(Nid yw'r nodyn hwn yn rhan o'r Gorchymyn)
Mae'r Gorchymyn hwn yn diwygio Gorchymyn Cyngor Addysgu Cyffredinol Cymru (Swyddogaethau Ychwanegol) 2000 (“Gorchymyn 2000”), o ganlyniad i Ddeddf Addysg 2011 (“Deddf 2011”) sy'n darparu ar gyfer diddymu Cyngor Addysgu Cyffredinol Lloegr (“CACLl”) ac yn darparu mewn perthynas â gwahardd personau rhag cyflawni gwaith addysgu.
Mae erthygl 2(2) yn diwygio Rhan II o'r Atodlen i Orchymyn 2000 drwy ychwanegu paragraff 22B newydd sy'n darparu y bydd Cyngor Addysgu Cyffredinol Cymru (“y Cyngor”) yn cynnwys yn ei gofnodion delerau unrhyw orchymyn gwahardd sydd wedi'i wneud gan yr Ysgrifennydd Gwladol o dan adran 141B o Ddeddf Addysg 2002 (“Deddf 2002”) yn gwahardd person rhag cyflawni gwaith addysgu. Mewnosodir adran 141B yn Neddf 2002 gan Ddeddf 2011.
Mae erthygl 2(2) hefyd yn diwygio paragraffau 23A a 23B o Ran II o'r Atodlen er mwyn dileu cyfeiriadau at CACLl.