Rheoliadau Adeiladu (Diwygio Rhif 2) (Cymru) 2013

Offerynnau Statudol Cymru

2013 Rhif 2621 (Cy. 258)

Adeiladu Ac Adeiladau, Cymru

Rheoliadau Adeiladu (Diwygio Rhif 2) (Cymru) 2013

Gwnaed

14 Hydref 2013

Gosodwyd gerbron Cynulliad Cenedlaethol Cymru

16 Hydref 2013

Yn dod i rym

14 Tachwedd 2013

Mae Gweinidogion Cymru, drwy arfer y pwerau a roddwyd i’r Ysgrifennydd Gwladol gan adrannau 1 ac 8(6) o Ddeddf Adeiladu 1984(1) a pharagraffau 1, 4, 4A, 7, 8 a 10 o Atodlen 1 iddi, sydd bellach yn arferadwy ganddynt hwy(2) yn gwneud y Rheoliadau a ganlyn.

Mae Gweinidogion Cymru wedi ymgynghori â Phwyllgor Cynghori Cymru ar Reoliadau Adeiladu a chyrff eraill sydd, yn eu tyb hwy, yn cynrychioli’r buddiannau dan sylw yn unol ag adran 14(7) o’r Ddeddf honno.

(1)

1984 p. 55. Diwygiwyd adran 1 gan adran 1 o Ddeddf Adeiladau Cynaliadwy a Diogel 2004 (p. 22); mewnosodwyd paragraff 4A o Atodlen 1 gan adran 8 o’r Ddeddf honno; diwygiwyd paragraff 7 o Atodlen 1 gan adran 3 o’r Ddeddf honno a chan adran 11 o Ddeddf Newid yn yr Hinsawdd ac Ynni Cynaliadwy 2006 (p. 19); diwygiwyd paragraff 8 o Atodlen 1 gan adran 3 o Ddeddf Adeiladau Cynaliadwy a Diogel 2004 a chan adran 40 o Ddeddf Rheoli Llifogydd a Dŵr 2010 (p. 29).

(2)

Cafodd y swyddogaethau a roddwyd i’r Ysgrifennydd Gwladol gan adran 1 ac 8(6) a pharagraffau 1, 4, 4A, 7, 8 a 10 o Atodlen 1 i Ddeddf Adeiladu 1984, i’r graddau yr oeddent yn arferadwy o ran Cymru, eu trosglwyddo i Weinidogion Cymru gan Orchymyn Gweinidogion Cymru (Trosglwyddo Swyddogaethau) (Rhif 2) 2009 (O.S. 2009/3019).