Offerynnau Statudol Cymru
AMAETHYDDIAETH, CYMRU
Gwnaed
6 Rhagfyr 2011
Yn dod i rym
1 Ebrill 2012
Mae Gweinidogion Cymru yn gwneud y Gorchymyn a ganlyn drwy arfer pwerau a roddwyd gan adrannau 5(4) ac 17 o Fesur Diwydiant Cig Coch (Cymru) 2010(1).
Gosodwyd drafft o'r Gorchymyn hwn gerbron Cynulliad Cenedlaethol Cymru a chymeradwywyd ef ganddo drwy benderfyniad.
1. Enw'r Gorchymyn hwn yw Gorchymyn Mesur Diwydiant Cig Coch (Cymru) 2010 (Diwygio) 2011. Mae'n gymwys o ran Cymru a daw i rym ar 1 Ebrill 2012.
2. Mae Rhan 1 o Atodlen 2 i'r Mesur wedi ei diwygio fel a ganlyn—
(1) Ym mharagraff 5 o'r Atodlen yn lle'r tabl a geir yno rhodder y tabl a ganlyn—
| “Anifail | Cyfradd uchaf yr elfen gynhyrchu ar gyfer pob anifail |
|---|---|
| Gwartheg | £ 6.91 |
| Lloi | £ 0.50 |
| Defaid | £ 1.00 |
| Moch | £ 1.67”. |
(2) Ym mharagraff 6 o'r Atodlen yn lle'r tabl a geir yno rhodder y tabl a ganlyn—
| “Anifail | Cyfradd uchaf yr elfen gigydda neu allforio ar gyfer pob anifail |
|---|---|
| Gwartheg | £ 2.12 |
| Lloi | £ 0.50 |
| Defaid | £ 0.32 |
| Moch | £ 0.40”. |
Alun Davies
Y Dirprwy Weinidog Amaethyddiaeth, Bwyd, Pysgodfeydd a Rhaglenni Ewropeaidd, o dan awdurdod y Gweinidog Busnes, Menter, Technoleg a Gwyddoniaeth, un o Weinidogion Cymru
6 Rhagfyr 2011
(Nid yw'r nodyn hwn yn rhan o'r Gorchymyn)
Mae'r Gorchymyn hwn yn diwygio Mesur Diwydiant Cig Coch (Cymru) 2010.
Mae erthygl 2 yn diwygio Rhan 1 o Atodlen 2 i'r Mesur drwy amnewid y tablau ynghylch yr elfennau ym mharagraff 5 a 6.
Ni luniwyd asesiad effaith rheoleiddiol ar yr effaith y bydd yr offeryn hwn yn ei gael ar gostau busnes ac ar y sector gwirfoddol.