http://www.legislation.gov.uk/wsi/2002/2935/made/welshRheoliadau Deddf Plant 1989 a Deddf Safonau Gofal 2000 (Rheoliadau Amrywiol) (Diwygio) (Cymru) (Rhif 2) 2002Voluntary controlled schoolscyKing's Printer of Acts of Parliament2018-02-13PLANT A PHERSONAU IFANC, CYMRUGOFAL CYMDEITHASOL, CYMRU Mae'r Rheoliadau hyn, sy'n gymwys mewn perthynas â Chymru, yn gwneud diwygiadau amrywiol i nifer o Reoliadau sy'n rheoli lleoli, gofal a llety plant sy'n derbyn gofal gan awdurdodau lleol wrth arfer eu swyddogaethau o dan Ddeddf Plant 1989 ('Deddf 1989'), ac i nifer o Reoliadau a wnaed o dan Ddeddf Safonau Gofal 2000 ('Deddf 2000'). The Children Act 1989 and the Care Standards Act 2000 (Miscellaneous Regulations) (Amendment) (Wales) (No. 2) Regulations 2002Rheoliadau Deddf Plant 1989 a Deddf Safonau Gofal 2000 (Rheoliadau Amrywiol) (Diwygio) (Cymru) (Rhif 2) 2002reg. 5 6 7 8The Social Services and Well-being (Wales) Act 2014 (Consequential Amendments) (Secondary Legislation) Regulations 2016Rheoliadau Deddf Gwasanaethau Cymdeithasol a Llesiant (Cymru) 2014 (Diwygiadau Canlyniadol) (Is-ddeddfwriaeth) 2016Sch. 1reg. 1(2)The Children Act 1989 and the Care Standards Act 2000 (Miscellaneous Regulations) (Amendment) (Wales) (No. 2) Regulations 2002Rheoliadau Deddf Plant 1989 a Deddf Safonau Gofal 2000 (Rheoliadau Amrywiol) (Diwygio) (Cymru) (Rhif 2) 2002reg. 10The Social Services and Well-being (Wales) Act 2014 (Consequential Amendments) (Secondary Legislation) Regulations 2016Rheoliadau Deddf Gwasanaethau Cymdeithasol a Llesiant (Cymru) 2014 (Diwygiadau Canlyniadol) (Is-ddeddfwriaeth) 2016Sch. 1reg. 1(2) 2002 Rhif 2935 (Cy.277) PLANT A PHERSONAU IFANC, CYMRU GOFAL CYMDEITHASOL, CYMRU Rheoliadau Deddf Plant 1989 a Deddf Safonau Gofal 2000 (Rheoliadau Amrywiol) (Diwygio) (Cymru) (Rhif 2) 2002 Wedi'u gwneud 27 Tachwedd 2002 Yn dod i rym 31 Rhagfyr 2002 Mae Cynulliad Cenedlaethol Cymru, drwy arfer y pwerau a roddwyd iddo gan adrannau 23(2)(a) ac (f), (5) a (9), 23A(3), 25(2) a (7), 26(1), (2), (5) a (6), 51(4), 59(2) i (5) a 104(4) o Ddeddf Plant 1989 a pharagraffau 13 a 14 o Atodlen 2, paragraff 4(1)(a) o Atodlen 4, paragraff 7(1)(a) o Atodlen 5, a pharagraff 10(1)(a) a (2)(1) o Atodlen 6 iddi, ac adrannau 3(3), 12(2)(a), 16(1)(a) a (3), 22(1) a 118(6) o'r Ddeddf Safonau Gofal ac yntau o'r farn nad yw'r Rheoliadau hyn yn rhoi effaith i unrhyw newid sylweddol yn y ddarpariaeth a wnaed gan reoliadau eraill a wnaed o dan adran 22 o Ddeddf 2000 drwy hyn yn gwneud y Rheoliadau canlynol: Enwi, cychwyn, cymhwyso a dehongli 1 1 Enw'r Rheoliadau hyn yw Rheoliadau Deddf Plant 1989 a Deddf Safonau Gofal 2000 (Rheoliadau Amrywiol) (Diwygio) (Cymru) (Rhif 2) 2002, a deuant i rym ar 31 Rhagfyr 2002. 2 Mae'r Rheoliadau hyn yn gymwys mewn perthynas â Chymru. 