Rheoliadau Cyfraniadau Ardrethu Annomestig (Cymru) (Diwygio) 2000

Offerynnau Statudol Cymru

2000 Rhif 3382 (Cy. 220 )

ARDRETHU A PHRISIO, CYMRU

Rheoliadau Cyfraniadau Ardrethu Annomestig (Cymru) (Diwygio) 2000

Wedi'u gwneud

12 Rhagfyr 2000

Yn dod i rym

31 Rhagfyr 2000

Mae Cynulliad Cenedlaethol Cymru'n gwneud y Rheoliadau canlynol drwy arfer y pwerau a roddwyd i'r Ysgrifennydd Gwladol gan adrannau 140(4) a 143(1) a (2) o Ddeddf Cyllid Llywodraeth Leol 1988(1) a pharagraffau 4, 5 a 6 o Atodlen 8 iddi, ac a freiniwyd bellach yng Nghynulliad Cenedlaethol Cymru i'r graddau y maent yn arferadwy yng Nghymru(2):

Enwi, cychwyn a dehongli

1.—( 1) Enw'r Rheoliadau hyn yw Rheoliadau Cyfraniadau Ardrethu Annomestig (Cymru) (Diwygio) 2000 a byddant yn dod i rym ar 31 Rhagfyr 2000.

(2) Yn y Rheoliadau hyn, ystyr “Rheoliadau 1992” yw Rheoliadau Cyfraniadau Ardrethu Annomestig (Cymru) 1992(3).

Diwygio Rheoliadau 1992

2.   Ynglŷn â'r blynyddoedd ariannol sy'n dechrau ar neu ar ôl 1 Ebrill 2001, diwygir Atodlenni 1, 2 a 4 i Reoliadau 1992 fel a ganlyn:—

(a) ym mharagraff 4(1) o Atodlen 1, yn lle'r fformwla “(A × £39.90) + (B × 0.00078)” y rhoddir y fformwla “(A × £39.50) + (B × 0.00087)”;

(b) ym mharagraff 2(12) o Atodlen 2, yn lle “1.005” y rhoddir “1.004”;

(c) ym mharagraff 8(1) o Atodlen 2, yn lle “1.2 per cent” y rhoddir “1 per cent”; a

(ch) yn lle Atodlen 4 i Reoliadau 1992 y rhoddir yr Atodlen a nodir yn yr Atodlen i'r Rheoliadau hyn.

Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998(4).

D. Elis Thomas

Llywydd y Cynulliad Cenedlaethol

12 Rhagfyr 2000

Rheoliad 2

ATODLEN

Regulation 6

“SCHEDULE 4 ADULT POPULATION FIGURES

Billing authority area	Prescribed figure
Blaenau Gwent	54,700
Bridgend	101,400
Caerphilly	128,300
Carmarthenshire	132,800
Cardiff	247,800
Ceredigion	57,600
Conwy	88,700
Denbighshire	70,600
Flintshire	113,600
Gwynedd	91,100
Isle of Anglesey	50,300
Merthyr Tydfil	42,000
Monmouthshire	67,500
Neath Port Talbot	107,000
Newport	104,300
Pembrokeshire	87,600
Powys	99,100
Rhondda Cynon Taff	184,400
Swansea	179,700
Torfaen	68,100
Vale of Glamorgan (The)	92,200
Wrexham	96,800”

Nodyn Esboniadol

(Nid yw'r nodyn hwn yn rhan o'r Rheoliadau)

O dan Ran II o Atodlen 8 i Ddeddf Cyllid Llywodraeth Leol 1988 mae'n ofynnol i awdurdodau bilio yng Nghymru dalu symiau (a elwir yn gyfraniadau ardrethu annomestig) i Gynulliad Cenedlaethol Cymru. Cynhwysir rheolau i gyfrifo'r symiau hynny yn Rheoliadau Cyfraniadau Ardrethu Annomestig (Cymru) 1992.

Mae'r Rheoliadau hyn yn diwygio'r Rheoliadau hynny drwy roi fformwla newydd ym mharagraff 4(1) o Atodlen 1 (didyniadau o'r swm gros), lluosydd newydd ym mharagraff 2(12) o Atodlen 2 (rhagdybiaethau ynglŷn â'r swm gros), canran newydd ym mharagraff 8(1) o Atodlen 2 (rhagdybiaethau ynglŷn â didyniadau o'r swm gros) ac Atodlen 4 newydd (ffigurau poblogaeth oedolion).

(1)

1988 p.41.

(2)

Gweler Gorchymyn Cynulliad Cenedlaethol Cymru (Trosglwyddo Swyddogaethau) 1999, O.S. 1999/672.

(3)

O.S. 1992/3238 a ddiwygiwyd gan O.S. 1993/1505, 1993/3077, 1994/547, 1994/1742, 1994/3125, 1995/3235, 1996/3018, 1997/3003, 1998/2962 a 1999/3439.

(4)

1998 p.38.