(Nid yw'r nodyn hwn yn rhan o'r Rheoliadau)

Mae'r Rheoliadau hyn yn diwygio Rheoliadau Diwygio'r Drefn Brydlesol (Hysbysiadau) 1997 ac yn darparu ffurflenni hysbysu newydd sydd i'w defnyddio gan denantiaid sy'n gwneud cais i ryddfreinio ac ymestyn prydlesi hir o dan Ddeddf Diwygio'r Drefn Brydlesol 1967. Mae'r ffurflenni newydd i gael eu defnyddio ar gyfer ceisiadau a wneir ar neu ar ôl 1 Ionawr 2003. Mae modd defnyddio hefyd ffurflenni sy'n sylweddol debyg i'r rhai a ragnodir.

Mae mwyafrif y diwygiadau yn ddiwygiadau canlyniadol i'r rhai a wnaed i Ddeddf Diwygio Prydlesi 1967 gan Bennod 4 o Ran 2 o Ddeddf Diwygio Deiliadaeth ar y Cyd a'r Drefn Brydlesol 2002 a gyflwynodd y newidiadau canlynol i'r rheolau cymhwyso ar gyfer rhyddfreinio ac ymestyn prydlesi:

(i)

diddymu'r prawf preswylio, yn ddarostyngedig i rai eithriadau;

(ii)

gofyniad newydd, sef bod raid i'r tenant fod wedi dal y brydles am ddwy flynedd;

(iii)

diddymu'r prawf rhent isel;

(iv)

yr hawl i brynu'r rhydd-ddeiliad o fewn cyfnod estyniad o'r brydles;

(v)

hawliau a rheolau cymhwyso newydd ar gyfer cynrychiolwyr personol lesddeiliad ymadawedig.

Gwneir hefyd mân ddiwygiadau drafftio.