Rheoliadau Cynllunio Gofal, Lleoli ac Adolygu Achosion (Cymru) 2015 No. 1818 (Cy. 261)

Please note that the date you requested in the address for this web page is not an actual date upon which a change occurred to this item of legislation. You are being shown the legislation from , which is the first date before then upon which a change was made.

Rhagolygol

RHAN 4 LL+C Darpariaeth ar gyfer gwahanol fathau o leoliad

PENNOD 2 LL+C Lleoli gyda rhieni maeth awdurdod lleol

Amodau y mae’n rhaid eu bodloni cyn lleoli plentyn gyda rhiant maeth awdurdod lleol LL+C

23.—( 1) Mae’r rheoliad hwn yn gymwys pan fo’r awdurdod cyfrifol yn bwriadu lleoli C gydag F.

(2) Ni chaiff yr awdurdod cyfrifol leoli C gydag F ac eithrio os yw—

(a) F wedi ei gymeradwyo gan—

(i) yr awdurdod cyfrifol, neu

(ii) ar yr amod y bodlonir hefyd yr amodau a bennir ym mharagraff (3), darparwr gwasanaeth maethu arall,

(b) telerau cymeradwyaeth F yn gyson â’r lleoliad arfaethedig, ac

(c) F wedi ymuno mewn cytundeb gofal maeth naill ai gyda’r awdurdod cyfrifol neu gyda darparwr gwasanaeth maethu arall yn unol â rheoliad 28(5)(b) o’r Rheoliadau Maethu neu’n unol â rheoliad 27(5)(b) o Reoliadau Gwasanaethu Maethu (Lloegr) 2011.

(3) Yr amodau y cyfeirir atynt ym mharagraff (2)(a)(ii) yw’r canlynol—

(a) bod y darparwr gwasanaeth maethu y cymeradwywyd F ganddo yn cydsynio â’r lleoliad, a

(b) os oes gan unrhyw awdurdod lleol arall, neu awdurdod lleol arall yn Lloegr, blentyn wedi ei leoli ar y pryd gydag F, fod yr awdurdod hwnnw’n cydsynio â’r lleoliad.

Gwybodaeth Cychwyn

I1 Rhl. 23 mewn grym ar 6.4.2016, gweler rhl. 1(1)