Offerynnau Statudol Cymru
ADDYSG, CYMRU
Gwnaed
30 Medi 2010
Mae Gweinidogion Cymru, drwy arfer y pwerau a roddwyd gan adran 269(3), (7) ac (8) o Ddeddf Prentisiaethau, Sgiliau, Plant a Dysgu 2009(1), yn gwneud y Gorchymyn a ganlyn:
1.—(1) Enw'r Gorchymyn hwn yw Gorchymyn Deddf Prentisiaethau, Sgiliau, Plant a Dysgu 2009 (Cychwyn Rhif 2 a Darpariaethau Trosiannol) (Cymru) 2010.
(2) Yn y Gorchymyn hwn:
ystyr “Atodlen 12” (“Schedule 12”) yw Atodlen 12 i Ddeddf 2009 ac ystyr “Atodlen 16” (“Schedule 16”) yw Atodlen 16 i Ddeddf 2009;
ystyr “Deddf 1997” (“the 1997 Act”) yw Deddf Addysg 1997(2);
ystyr “Deddf 2009” (“the 2009 Act”) yw Deddf Prentisiaethau, Sgiliau, Plant a Dysgu 2009;
ystyr “y diwrnod penodedig” (“the appointed day”) yw 1 Tachwedd 2010 ac eithrio mewn perthynas ag erthygl 2(c) ac (ch) pan mai 1 Hydref 2010 yw ei ystyr.
2. Daw'r darpariaethau canlynol i rym ar y dyddiad penodedig—
(a)adrannau 174 a 192 o Ddeddf 2009 i'r graddau y maent yn ymwneud â pharagraffau 11, 13 a 27 o Atodlen 12 (i'r graddau y maent yn ymwneud â Chymru); paragraffau 14 i 19 a 29 o Atodlen 12; a'r cofnodion cysylltiedig yn Atodlen 16;
(b)adran 266 o Ddeddf 2009 i'r graddau y mae'n ymwneud—
(i)â'r diddymiadau canlynol a bennir yn Rhan 4 o Atodlen 16:
(a2)adran 30(1C), (1D), (2) a (6) o Ddeddf 1997;
(b2)adran 32(4A) o Ddeddf 1997;
(c2)adran 32A(6) o Ddeddf 1997;
(ch2)paragraff 5(6) o Atodlen 17 i Ddeddf Addysg 2002(3);
(d2)adran 162(2) i (5) o Ddeddf Addysg a Sgiliau 2008(4);
(ii)â'r diddymiadau neu'r dirymiadau canlynol a bennir yn Rhan 4 o Atodlen 16 i'r graddau y maent yn ymwneud â Chymru:
(a2)adrannau 21 i 26A o Ddeddf 1997;
(b2)paragraff 214 o Atodlen 30 i Ddeddf Safonau a Fframwaith Ysgolion 1998(5);
(c2)adran 103(2) a (3) o Ddeddf Dysgu a Medrau 2000(6) a pharagraff 69 o Atodlen 9 iddi;
(ch2)yn adran 216(2) o Ddeddf Addysg 2002, y geiriau “paragraphs 1 to 4 and 9 of Schedule 17, and section 189 so far as relating to those paragraphs,”;
(d2)paragraffau 1 i 4 a'r pennawd mewn sgript italig o flaen paragraff 1 o Atodlen 17 i Ddeddf Addysg 2002;
(dd2)paragraff 69 o Atodlen 21 i Ddeddf Addysg 2002;
(e2)paragraff 7 o Atodlen 1 i Orchymyn Awdurdod Cymwysterau, Cwricwlwm ac Asesu Cymru (Trosglwyddo Swyddogaethau i Gynulliad Cenedlaethol Cymru a Diddymu'r Awdurdod) 2005(7);
(f2)paragraff 2 o Atodlen 1 i Ddeddf Gofal Plant 2006(8) a'r pennawd mewn sgript italig sy'n dod o'i flaen;
(ff2)paragraff 21 o Atodlen 14 i Ddeddf Addysg ac Arolygiadau 2006(9);
(g2)adrannau 161 ac 163 o Ddeddf Addysg a Sgiliau 2008;
(c)adran 259 o Ddeddf 2009;
(ch)y diddymiad a bennir yn Atodlen 16 yn adran 76(1)(b) o Ddeddf Addysg Bellach ac Uwch 1992(10) sef diddymu'r geiriau “in England”.
