Gorchymyn Sir Gwynedd (Newidiadau Etholiadol) 2002

Nodyn Esboniadol

(Nid yw'r nodyn hwn yn rhan o'r Gorchymyn)

O dan adran 64(1) o Ddeddf Llywodraeth Leol 1972 (fel y'i hamnewidwyd gan Ddeddf Llywodraeth Leol (Cymru) 1994) yr oedd yn ofynnol i Gomisiwn Ffiniau Llywodraeth Leol Cymru adolygu'r trefniadau etholiadol cyn gynted ag y byddai'n ymarferol ar ôl yr etholiadau cyntaf i'r awdurdodau unedol ym Mai 1995.

Mae'r Gorchymyn hwn yn rhoi ei effaith i'r cynigion a wnaed yn adroddiad Medi 1998 Comisiwn Ffiniau Llywodraeth Leol Cymru ar gyfer Sir Gwynedd.

Er bod y Gorchymyn yn diddymu'r holl adrannau etholiadol presennol yn y Sir ac yn eu disodli ag adrannau etholiadol newydd, yn ymarferol bydd y mwyafrif yn aros yr un fath.

Nid oes unrhyw newid i adrannau Aberdaron, Aberdyfi, Abererch, Aber-soch, Y Bala, Bethel, Y Bontnewydd, Botwnnog, Bowydd a'r Rhiw, Cadnant, Clynnog, Corris/Mawddwy, Criccieth, Deiniol, Deiniolen, Dewi, Dyffryn Ardudwy, Efailnewydd/Buan, Garth, Glyder, Harlech, Hendre, Hirael, Llanaelhaearn, Llanbedr, Llanbedrog, Llanberis, Llandderfel, Llanengan, Llanuwchllyn, Llanwnda, Marchog, Menai (Bangor), Nefyn, Ogwen, Peblig (Caernarfon), Pen-y-groes, Gogledd Pwllheli, De Pwllheli, Seiont, Trawsfynydd, Tudweiliog, Tywyn, Waunfawr, Y Felinheli.

Serch hynny, mae'r adrannau etholiadol newydd canlynol i'w creu:

• Abermaw i gynnwys Cymuned Abermo ac i gael ei chynrychioli gan un cynghorydd.

• Arllechwedd i gynnwys Cymunedau Aber, Llanllechid a ward Llandygái Cymuned Llandygái ac i gael ei chynrychioli gan un cynghorydd.

• Brithdir a Llanfachreth/Y Ganllwyd/Llanelltud i gynnwys Cymunedau Brithdir, Llanfachreth, Y Ganllwyd a Llanelltud ac i gael ei chynrychioli gan un cynghorydd.

• Bryn-crug/Llanfihangel i gynnwys Cymunedau Bryn-crug, a Llanfihangel-y-Pennant ac i gael ei chynrychioli gan un cynghorydd.

• Cwm-y-glo i gynnwys wardiau Ceunant a Chwm-y-glo Cymuned Llanrug, ac i gael ei chynrychioli gan un cynghorydd.

• Adran Diffwys a Maenofferen i gynnwys ward Diffwys a Maenofferen Cymuned Ffestiniog ac i gael ei chynrychioli gan un cynghorydd.

• Dolbenmaen i gynnwys wardiau Bryncir, Y Garn, Golan, Penmorfa a Threflys Cymuned Dolbenmaen ac i gael ei chynrychioli gan un cynghorydd.

• Gogledd Dolgellau i gynnwys ward Ogleddol a ward Wledig Cymuned Dolgellau ac i gael ei chynrychioli gan un cynghorydd.

• De Dolgellau i gynnwys ward Ddeheuol Cymuned Dolgellau ac i gael ei chynrychioli gan un cynghorydd.

• Y Groeslon i gynnwys wardiau Dinas Dinlle a'r Groeslon yng Nghymuned Llandwrog ac i gael ei chynrychioli gan un cynghorydd.

• Llanystumdwy i gynnwys Cymuned Llanystumdwy ac i gael ei chynrychioli gan un cynghorydd.

• Morfa Nefyn i gynnwys wardiau Edern a Morfa Nefyn Cymuned Nefyn ac i gael ei chynrychioli gan un cynghorydd.

• Teigl i gynnwys wardiau Congl-y-wal a Chynfal a Theigl Cymuned Ffestiniog ac i gael ei chynrychioli gan un cynghorydd.

• Tre-garth a Mynydd Llandygái i gynnwys wardiau St Ann’s a Thre-garth Cymuned Llandygái ac i gael ei chynrychioli gan un cynghorydd.

Bydd cyfansoddiad yr adrannau presennol canlynol yn newid:

• Gerlan i gynnwys wardiau Gerlan a Rachub Cymuned Bethesda ac i gael ei chynrychioli gan un cynghorydd.

• Llangelynnin i gynnwys Cymunedau Arthog, Llanegryn a Llangelynnin ac i gael ei chynrychioli gan un cynghorydd.

• Llanllyfni i gynnwys wardiau Llanllyfni, Nantlle a Nebo Cymuned Llanllyfni i gael ei chynrychioli gan un cynghorydd.

• Penisa'r-waun i gynnwys wardiau Bryn'refail, Penisa'r-waun a Rhiwlas Cymuned Llanddeiniolen ac i gael ei chynrychioli gan un cynghorydd.

• Dwyrain Porthmadog i gynnwys ward y Dwyrain a ward Ynys Galch Cymuned Porthmadog ac i gael ei chynrychioli gan un cynghorydd.

• Gorllewin Porthmadog i gynnwys ward y Gest, ward Morfa Bychan a ward y Gorllewin Cymuned Porthmadog ac i gael ei chynrychioli gan un cynghorydd.

• Porthmadog-Tremadog i gynnwys Cymuned Beddgelert, ward Pren-teg Cymuned Dolbenmaen a ward Tremadog Cymuned Porthmadog ac i gael ei chynrychioli gan un cynghorydd.

• Tal-y-sarn i gynnwys wardiau Carmel a Chesarea Cymuned Llandwrog a ward Tal-y-sarn Cymuned Llanllyfni ac i gael ei chynrychioli gan un cynghorydd.

Mae newid hefyd yn y nifer o gynghorwyr ar gyfer yr adrannau canlynol:

• Mae cynrychiolaeth Llanrug yn cael ei gostwng o ddau gynghorydd i un.

• Mae cynrychiolaeth Menai (Caernarfon) yn cael ei gostwng o ddau gynghorydd i un.

• Mae cynrychiolaeth Penrhyndeudraeth yn cael ei gostwng o ddau gynghorydd i un.

• Mae cynrychiolaeth Pentir yn cael ei gostwng o ddau gynghorydd i un.