Gorchymyn Torfaen (Cymunedau) 2013

Offerynnau Statudol Cymru

2013 Rhif 2156 (Cy. 211)

Llywodraeth Leol, Cymru

Gorchymyn Torfaen (Cymunedau) 2013

Gwnaed

28 Awst 2013

Mae’r Comisiwn Ffiniau Llywodraeth Leol i Gymru wedi cyflwyno i Weinidogion Cymru, yn unol ag adrannau 54(1) a 58(1) o Ddeddf Llywodraeth Leol 1972(1), adroddiad dyddiedig Ionawr 2013 ar adolygiad a gynhaliwyd gan Gyngor Bwrdeistref Sirol Torfaen o’r ffiniau cymunedol yn Sir Torfaen, ynghyd â’r cynigion y mae’r Comisiwn wedi eu llunio ar y ffiniau cymunedol.

Mae Gweinidogion Cymru wedi penderfynu rhoi effaith i’r cynigion hynny heb eu haddasu.

Mae mwy na chwe wythnos wedi mynd heibio ers i’r cynigion hynny gael eu cyflwyno i Weinidogion Cymru.

Mae Gweinidogion Cymru yn gwneud y Gorchymyn a ganlyn drwy arfer y pwerau hynny a roddwyd i’r Ysgrifennydd Gwladol gan adran 58(2) o Ddeddf Llywodraeth Leol 1972 ac a freiniwyd bellach ynddynt hwy i’r graddau y maent yn arferadwy o ran Cymru(2).

(1)

1972 p.70; diwygiwyd adran 54(1) gan baragraff 7(1) o Atodlen 15 i Ddeddf Llywodraeth Leol (Cymru) 1994 (p.19), paragraff 12 o Atodlen 3 i Ddeddf Llywodraeth Leol 1992 (p.19) ac adran 40(2) o Ddeddf yr Heddlu a Llysoedd Ynadon 1994 (p.29); diwygiwyd adran 58(1) gan baragraff 11(1) o Atodlen 15 i Ddeddf Llywodraeth Leol (Cymru) 1994 (p.19), ac adran 168(2) o Fesur Llywodraeth Leol (Cymru) 2011 (p.4).

(2)

Trosglwyddwyd pwerau’r Ysgrifennydd Gwladol i Gynulliad Cenedlaethol Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672) ac fe’u breiniwyd bellach yng Ngweinidogion Cymru yn rhinwedd paragraff 30 o Atodlen 11 i Ddeddf Llywodraeth Cymru 2006 (p.32).