http://www.legislation.gov.uk/wsi/2012/792/introduction/made/welshRheoliadau Cynllunio Gwlad a Thref (Coed) (Diwygio) (Cymru) 2012cyKing's Printer of Acts of Parliament2017-11-28CYNLLUNIO GWLAD A THREF, CYMRU Mae Rheoliadau Cynllunio Gwlad a Thref (Coed) 1999 (“Rheoliadau 1999”) yn gwneud darpariaeth, ymhlith pethau eraill, ar gyfer ffurf gorchmynion cadw coed ac ar gyfer ceisiadau am gydsyniad i wneud gwaith ar goed sy'n ddarostyngedig i orchymyn. 2012 Rhif 792 (Cy.107) Gwnaed 10 Mawrth 2012 Gosodwyd gerbron Cynulliad Cenedlaethol Cymru 13 Mawrth 2012 Yn dod i rym 30 Ebrill 2012 Mae Gweinidogion Cymru, drwy arfer y pwerau a roddwyd i'r Ysgrifennydd Gwladol gan adrannau 198(8) a 333(1) o Ddeddf Cynllunio Gwlad a Thref 1990 ac sy'n arferadwy bellach ganddynt hwy, yn gwneud y Rheoliadau a ganlyn. 1990 p.8. Mewnosodwyd adran 198(8) gan Ddeddf Cynllunio a Phrynu Gorfodol 2004 (p.5), adran 42(3). Diwygiwyd adran 333(1) gan Ddeddf yr Amgylchedd 1995 (p.25), adran 78 ac Atodlen 10, paragraff 32(12). Trosglwyddwyd y swyddogaethau o dan yr adrannau hynny, i'r graddau yr oeddent yn arferadwy o ran Cymru, i Gynulliad Cenedlaethol Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672). Yn rhinwedd adran 162 o Ddeddf Llywodraeth Cymru 2006 (p.32), a pharagraff 30 o Atodlen 11 iddi, mae'r swyddogaethau hynny bellach yn arferadwy gan Weinidogion Cymru.