3.—(1) Mae'r erthygl hon yn gymwys os cydnabyddir person (neu os caiff ei drin fel pe cydnabyddir ef), yn union cyn y diwrnod penodedig, gan Weinidogion Cymru o dan adran 30(1)(cb) o Ddeddf 1997(11), a'i fod yn dyfarnu neu'n dilysu cymhwyster sy'n cael ei achredu gan Weinidogion Cymru o dan adran 30(1)(e) o Ddeddf 1997.
(2) Yn effeithiol o'r diwrnod penodedig ymlaen, bernir bod y person yn cael ei gydnabod gan Weinidogion Cymru o dan adran 30(1)(e) o Ddeddf 1997 mewn cysylltiad â dyfarnu neu ddilysu'r cymhwyster hwnnw neu'r disgrifiad hwnnw o gymhwyster.
4.—(1) Mae'r erthygl hon yn gymwys os achredir cymhwyster (“y cymhwyster”), yn union cyn y diwrnod penodedig, gan Weinidogion Cymru o dan adran 30(1)(e) o Ddeddf 1997.
(2) Yn effeithiol o'r diwrnod penodedig ymlaen, mae'r cymhwyster i'w drin fel pe bai'n ddarostyngedig i ofyniad am achredu yn unol â dyfarniad a wneir o dan adran 30(1)(f) o Ddeddf 1997.
5.—(1) Mae'r erthygl hon yn gymwys os achredir ffurf ar gymhwyster (“y ffurf ar gymhwyster”), yn union cyn y diwrnod penodedig, gan Weinidogion Cymru o dan adran 30(1)(e) o Ddeddf 1997 ac y bernir, yn rhinwedd erthygl 4, ei bod yn ddarostyngedig i ofyniad am achredu.
(2) Yn effeithiol o'r diwrnod penodedig ymlaen, caiff y ffurf ar y cymhwyster ei thrin fel pe bai wedi ei hachredu gan Weinidogion Cymru o dan adran 30(1)(h) o Ddeddf 1997.
Leighton Andrews
Y Gweinidog dros Blant, Addysg a Dysgu Gydol Oes, un o Weinidogion Cymru.
30 Medi 2010
(Nid yw'r nodyn hwn yn rhan o'r Gorchymyn)
Dyma'r ail orchymyn cychwyn i'w wneud gan Weinidogion Cymru o dan Ddeddf Prentisiaethau, Sgiliau, Plant a Dysgu 2009 (p.22) (“Deddf 2009”). Mae'r Gorchymyn yn dwyn i rym ar 1 Tachwedd 2010 baragraffau 11, 13 a 27 o Atodlen 12 i'r graddau y maent yn ymwneud â Chymru (a'r cofnodion cysylltiedig yn Atodlen 16), paragraffau 14 i 19 a 29 o Atodlen 12 (a chofnodion cysylltiedig yn Atodlen 16), adrannau 174 a 192 i'r graddau y maent yn ymwneud â'r paragraffau yn eu trefn yn Atodlen 12; ac adran 266 i'r graddau y mae'n ymwneud â chofnodion perthnasol yn Atodlen 16.
Mae Atodlen 12 i Ddeddf 2009 yn gwneud mân ddiwygiadau a diwygiadau canlyniadol i Ran 5 o Ddeddf Addysg 1997 (“Deddf 1997”) a Deddf Dysgu a Medrau 2000 (p.21) (“Deddf 2000”) mewn perthynas â Chymru. Mae paragraff 15 o Atodlen 12 yn amnewid adran 30(1) o Ddeddf 1997 er mwyn rhoi swyddogaethau ychwanegol i Weinidogion Cymru mewn perthynas â chydnabod cyrff dyfarnu ac ag achredu cymwysterau. Yn lle'r diffiniad o “external qualification” a geir yn Rhan 5 o Ddeddf 1997 rhoddir diffiniad o “relevant qualification”. Mae paragraffau 17 ac 19 o Atodlen 12 yn rhoi swyddogaethau ychwanegol mewn perthynas â chydnabod cyrff dyfarnu. Mae paragraff 27 o Atodlen 12 yn dileu o Ddeddf 2000 y gofyniad am i gyrsiau sy'n arwain at ddyfarnu cymwysterau ar gyfer y rhai o dan 19 oed fod yn ddarostyngedig i gymeradwyaeth ar wahân ar ran Gweinidogion Cymru.
