http://www.legislation.gov.uk/wsi/2003/783/made/welshRheoliadau'r Gwasanaeth Iechyd Gwladol (Gwasanaethau Fferyllol) (Diwygio) (Cymru) 2003cyKing's Printer of Acts of Parliament2017-11-16Y GWASANAETH IECHYD GWLADOL, CYMRU Mae'r Rheoliadau hyn yn diwygio ymhellach Reoliadau'r Gwasanaeth Iechyd Gwladol (Gwasanaethau Fferyllol Cyffredinol) 1992 sy'n rheoleiddio'r telerau ynghylch darparu gwasanaethau fferyllol cyffredinol o dan Ddeddf y Gwasanaeth Iechyd Gwladol 1977. The National Health Service (Pharmaceutical Services) (Amendment) (Wales) Regulations 2003Rheoliadau'r Gwasanaeth Iechyd Gwladol (Gwasanaethau Fferyllol) (Diwygio) (Cymru) 2003RegulationsThe National Health Service (Pharmaceutical Services) (Wales) Regulations 2013Rheoliadau'r Gwasanaeth Iechyd Gwladol (Gwasanaethau Fferyllol) (Cymru) 2013Sch. 8 para. 10reg. 1(2) 2003 Rhif 783 (Cy.94) Y GWASANAETH IECHYD GWLADOL, CYMRU Rheoliadau'r Gwasanaeth Iechyd Gwladol (Gwasanaethau Fferyllol) (Diwygio) (Cymru) 2003 Wedi'u gwneud 18 Mawrth 2003 Yn dod i rym 1 Ebrill 2003 Mae Cynulliad Cenedlaethol Cymru, drwy arfer y pwerau a roddwyd iddo gan adrannau 41, 42 a 126(4) o Ddeddf y Gwasanaeth Iechyd Gwladol 1977 drwy hyn yn gwneud y Rheoliadau canlynol: Enwi, cychwyn, cymhwyso ac effaith 1 1 Enw'r Rheoliadau hyn yw Rheoliadau'r Gwasanaeth Iechyd Gwladol (Gwasanaethau Fferyllol Cyffredinol) (Diwygio) (Cymru) 2003, a deuant i rym ar 1 Ebrill 2003. 2 Mae'r Rheoliadau hyn yn gymwys i Gymru yn unig. 3 Diwygir Rheoliadau'r Gwasanaeth Iechyd Gwladol (Gwasanaethau Fferyllol Cyffredinol) 1992 yn unol â darpariaethau canlynol y Rheoliadau hyn. Diwygio paragraff 10A yn Atodlen 2 2 Diwygir paragraff 10A i Atodlen 2 (Cwynion) yn unol â'r paragraffau canlynol — a ym mharagraff 7(b)(ii) yn lle'r gair “three”, rhodder y gair “two”; a b ym mharagraph (7)(c) yn lle'r ffigur “10”, rhodder y ffigur “20”. Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998. D.Elis-Thomas Llywydd Cynulliad Cenedlaethol Cymru. 18 Mawrth 2003 (Nid yw'r nodyn hwn yn rhan o'r Rheoliadau.)

Mae'r Rheoliadau hyn yn diwygio ymhellach Reoliadau'r Gwasanaeth Iechyd Gwladol (Gwasanaethau Fferyllol Cyffredinol) 1992 sy'n rheoleiddio'r telerau ynghylch darparu gwasanaethau fferyllol cyffredinol o dan Ddeddf y Gwasanaeth Iechyd Gwladol 1977.

Mae Rheoliad 2 yn cynnwys darpariaethau sy'n diwygio'r cyfnod o amser sydd gan fferyllwyr i ymateb i gwynion a wneir gan neu ar ran unrhyw berson y maent wedi rhoi gwasanaeth fferyllol iddo. Caiff yr amser a ganiateir i fferyllwyr gydnabod cwynion yn ffurfiol ei leihau o dri diwrnod i ddau ddiwrnod (ac eithrio dydd Sadwrn, dydd Sul, Dydd Nadolig, Dydd Gwener y Groglith a gwyliau banc), tra caiff yr amser a ganiateir i roi i achwynydd grynodeb ysgrifenedig o ymchwiliadau a chasgliadau ei gynyddu o 10 i 20 diwrnod gwaith (ac eithrio dydd Sadwrn, dydd Sul, Dydd Nadolig, Dydd Gwener y Groglith a gwyliau banc).

1977 p.49; gweler adran 128(1), fel y'i diwygiwyd gan Ddeddf y Gwasanaeth Iechyd Gwladol a Gofal Cymunedol 1990 (p. 19) (“Deddf 1990”), adran 26(2)(g) ac (i) i gael y diffiniadau o “prescribed” a “regulations”. Diwygiwyd adran 41 gan Ddeddf Iechyd a Gofal Cymdeithasol 2001 (p. 15) (“Deddf 2001”), adran 42(1). Diwygiwyd adran 42 gan Ddeddf y Gwasanaeth Iechyd Gwladol (Diwygio) 1986 (p. 66), adran 3(1); gan Ddeddf yr Awdurdodau Iechyd 1995 (p. 17), adran 2(1), Atodlen 1, paragraff 30(a)(i), (b)(i), (iii) a (c)(i), (iii) a (iv); Deddf Iechyd a Gofal Cymdeithasol 2001(p.15) (“Deddf 2001”), adrannau 43(2), (3) a (4), 20(1) a (6)(a)(b)(c), 23(1) a (5)(a)(b), 67(2), Atodlen 6, Rhan 1; gan Ddeddf Diwygio'r Gwasanaeth Iechyd Gwladol a Phroffesiynau Gofal Iechyd 2002 (p.17 ) (“Deddf 2002”), adran 2(5), Atodlen 2, Rhan 1, paragraffau 1, 16(1), (3)(b) a (4)(b); O.S. 1987/2202, erthygl 4, a chan Ddeddf 1990, adran 12(3). Diwygiwyd adran 126(4) gan Ddeddf 1990, adran 65(2); gan Ddeddf Iechyd 1999(p.8), adran 65(1), Atodlen 4, paragraffau 4, 37(1) a 6; gan Ddeddf 2001, adran 67(1), Atodlen 5, Rhan 1, paragraffau 5(1) a 13(b) a chan Ddeddf 2002, adran 6(3)(c). O ran Cymru, trosglwyddwyd swyddogaethau'r Ysgrifennydd Gwladol o dan adrannau 41 a 42 a 126(4) o Ddeddf y Gwasanaeth Iechyd Gwladol 1977 i Gynulliad Cenedlaethol Cymru o dan erthygl 2 o Orchymyn Cynulliad Cenedlaethol Cymru (Trosglwyddo Swyddogaethau) 1999 ac Atodlen 1 iddo, O.S. 1999/672. O.S. 1992/662, yr offeryn diwygio perthnasol yw O.S. 1996/698, sy'n mewnosod paragraffau 10A a B yn Atodlen 2 ac O.S. 1999/696 sy'n diwygio paragraff 10A. 1998 p.38.