3 Yn y Rheoliadau hyn— ystyr “cartref” (“home”) yw— cartref cymunedol o fewn ystyr adran 53 o Ddeddf 1989; cartref a gofrestrwyd o dan Ran VIII o Ddeddf 1989; cartref a gofrestrwyd mewn cofrestr a gadwyd at ddibenion adran 60 o Ddeddf 1989; cartref y cyfeirir ato yn erthygl 3(9) o Orchymyn Cychwyn Rhif 8; cartref gofal preswyl o fewn ystyr adran 1(1) o Ddeddf 1984, cartref nyrsio o fewn ystyr adran 21 o Ddeddf 1984, a chartref nyrsio meddwl o fewn ystyr adran 22 o Ddeddf 1984); ystyr “Deddf 1984” (“1984 Act”) yw Deddf Cartrefi Cofrestredig 1984; ystyr “Deddf 1989” (“1989 Act”) yw Deddf Plant 1989; ystyr “Deddf 2000” (“2000 Act”) yw Deddf Safonau Gofal 2000; ystyr “Gorchymyn Cychwyn Rhif 8” (“the No. 8 Commencement Order”) yw Gorchymyn Deddf Safonau Gofal 2000 (Cychwyn Rhif 8 (Cymru) a Darpariaethau Trosiannol, Arbedion a Chanlyniadol) 2002. Diwygio Rheoliadau Cartrefi Gofal (Cymru) 2002 2 1 Yn rheoliad 2(1) o Reoliadau Cartrefi Gofal (Cymru) 2002 caiff y diffiniad o “perthynas” ei ddiywgio yn unol â pharagraff (2) o'r rheoliad hwn. 2 Yn lle'r geiriau “(ch) unrhyw unigolyn y cafodd y person ei letya ag ef o dan drefniadau maethu am gyfnod hwy na 28 diwrnod tra'r oedd rhwng un ar bymtheg a deunaw mlwydd oed, neu briod yr unigolyn hwnnw” rhoddir “(ch) unrhyw unigolyn a gafodd ei letya am gyfnod hwy na 28 diwrnod rhwng un ar bymtheg a deunaw mlwydd oed o dan drefniadau maethu a wnaed gyda'r person hwnnw, neu briod yr unigolyn hwnnw”. Diwygio Rheoliadau Cofrestru Gofal Cymdeithasol a Gofal Iechyd Annibynnol (Cymru) 2002 3 Ym mharagraff 3 o Atodlen 1 i Reoliadau Cofrestru Gofal Cymdeithasol a Gofal Iechyd Annibynnol (Cymru) 2002 ar ddechrau is-baragraff (a) mewnosodir y geiriau “heblaw pan fo'r ceisydd yn awdurdod lleol neu Ymddiriedolaeth GIG,”. Diwygio Rheoliadau Cofrestru Gofal Cymdeithasol a Gofal Iechyd Annibynnol (Ffioedd) (Cymru) 2002 4 Yn rheoliad 7(5)(c) o Reoliadau Cofrestru Gofal Cymdeithasol a Gofal Iechyd Annibynnol (Ffioedd) (Cymru) 2002 yn lle'r gair “home” rhoddir “independent hospital or clinic”. Diwygio Rheoliadau Trefniadau ar gyfer Lleoli Plant (Cyffredinol) 1991 5 1 Caiff Rheoliadau Trefniadau ar gyfer Lleoli Plant (Cyffredinol) 1991) eu diwygio yn unol â darpariaethau canlynol y rheoliad hwn. 2 Yn rheoliad 1(2), 2(1), 5(1), 6, 10(2) a (3) ac 11, ac ym mharagraff 5 o Atodlen 4, yn lle'r geiriau “registered children’s home” rhoddir y geiriau “private children’s home” bob tro y digwydd. 3 Yn rheoliad 1(2) (dehongli), yn y diffiniad o “placement”, yn lle “(b), (c), (d)” rhoddir “(aa)” ym mharagraff (a) a (b). 4 Yn rheoliad 2(2) (cymhwyso'r rheoliadau) ar ôl y geiriau “voluntary organisation”, rhoddir “, in a school which is a children’s home within the meaning of section 1(6) of the Care Standards Act 2000.”. 5 Yn rheoliad 11 (mynediad gan warcheidwaid ad litem i gofnodion a'r gofrestr), ac yn y pennawd i'r rheoliad hwnnw, yn lle “guardian ad litem” rhoddir “officer of the service”. 6 Yn Atodlen 3 (ystyriaethau addysgol y mae awdurdodau cyfrifol i'w ystyried), ym mharagraff 4— a yn lle “Education Act 1981” rhoddir “Education Act 1996”; a b yn lle “section 7” rhoddir “section 324”. Diwygio Rheoliadau Lleoli Plant â Rhieni a.y.y.b. 1991 6 1 Caiff Rheoliadau Lleoli Plant â Rhieni a.y.y.b 1991 eu diwygio yn unol â darpariaethau canlynol y rheoliad hwn. 2 Yn rheoliad 1(2) (dehongli), hepgorir y diffiniad o “guardian ad litem”. 