Mae gweddill paragraffau Atodlen 12 sy'n cael eu cychwyn gan y Gorchymyn hwn yn gwneud mân ddiwygiadau neu ddiwygiadau canlyniadol eraill. Mae paragraffau cyfatebol Atodlen 16 yn gwneud diddymiadau a dirymiadau.
Mae'r Gorchymyn yn dwyn i rym adran 259 o Ddeddf 2009 ar 1 Hydref 2010. Mae'r adran hon yn diwygio adran 76 o Ddeddf Addysg Bellach ac Uwch 1992. Drwy ddiddymu'r geiriau “in England” a geir yn adran 76(1)(b), gall y Cyfrin Gyngor bennu sefydliadau addysg bellach yng Nghymru (yn ogystal ag yn Lloegr) yn sefydliadau cymwys i ddyfarnu graddau sylfaen.
Mae erthyglau 3 i 5 o'r Gorchymyn hwn yn gwneud darpariaeth drosiannol fel y bernir bod y cyrff dyfarnu hynny sy'n gydnabyddedig, neu a gaiff eu trin fel pe baent yn gydnabyddedig, cyn y dyddiad penodedig, yn gydnabyddedig, ac y bernir bod cymwysterau, a achredir cyn y dyddiad penodedig, yn ddarostyngedig i ofyniad achredu ac yn achrededig, a hynny, o ran y ddau beth, o dan yr adrannau a amnewidir yn Neddf 1997.
(Nid yw'r nodyn hwn yn rhan o'r Gorchymyn)
Mae darpariaethau canlynol Deddf Prentisiaethau, Sgiliau, Plant a Dysgu 2009 wedi eu dwyn i rym o ran Cymru gan Orchymyn Cychwyn a wnaed cyn dyddiad y Gorchymyn hwn:
| Y Ddarpariaeth | Y Dyddiad Cychwyn | Rhif yr O.S. |
|---|---|---|
| Adran 205 | 12 Ionawr 2010 | O.S. 2009/3341 (Cy. 292) |
| Atodlen 14 | 12 Ionawr 2010 | O.S. 2009/3341 (Cy. 292) |
Mae amryw o ddarpariaethau Deddf Prentisiaethau, Sgiliau, Plant a Dysgu 2009 wedi eu dwyn i rym o ran Lloegr gan yr Offerynnau Statudol canlynol: O.S. 2009/3317, O.S. 2010/303 (fel y'i diwygiwyd gan O.S. 2010/1891), O.S. 2010/1151 (fel y'i diwygiwyd gan O.S. 2010/1702).
1992 p.13. Mewnosodwyd adran 76(1)(b) gan Ddeddf Addysg Bellach a Hyfforddiant 2007 (p.25) adran 19(2).
Trosglwyddwyd swyddogaethau Awdurdod Cymwysterau, Cwricwlwm ac Asesu Cymru i Gynulliad Cenedlaethol Cymru gan erthygl 2 o Orchymyn Awdurdod Cymwysterau, Cwricwlwm ac Asesu Cymru (Trosglwyddo Swyddogaethau i Gynulliad Cenedlaethol Cymru a Diddymu'r Awdurdod) 2005 (O.S. 2005/3239). Trosglwyddwyd swyddogaethau Cynulliad Cenedlaethol Cymru i Weinidogion Cymru yn rhinwedd paragraffau 30(1) a 30(2)(a) o Atodlen 11 i Ddeddf Llywodraeth Cymru 2006 (p.32).