Offerynnau Statudol Cymru
HAWLIAU BRIDWYR PLANHIGION, CYMRU
Wedi'i wneud
3 Mai 2006
Yn dod i rym
12 Mai 2006
Mae Cynulliad Cenedlaethol Cymru, drwy arfer y pwerau a roddwyd iddo gan adran 9(6) o Ddeddf Amrywogaethau Planhigion 1997(1) ac sydd bellach wedi'u breinio ynddo(2) ar ôl ymgynghori â'r cyrff hynny y mae'n ymddangos iddo eu bod yn gynrychioliadol o'r personau y mae'n debygol yr effeithir arnynt yn sylweddol, yn gwneud y Gorchymyn canlynol:
1.—(1) Enw'r Gorchymyn hwn yw Gorchymyn Hawliau Bridwyr Planhigion (Dirwyn i Ben Esemptiad o Ddefnydd Blaenorol) (Cymru) 2006 a daw i rym ar 12 Mai 2006.
(2) Mae'r Gorchymyn hwn yn gymwys o ran Cymru.
2. Mae adran 9(5) o Ddeddf Amrywogaethau Planhigion 1997 yn peidio â chael effaith.
Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998(3)
D. Elis-Thoma
Llywydd y Cynulliad Cenedlaethol
3 Mai 2006
(Nid yw'r nodyn hwn yn rhan o'r Gorchymyn)
Mae'r Gorchymyn hwn yn gymwys o ran Cymru a daw i rym ar 12 Mai 2006.
Mae'r Gorchymyn yn dirwyn i ben yr esemptiad o ddefnydd blaenorol yn adran 9(5) o Ddeddf Amrywogaethau Planhigion 1997.
Paratowyd Arfarniad Rheoliadol ar gyfer y Rheoliadau hyn. Gellir cael copïau oddi wrth yr Adran dros yr Amgylchedd, Cynllunio a Chefn Gwlad, Llywodraeth Cynulliad Cymru, Parc Cathays, Caerdydd CF10 3NQ.
1997 p.66. gweler adran 49(1) i gael y diffiniad o “the Ministers”.
Trosglwyddodd erthygl 2 o Orchymyn Cynulliad Cenedlaethol Cymru (Trosglwyddo Swyddogaethau 1999 ac Atodlen 1 iddo (O.S. 1999/672) swyddogaethau"r Gweinidogion o dan adran 9 o Ddeddf Amrywogaethau Planhigion 1997, i"r graddau y maent yn arferadwy o ran Cymru, i Gynulliad Cenedlaethol Cymru.