Rheoliadau Adeiladu (Diwygio) (Cymru) 2015

Enwi, cychwyn a chymhwyso

1.—( 1) Enw’r Rheoliadau hyn yw Rheoliadau Adeiladu (Diwygio) (Cymru) 2015.

(2) Mae’r Rheoliadau’n gymwys o ran Cymru ond nid ydynt yn gymwys o ran adeiladau ynni a eithrir yng Nghymru.

(3) Mae’r Rheoliadau hyn yn dod i rym ar y dyddiadau canlynol—

(a) y rheoliad hwn, rheoliadau 2, 3, 4(a) a’r Atodlen ar 31 Gorffennaf 2015; a

(b) rheoliad 4(b) ar 31 Rhagfyr 2015.

(4) Yn y rheoliad hwn, mae i “adeilad ynni a eithrir” yr ystyr a roddir i “excepted energy building” gan yr Atodlen i Orchymyn Gweinidogion Cymru (Trosglwyddo Swyddogaethau) (Rhif 2) 2009(1).

(1)

O.S. 2009/3019. Trosglwyddodd Gorchymyn Gweinidogion Cymru (Trosglwyddo Swyddogaethau) (Rhif 2) 2009 swyddogaethau penodol a roddwyd i’r Ysgrifennydd Gwladol gan neu o dan Ddeddf Adeiladu 1984, i’r graddau y maent yn arferadwy o ran Cymru, i Weinidogion Cymru. Darparodd erthygl 3(a) o’r Gorchymyn na throsglwyddwyd swyddogaethau i’r graddau yr oeddynt yn arferadwy mewn perthynas ag adeilad ynni a eithrir fel y diffinnir “excepted energy building” gan yr Atodlen i’r Gorchymyn.