http://www.legislation.gov.uk/wsi/2011/706/made/welshRheoliadau Addysg (Peidio â Chodi Tâl sy'n Ymwneud â Theithiau Preswyl) (Cymru) (Diwygio) 2011cyKing's Printer of Acts of Parliament2015-09-16ADDYSG, CYMRU Mae'r Rheoliadau hyn yn diwygio Rheoliadau Addysg (Peidio â Chodi Tâl sy'n Ymwneud â Theithiau Preswyl) (Cymru) 2003 er mwyn ychwanegu budd-dal neu lwfans ychwanegol sy'n rhoi'r hawl i blentyn hawlydd gael prydau bwyd a llety am ddim ar daith breswyl. 2011 Rhif 706 (Cy.109) ADDYSG, CYMRU Rheoliadau Addysg (Peidio â Chodi Tâl sy'n Ymwneud â Theithiau Preswyl) (Cymru) (Diwygio) 2011 Gwnaed 9 Mawrth 2011 Gosodwyd gerbron Cynulliad Cenedlaethol Cymru 10 Mawrth 2011 Yn dod i rym 6 Ebrill 2011 Mae Gweinidogion Cymru, drwy arfer y pwerau a roddwyd i'r Ysgrifennydd Gwladol gan adrannau 457(4)(b)(iii) a 569 o Ddeddf Addysg 1996 ac a freiniwyd bellach ynddynt hwy yn gwneud y Rheoliadau a ganlyn: Enwi, cychwyn a chymhwyso 1 1 Enw'r Rheoliadau hyn yw Rheoliadau Addysg (Peidio â Chodi Tâl sy'n Ymwneud â Theithiau Preswyl) (Cymru) (Diwygio) 2011 a deuant i rym ar 6 Ebrill 2011. 2 Mae'r Rheoliadau hyn yn gymwys o ran Cymru. Dehongli 2 Yn y Rheoliadau hyn— mae i “Credyd Treth i Blant” a “Credyd Treth i Bobl sy'n Gweithio” yr ystyr a roddir i “Child Tax Credit” a “Working Tax Credit” yn Neddf Credydau Treth 2002; ystyr “incwm blynyddol” (“annual income”) yw'r incwm am y flwyddyn dreth wedi ei gyfrifo yn unol â Rheoliadau Credydau Treth (Diffinio a Chyfrifo Incwm) 2002; ac ystyr “Rheoliadau 2003” (“the 2003 Regulations”) yw Rheoliadau Addysg (Peidio â chodi Tâl sy'n Ymwneud â Theithiau Preswyl) (Cymru) 2003. Diwygio 3 1 Yn lle rheoliad 4 o Reoliadau 2003 rhodder– Credydau Treth Rhagnodedig 4 Rhagnodir Credyd Treth i Blant at ddibenion adran 457(4)(b)(iii) o Deddf 1996– a pan fo gan riant C hawl i Gredyd Treth i Blant ond nid i Gredyd Treth i Bobl sy'n Gweithio; a b pan fo rhiant C yn cael Treth Credyd i Blant yn rhinwedd dyfarniad sydd wedi ei seilio ar incwm blynyddol nad yw'n uwch na'r swm o £16,190. . 2 Ar ôl rheoliad 4 o Reoliadau 2003 mewnosoder— Credyd Pensiwn y Wladwriaeth 5 Mae Credyd Pensiwn y Wladwriaeth sy'n daladwy o dan adran 1 o Ddeddf Credyd Pensiwn y Wladwriaeth 2002 wedi ei ragnodi at ddibenion adran 457(4)(b)(iii) o Ddeddf 1996 mewn amgylchiadau pan yw'r rhiant yn derbyn y credyd gwarant. . Leighton Andrews Y Gweinidog dros Blant, Addysg a Dysgu Gydol Oes, un o Weinidogion Cymru 9 Mawrth 2011 (Nid yw'r nodyn hwn yn rhan o'r Rheoliadau)

Mae'r Rheoliadau hyn yn diwygio Rheoliadau Addysg (Peidio â Chodi Tâl sy'n Ymwneud â Theithiau Preswyl) (Cymru) 2003 er mwyn ychwanegu budd-dal neu lwfans ychwanegol sy'n rhoi'r hawl i blentyn hawlydd gael prydau bwyd a llety am ddim ar daith breswyl.

Mae Credyd Pensiwn y Wladwriaeth wedi ei ragnodi at ddibenion adran 457 o Ddeddf Addysg 1996 cyhyd â bod yr hawlydd yn derbyn y rhan credyd gwarant o Gredyd Pensiwn y Wladwriaeth.

Mae'r Rheoliadau hyn hefyd yn rhagnodi, at ddibenion adran 457(4)(b)(iii) o Ddeddf Addysg 1996, pan fo gan riant C hawl i Gredyd Treth i Blant ond nid i Gredyd Treth i Bobl sy'n Gweithio ac mae'n cael Credyd Treth i Blant yn seiliedig ar incwm blynyddol nad yw'n uwch na £16,190, bydd hawl gan C i gael ciniawau ysgol am ddim.

1996 p.56. Disodlwyd adran 457(4)(b) gan adran 200 o Ddeddf Addysg 2002 (p.32). Trosglwyddwyd swyddogaethau'r Ysgrifennydd Gwladol o dan yr adrannau hynny i Weinidogion Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672) ac adran 211(1) a (2) o Ddeddf Addysg 2002 a'u trosglwyddo wedyn i Weinidogion Cymru gan baragraff 30 o Atodlen 11 i Ddeddf Llywodraeth Cymru 2006 (p.32). 2002 p.16. O.S. 2002/2006, fel y'i diwygiwyd gan O.S. 2003/732, 2003/2815, 2004/2663, 2006/745, 2006/766, 2007/824, 2007/1305 a 2008/2169. O.S. 2003/860 (Cy.107). 2002 p.16.