Enwi, Cychwyn a Chymhwyso

1.—( 1) Enw'r Gorchymyn hwn yw Gorchymyn y Gwasanaeth Iechyd Gwladol (Trosglwyddo Ystad Weddilliol) (Cymru) 2009, a daw i rym ar 1 Hydref 2009.

(2) Mae'r Gorchymyn hwn yn gymwys o ran Cymru.

Dehongli

2.   Yn y Gorchymyn hwn, onid yw'r cyd-destun yn mynnu fel arall—

• ystyr “corff Gwasanaeth Iechyd Gwladol” (“National Health Service body”) yw'r corff perthnasol a restrir yng ngholofn 2 o'r Atodlen;

• ystyr “y dyddiad trosglwyddo” (“the transfer date”) yw 1 Hydref 2009;

• “yr ystad weddilliol” (“the residual estate”) yw'r ystad honno a restrir yng ngholofn 1 o'r Atodlen.

Trosglwyddo Ystad Weddilliol

3.—( 1) Trosglwyddir yr ystad weddilliol i'r corff Gwasanaeth Iechyd Gwladol perthnasol o'r dyddiad trosglwyddo.

(2) Rhaid i'r corff Gwasanaeth Iechyd Gwladol perthnasol gadw at delerau unrhyw les a drosglwyddwyd iddo yn rhinwedd yr erthygl hon.

Edwina Hart

Y Gweinidog dros Iechyd a Gwasanaethau Cymdeithasol, un o Weinidogion Cymru

29 Medi 2009