http://www.legislation.gov.uk/wsi/2007/2425/article/2/made/welshGorchymyn Crynoadau Anifeiliaid (Cymru) 2007cyKing's Printer of Acts of Parliament2011-07-05ANIFEILIAID, CYMRU;IECHYD ANIFEILIAID Mae'r Gorchymyn hwn yn dirymu ac yn ailddeddfu, gyda diwygiadau, Orchymyn Crynoadau Anifeiliaid (Cymru) 2004 (O.S. 2004/1803 (Cy.191)). Mae'r diwygiadau fel a ganlyn. 2 Yn y Gorchymyn hwn— ystyr “anifeiliaid” (“animals”) yw gwartheg (ond heb gynnwys buail a iacod), ceirw, geifr, defaid a moch; ystyr “arwerthiant defaid magu yn yr hydref” (“sheep autumn breeding sale”) yw crynhoad anifeiliaid a gynhelir rhwng 1 Awst a 31 Rhagfyr at y prif ddiben o werthu defaid bridio; ystyr “crynhoad anifeiliaid” (“animal gathering”) yw achlysur pan gaiff anifeiliaid eu crynhoi ynghyd at un neu fwy o'r dibenion canlynol — gwerthiant, sioe neu arddangosfa; traddodi llwyth o anifeiliaid ymlaen o fewn Prydain Fawr; archwiliad i gadarnhau bod gan yr anifeiliaid nodweddion brid penodol; mae “cyfarpar” (“equipment”) yn cynnwys llociau a chlwydi; ystyr “diheintydd a gymeradwywyd” (“approved disinfectant”) yw diheintydd a gymeradwywyd o dan Orchymyn Clefydau Anifeiliaid (Diheintyddion a Gymeradwywyd) 1978; mae i “man i anifeiliaid” (“animal area”) yr ystyr a roddir yn erthygl 5(3)(c); ystyr “mangre drwyddedig” (“licensed premises”) yw mangre a drwyddedwyd o dan erthygl 5; ystyr “palmantog” (“paved”) yw arwyneb o sment, concrid, asffalt neu ddeunydd caled anhydrin arall y gellir ei lanhau a'i ddiheintio'n effeithiol. O.S. 1978/32 fel y'i diwygiwyd ddiwethaf o ran Cymru gan O.S. 2006/3166 (Cy.291).