Gorchymyn Ymddygiad Aelodau (Egwyddorion) (Cymru) 2001 No. 2276 (Cy. 166)

Erthygl 3

ATODLEN LL+C YR EGWYDDORION

Anhunanoldeb LL+C

1.   Rhaid i aelodau weithredu er lles y cyhoedd yn unig. Rhaid iddynt beidio byth â defnyddio'u safle fel aelodau er mantais amhriodol iddynt eu hunain neu er mantais neu anfantais amhriodol i eraill.

Gwybodaeth Cychwyn

I1 Atod. para. 1 mewn grym ar 28.7.2001, gweler ergl. 1(1)

Gonestrwydd LL+C

2.   Rhaid i aelodau ddatgan unrhyw fuddiannau preifat sy'n berthnasol i'w dyletswyddau cyhoeddus a chymryd camau i ddatrys unrhyw wrthdaro mewn modd sy'n diogelu buddiannau'r cyhoedd.

Gwybodaeth Cychwyn

I2 Atod. para. 2 mewn grym ar 28.7.2001, gweler ergl. 1(1)

Uniondeb a Gwedduster LL+C

3.   Rhaid i aelodau beidio â'u rhoi eu hunain mewn sefyllfa lle mae unrhyw rwymedigaeth ariannol neu rwymedigaeth arall tuag at unigolion neu gyrff a allai geisio dylanwadu arnynt wrth iddynt gyflawni eu dyletswyddau yn bwrw amheuaeth ar eu huniondeb. Rhaid i aelodau osgoi ymddygiad sy'n ymddangos felly bob adeg.

Gwybodaeth Cychwyn

I3 Atod. para. 3 mewn grym ar 28.7.2001, gweler ergl. 1(1)

Dyletswydd i Gynnal y Gyfraith LL+C

4.   Rhaid i aelodau weithredu i gynnal y gyfraith, a gweithredu bob amser yn unol â'r ymddiriedaeth y mae'r cyhoedd wedi'i rhoi iddynt.

Gwybodaeth Cychwyn

I4 Atod. para. 4 mewn grym ar 28.7.2001, gweler ergl. 1(1)

Stiwardiaeth LL+C

5.   Wrth gyflawni eu dyletswyddau a'u cyfrifoldebau rhaid i aelodau sicrhau bod adnoddau'r awdurdod yn cael eu defnyddio'n gyfreithlon ac yn ddoeth.

Gwybodaeth Cychwyn

I5 Atod. para. 5 mewn grym ar 28.7.2001, gweler ergl. 1(1)

Gwrthrychedd wrth wneud Penderfyniadau LL+C

6.   Wrth gyflawni eu cyfrifoldebau, gan gynnwys gwneud penodiadau, dyfarnu contractau, neu argymell unigolion ar gyfer gwobrwyon a manteision, rhaid i aelodau wneud penderfyniadau ar sail rhagoriaeth. Er bod rhaid i aelodau roi sylw i gyngor proffesiynol swyddogion a gall fod yn briodol iddynt roi sylw i farn eraill, gan gynnwys eu grwpiau gwleidyddol, eu cyfrifoldeb hwy yw penderfynu pa safbwynt i'w arddel ac, os yw'n briodol, sut i bleidleisio ar unrhyw fater.

Gwybodaeth Cychwyn

I6 Atod. para. 6 mewn grym ar 28.7.2001, gweler ergl. 1(1)

Cydraddoldeb a Pharch LL+C

7.   Rhaid i aelodau gyflawni eu dyletswyddau a'u cyfrifoldebau gyda sylw dyladwy i'r angen i hybu cyfle cyfartal i bawb, ni waeth beth yw eu gender, eu hil, eu hanabledd, eu cyfeiriadedd rhywiol, eu hoed neu eu crefydd, a dangos parch ac ystyriaeth tuag at eraill.

Gwybodaeth Cychwyn

I7 Atod. para. 7 mewn grym ar 28.7.2001, gweler ergl. 1(1)

Bod yn Agored LL+C

8.   Rhaid i aelodau fod mor agored â phosibl ynghylch eu holl weithredoedd a gweithredoedd eu hawdurdod. Rhaid iddynt geisio sicrhau bod datgeliadau gwybodaeth yn cael eu cyfyngu yn unol â'r gyfraith yn unig.

Gwybodaeth Cychwyn

I8 Atod. para. 8 mewn grym ar 28.7.2001, gweler ergl. 1(1)

Atebolrwydd LL+C

9.   Mae'r aelodau'n atebol i'r etholwyr ac i'r cyhoedd yn gyffredinol am eu gweithredoedd ac am sut y maent yn cyflawni eu cyfrifoldebau fel aelod. Rhaid iddynt fod yn barod i ildio i unrhyw archwiliadau sy'n briodol ar gyfer eu cyfrifoldebau.

Gwybodaeth Cychwyn

I9 Atod. para. 9 mewn grym ar 28.7.2001, gweler ergl. 1(1)

Rhoi Arweiniad LL+C

10.   Rhaid i aelodau hybu a chefnogi'r egwyddorion hyn drwy roi arweiniad ac esiampl fel y byddant yn hybu hyder cyhoeddus yn eu rôl ac yn yr awdurdod. Rhaid iddynt barchu didueddwch ac uniondeb swyddogion statudol yr awdurdod a chyflogeion eraill yr awdurdod.

Gwybodaeth Cychwyn

I10 Atod. para. 10 mewn grym ar 28.7.2001, gweler ergl. 1(1)