Rheoliadau Cofrestru Prynwyr a Gwerthwyr Pysgod a Dynodi Safleoedd Arwerthu Pysgod (Cymru) 2006

Dehongli

2.—( 1) Yn y Rheoliadau hyn–

ystyr “cwch pysgota trwyddedig” (“licensed fishing vessel”) yw cwch pysgota y rhoddwyd trwydded iddo o dan adran 4 o Ddeddf (Cadwraeth) Pysgod Môr 1967(1) neu ddarpariaethau cyffelyb yn ymwneud â physgodfeydd gan Aelod-Wladwriaeth arall neu gan yr awdurdodau priodol yn Ynysoedd y Sianel, Ynys Manaw neu wlad arall;

ystyr “Cynulliad Cenedlaethol” (“National Assembly”) yw Cynulliad Cenedlaethol Cymru;

ystyr “darpariaethau cywerth” (“equivalent provisions”) yw unrhyw ddarpariaeth yn unrhyw reoliadau eraill a wnaed o dan adran 2(2) o Ddeddf y Cymunedau Ewropeaidd 1972 at ddibenion gweithredu Erthygl 9, neu Erthygl 22 o'r Rheoliad CFP, yn ymestyn i unrhyw ran o'r Deyrnas Unedig, y mae ei heffaith yn gyfwerth ag unrhyw ddarpariaeth yn y Rheoliadau hyn;

mae “dogfen” (“document”) yn cynnwys gwybodaeth a gofnodwyd mewn unrhyw ffurf;

ystyr “Erthygl 9” (“Article 9”) yw Erthygl 9 Rheoliad Cyngor (EEC) Rhif 2847/93 yn sefydlu system reoli sy'n gymwys i'r Polisi Pysgodfeydd Cyffredin (2) fel y'i diwygiwyd ddiwethaf gan Reoliad Cyngor (EC) Rhif 768/2005(3);

ystyr “gwerthwr pysgod cofrestredig” (“registered fish seller”) yw person a gofrestrwyd gan y Cynulliad Cenedlaethol yn unol â rheoliad 3;

ystyr “PLN” (“PLN”) yw Rhif porthladd cwch o fewn ystyr rheoliad 31 Rheoliadau Llongau Masnach (Cofrestru Llongau) 1993(4);

ystyr “prynwr pysgod cofrestredig” (“registered fish buyer”) yw person a gofrestrwyd gan y Cynulliad Cenedlaethol yn unol â rheoliad 7;

ystyr “pysgod” (“fish”) yw cynnyrch pysgodfeydd a gaiff eu glanio o gwch pysgota y mae Erthygl 9 neu Erthygl 22 o'r Rheoliad CFP yn berthnasol iddo;

ystyr “pysgod gwerthiant cyntaf” (“first sale fish”) yw pysgod sy'n cael eu marchnata am y tro cyntaf; ac

ystyr “y Rheoliad CFP” (“the CFP Regulation”) yw Rheoliad Cyngor 2371/2002 ar warchod a datblygu adnoddau pysgodfeydd yn gynaliadwy o dan y Polisi Pysgodfeydd Cyffredin (5).

(2) Yn y Rheoliadau hyn, bydd unrhyw gyfeiriad at unrhyw werthwr pysgod yn cynnwys–

(a) asiant sy'n gwerthu pysgod ar ran y gwerthwr; a,

(b) masnachwr mewn arwerthiant.

(3) Mae i'r ymadroddion a ddefnyddir yn y Rheoliadau hyn, nad ydynt wedi'i diffinio ym mharagraffau (1) na (2) uchod ac sy'n ymddangos yn y Rheoliad CFP neu Erthygl 9, yr un ystyr yn y Rheoliadau hyn ag sydd ganddynt at ddibenion y Rheoliad CFP neu Erthygl 9.

(1)

1967 p.84.

(2)

OJ Rhif L261, 20.10.1993, t.1.

(3)

OJ Rhif L128, 21.05.2005, t.1.

(4)

O.S. 1993/3138; yr offeryn diwygio perthnasol yw 1999/3206.

(5)

OJ Rhif L358, 31.12.2002, t.59.