3 Ym mharagraff 1 o Atodlen 1 (manylion i'w cymryd i ystyriaeth)— a yn is-baragraff (f), yn lle'r geiriau o “under” hyd at “Act” rhoddir “for child minding or day care”; a b yn lle is-baragraff (k) rhoddir— k details of any criminal offences of which he has been convicted, or in respect of which, at the time the caution was given, he admitted. . Diwygio Rheoliadau Adolygu Achosion Gofal Plant 1991 7 1 Caiff Rheoliadau Adolygu Achosion Gofal Plant 1991) eu diwygio yn unol â darpariaethau canlynol y rheoliad hwn. 2 Yn rheoliad 1(2) (dehongli), hepgorir y diffiniad o “guardian ad litem”. 3 Yn rheoliad 1(2) a 12, yn lle'r geiriau “registered children’s homes” rhoddir “private children’s homes” bob tro y diwgydd. 4 Yn rheoliad 13 (eithriadau i gymhwyso'r Rheoliadau), yn lle'r geiriau “on behalf of” hyd at ddiwedd y rheoliadau, rhoddir “by a local authority or a voluntary organisation in a school which is a children’s home within the meaning of section 1(6) of the Care Standards Act 2000.”. 5 Yn Atodlen 2 (ystyriaethau y mae awdurdodau cyfirfol i'w ystyried), ym mharagraff 4, yn lle “Deddf Addysg 1981” rhoddir “Deddf Addysg 1996”. Diwygio Rheoliadau Gweithdrefn Cynyrchioliadau (Plant) 1991 8 Caiff Rheoliadau Gweithdrefn Cynrychioliadau (Plant) 1991 eu diwygio fel a ganlyn— a yn rheoliad 11(2) (cais i sefydliadau gwirfoddol a chartrefi plant cofrestredig), yn lle'r geiriau “registered children’s home” rhoddir “private children’s home” bob tro y digwydd; a b yn rheoliad 11A (eithriadau i gymhwyso'r rheoliadau) yn lle'r geiriau sy'n dilyn “voluntary organisation” hyd at ddiwedd y rheoliad rhoddir “, in a school which is a children’s home within the meaning of section 1(6) of the Care Standards Act 2000.”. Diwygio Rheoliadau Llochesau (Cartrefi Plant a Lleoliadau Maeth) 1991 9 Caiff Rheoliadau Llochesau (Cartrefi Plant a Lleoliadau Maeth) 1991 eu diwygio fel a ganlyn— a yn rheoliad 2(1) (dehongli), yn y diffiniad o “home” ac yn rheoliad 4(2) yn lle'r geiriau “registered children’s home” rhoddir “private children’s home”; a b yn rheoliad 4(1) (tynnu tystysgrif yn ôl) yn is-baragraff (b), yn lle “Part II of the Children’s Homes Regulations 1991” rhoddir “Parts III to V of the Children’s Homes (Wales) Regulations 2002”. Diwygio Rheoliadau Plant (Llety Diogel) 1991 10 Caiff Rheoliadau Plant (Llety Diogel) 1991) eu diwygio fel a ganlyn— a yn rheoliad 2(1) (dehongli), yn y diffiniad o “children’s home”, yn lle “registered” rhoddir “private”; b yn rheoliad 5 (plant na fydd adran 25 o'r Ddeddf yn gymwys iddynt), ym mharagraff (1), yn lle “section 53” hyd at ddiwedd y paragraff hwnnw, rhoddir “section 90 or 91 of the Powers of the Criminal Courts (Sentencing) Act 2000 (detention at Her Majesty’s Pleasure or for specified period).”; ac c yn rheoliad 7 (plant y bydd adran 25 o'r Ddeddf yn gymwys iddynt ac yn cael effaith arnynt yn ddarostyngedig i addasiadau)— i yn y naill a'r llall o baragraffau (1)(b) a (3)(b), yn lle “residential care homes, nursing homes or mental nursing homes” rhoddir “care homes or independent hospitals”; a ii ym mharagraff (3)(a) yn lle “residential care home, a nursing home or a mental nursing home” rhoddir “care home or an independent hospital”. Diwygio Rheoliadau Plant (Llety Diogel) (Rhif 2) 1991 11 Ym mharagraff (2) o reoliad 2 o Reoliadau Plant (Llety