lleol yw gorfodi’r ddyletswydd yn ei ardal. Mae hefyd yn darparu y caiff awdurdod pwysau a mesurau lleol osod cosbau ariannol yn erbyn asiant gosod nad yw’n cyflawni ei ddyletswyddau o dan Ran 3 o Ddeddf 2015.

Mae Atodlen 9 i Ddeddf 2015 yn ymdrin â’r weithdrefn y mae’n rhaid i awdurdod pwysau a mesurau lleol ei dilyn cyn gosod cosbau ariannol ar asiant gosod.

Mae Atodlen 9 i Ddeddf 2015 yn nodi’r broses sydd i’w dilyn gan awdurdod pwysau a mesurau lleol o ran cymryd camau gorfodi ac mae’n cynnwys darpariaeth ar gyfer asiantau gosod i gyflwyno sylwadau mewn perthynas â hyn. Mae Atodlen 9 hefyd yn gwneud darpariaeth ar gyfer apelau y caniateir eu gwneud gan asiant gosod y mae hysbysiad terfynol sy’n gosod cosb ariannol wedi ei gyflwyno iddo.

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, ystyriwyd nad oedd yn angenrheidiol cynnal Asesiad Effaith Rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn.