http://www.legislation.gov.uk/wsi/2002/2940/note/made/welshGorchymyn Cyngor Addysgu Cyffredinol Cymru (Diwygio) 2002Local GovernmentcyKing's Printer of Acts of Parliament2011-07-05ADDYSG, CYMRU Mae'r Gorchymyn hwn yn diwygio Gorchymyn Cyngor Addysgu Cyffredinol Cymru 1998 er mwyn addasu cymhwyso Atodlen 1 i Ddeddf Addysgu ac Addysg Uwch 1998 i Gyngor Addysgu Cyffredinol Cymru (“y Cyngor”) er mwyn gwaredu rheolaethau ar y Cyngor sy'n arferadwy gan Gynulliad Cenedlaethol Cymru (“y Cynulliad Cenedlaethol”). (Nid yw'r nodyn hwn yn rhan o'r Gorchymyn)

Mae'r Gorchymyn hwn yn diwygio Gorchymyn Cyngor Addysgu Cyffredinol Cymru 1998 er mwyn addasu cymhwyso Atodlen 1 i Ddeddf Addysgu ac Addysg Uwch 1998 i Gyngor Addysgu Cyffredinol Cymru (“y Cyngor”) er mwyn gwaredu rheolaethau ar y Cyngor sy'n arferadwy gan Gynulliad Cenedlaethol Cymru (“y Cynulliad Cenedlaethol”).

Caiff y rheolaethau canlynol eu gwaredu— Y gofyniad i'r Cyngor gael caniatâd y Cynulliad Cenedlaethol cyn y gall arfer pwerau penodedig; Pŵer y Cynulliad Cenedlaethol i benderfynu cyflogau, lwfansau, pensiynau a thaliadau eraill aelodau'r Cyngor; Y gofyniad i gael cymeradwyaeth y Cynulliad Cenedlaethol mewn perthynas â thâl, lwfansau, amodau a thelerau gweithwyr y Cyngor; Y gofyniad i gael caniatâd y Cynulliad Cenedlaethol mewn perthynas â phensiynau neu arian rhodd gweithwyr y Cyngor; Yr hawl i gynrychiolwyr y Cynulliad Cenedlaethol neu gynrychiolydd corff dynodedig i gymryd rhan yng nghyfarfodydd y Cyngor.