Diogel) (Rhif 2), yn lle “residential care home, nursing home, or mental nursing home” rhoddir “care home or independent hospital”. Diwygio Rheoliadau Plant (Ymadael â Gofal) Cymru) 2001 12 Yn y diffiniad o “ysbyty” yn rheoliad 2 o Reoliadau Plant (Ymadael â Gofal) (Cymru) 2001 yn lle paragraff (b) rhoddir “(b) sefydliad cofrestredig o fewn ystyr adran 34(1) o Ddeddf Iechyd Meddwl 1983)”. Darpariaeth trosiannol 13 1 Ni fydd unrhyw ddiwygiad a wnaed yn rheoliadau 5 i 12 o'r Rheoliadau hyn yn gymwys mewn perthynas, neu mewn cysylltiad, â chartref, y mae am y tro, unrhyw un o'r darpariaethau a grybwyllwyd ym mharagraff (2) yn gymwys. 2 Y darpariaethau yw paragraffau (6) i (9) o erthygl 3 o Orchymyn Cychwyn Rhif 8. Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998 D. Elis-Thomas Llywydd Cynulliad Cenedlaethol Cymru 27 Tachwedd 2002 (Nid yw'r nodyn hwn yn rhan o'r Rheoliadau)

Mae'r Rheoliadau hyn, sy'n gymwys mewn perthynas â Chymru, yn gwneud diwygiadau amrywiol i nifer o Reoliadau sy'n rheoli lleoli, gofal a llety plant sy'n derbyn gofal gan awdurdodau lleol wrth arfer eu swyddogaethau o dan Ddeddf Plant 1989 ('Deddf 1989'), ac i nifer o Reoliadau a wnaed o dan Ddeddf Safonau Gofal 2000 ('Deddf 2000').

Caiff Rheoliadau Deddf 1989 eu diwygio o ganlyniad i weithredu Rhan II o Ddeddf 2000 mewn perthynas â chartrefi plant a chartrefi gofal. Gwneir hefyd amryw o fân ddiwygiadau a diwygiadau diweddaru eraill.

Caiff Rheoliadau Deddf 2000 eu diwygio er mwyn unioni mân wall drafftio, ac yn ogystal: (i) mewn perthynas â Rheoliadau Cartrefi Gofal (Cymru) 2002, i eglurhau nad yw sefydliad yn gartref gofal at ddibenion Rhan II o Ddeddf 2000 pan mai dim ond llety ynghyd â gofal i blant fu gynt yn blant maeth i'r person sy'n ei weithredu y mae'n eu darparu; a (ii) mewn perthynas â Rheoliadau Cofrestru Gofal Cymdeithasol a Gofal Iechyd Annibynnol (Cymru) 2002, i hepgor y gofyniad bod raid i awdurdod lleol neu Ymddiriedolaeth GIG gyflenwi tystlythyr ariannol i gydfynd â chais i gofrestru o dan Ran II o Ddeddf Safonau Gofal 2000.

1989 p.41. Mae'r pwerau wedi eu rhoi i'r Ysgrifennydd Gwladol. Maent yn arferadwy gan Gynulliad Cenedlaethol Cymru mewn perthynas â Chymru drwy rinwedd adran 22(1) o Ddeddf Llywodraeth Cymru 1998 (p.38), ac erthygl 2 o Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672) a'r cofnod mewn perthynas â Deddf Plant 1989 yn atodlen 1 iddi ac, mewn perthynas â'r pŵer o dan adran 23A o Ddeddf 1989, gan adran 8(7) o Ddeddf Plant (Ymadael â Gofal) 2000 (p.35). Gweler adran 105(1) o Ddeddf 1989 am y diffniad o “prescribed”. 2000 p.14. Mae'r pwerau wedi'u rhoi i'r “appropriate Minister”. Ystyr “appropriate Minister” yw'r Cynulliad mewn perthynas â Chymru: a.121(1) o Ddeddf 2000. Ystyr “Cynulliad” yw Cynulliad Cenedlaethol Cymru: adran 5(b) o Ddeddf 2000. Mewn perthynas â Lloegr, yr Alban a Gogledd Iwerddon ystyr “appropriate Minister” yw'r Ysgrifennydd Gwladol: adran 121(1) o Ddeddf 2000. Gweler adran 121(1) o Ddeddf 2000 ar gyfer y diffiniadau o “regulations” a “prescribed”. O dan adran 22(9) o Ddeddf 2000 bydd y Gweinidog priodol yn ymgynghori ag unrhyw berson y mae'n ei ystyried yn briodol cyn gwneud unrhyw reoliadau o dan adran 22, oni bai fod y rheoliadau yn diwygio rheoliadau eraill a wnaed o dan yr adran honno ac nad yw'r rheoliadau yn ei farn ef yn rhoi effaith i unrhyw newidiadau o bwys yn y ddarpariaeth a wnaed gan y rheoliadau hynny. Mae'r Rheoliadau hyn yn diwygio rheoliadau eraill a wnaed o dan adran 22: gweler rheoliad 2. Diddymwyd darpariaethau Rhan VIII o Ddeddf 1989 ynghylch cofrestru rhai cartrefi plant gan adran 117(2) o Ddeddf 2000, ac Atodlen 6 iddi, yn ddarostyngedig i'r darpariaethau trosiannol yn erthygl 3 o Orchymyn Cychwyn Rhif 8. Diddymwyd darpariaethau adran 60 o Ddeddf 1989 sy'n ymwneud â chofrestru cartrefi plant gwirfoddol gan adran 117(2) o Ddeddf 2000, ac Atodlen 6 iddi, yn ddarostyngedig i'r darpariaethau trosiannol yn erthygl 3 o Orchymyn Cychwyn Rhif 8. Mae erthygl 3(9) yn gymwys i rai cartrefi plant nad oeddent ar 1 Ebrill 2002 wedi'u cofrestru o dan Ran VIII o Ddeddf 1989, ond mewn perthynas â hwy, trwy rinwedd erthgyl 3(1) o Orchymyn Deddf Safonau Gofal 2000 (Cychwyn Rhif 2 a Darpariaethau Trosiannol) (Cymru) 2001 (O.S. 2001/139), yr oedd y person a oedd yn gweithredu'r cartref wedi'i ddiogleu rhag cyflawni'r drosedd o dan adran 63(10) o Ddeddf 1989 o weithredu cartref plant anghofrestredig. Deddfodd O.S. 2001/139 ddarpariaethau trosiannol mewn perthynas â chychwyn adran 40 o Ddeddf 2000, a oedd yn diwygio adran 63 o Ddeddf 1989 er mwyn gwaredu'r esemptiad o'r gofyniad i gofrestru o dan yr adran honno mewn perthynas â chartrefi plant sy'n lletya tri phlentyn neu lai. Diddymwyd Deddf 1984 gan adran 117(2) o Ddeddf 2000, ac Atodlen 6 iddi, yn ddarostyngedig i'r darpariaethau trosiannol yn erthygl 3 o Orchymyn Cychwyn Rhif 8. 1984 p.24. O.S. 2002/920. O.S. 2002/324. O.S. 2002/919. O.S. 2002/921. O.S. 1991/890, fel y'i diwygiwyd gan O.S. 1991/2033, O.S. 1993/3069, O.S. 1995/2015 ac O.S. 1997/649. Mae'r darpariaethau a amnewidiwyd yn gyfeiriadau at ddarpariaethau Deddf Plant 1989 a amnewidiwyd eu hunain gan adran 116 o Ddeddf Safonau Gofal 2000, a pharagraff 14(1), (3) ac(8) o Atodlen 4 iddi. Mae Adran 105(1) o Ddeddf Plant 1989 yn darparu bod i “officer of the service” yr un ystyr ag sydd yn Neddf Cyfiawnder Troseddol a Gwasanaethau Llys 2000 (p. 43). Gweler adran 11(3) o'r Ddeddf honNo. 1996 p.56. O.S. 1991/893, fel y'i diwygiwyd gan O.S. 1995/2015. O.S. 1991/895, fel y'i diwygiwyd gan O.S. 1991/2033, O.S. 1993/3069, O.S. 1995/2015, ac O.S. 1997/649. O.S. 1991/894, fel y'i diwygiwyd gan O.S. 1991/2033, O.S. 1993/3069 ac O.S. 2001/2189. O.S. 1991/1507. O.S. 2002/327. O.S. 1991/1505, fel y'i diwygiwyd gan O.S. 1992/2117, O.S. 1995/1398, O.S. 1996/692 ac O.S. 2000/694. 2000 p.6. O.S. 1991/2034, fel y'i diwygiwyd gan O.S. 2000/694. O.S. 2001/2189. 1983 p.20. Diwygir adran 34(1) gan adran 116 o Ddeddf Safonu Gofal 2000, a pharagraff 9(4) o Atodlen 4 iddi. Sefydliad cofrestredig yw sefydliad nad yw'n ysbyty at ddiebnion Rhan II o Ddeddf 1983, y mae person wedi'i gofrestru o dan Ran II o Ddeddf Safonau Gofal 2000 mewn perthynas ag ef fel ysbyty annibynnol lle caiff triniaeth neu nyrsio (neu'r ddau) eu darparu i bersonau sy'n agored i gael eu cadw o dan Ddeddf 1983. 1998 p.38.