Rheoliadau Cyngor Addysgu Cyffredinol Cymru (Cyfansoddiad) (Diwygio) 1999

Offerynnau Statudol Cymru

1999 Rhif 3185 (Cy. 43)

ADDYSG, CYMRU

Rheoliadau Cyngor Addysgu Cyffredinol Cymru (Cyfansoddiad) (Diwygio) 1999

Wedi'u gwneud

28 Hydref 1999

Yn dod i rym

29 Hydref 1999

Mae Cynulliad Cenedlaethol Cymru yn gwneud y Rheoliadau canlynol drwy arfer y pwerau a roddwyd i'r Ysgrifennydd Gwladol gan adrannau 1(5) a (7) o Ddeddf Addysgu ac Addysg Bellach 1998(1) a pharagraff 3 o Atodlen 1 iddi ac a freiniwyd bellach yng Nghynulliad Cenedlaethol Cymru(2):

Enwi a chychwyn

1.   Enw'r Rheoliadau hyn yw Rheoliadau Cyngor Addysgu Cyffredinol Cymru (Cyfansoddiad) (Diwygio) 1999 a deuant i rym ar 29 Hydref 1999.

Diwygio Rheoliadau Cyngor Addysgu Cyffredinol Cymru (Cyfansoddiad) 1999

2.   Diwygir Rheoliadau Cyngor Addysgu Cyffredinol Cymru (Cyfansoddiad) 1999(3) yn unol â rheoliadau 3, 4, 5 a 6 isod.

3.   Ym mharagraff (1) o reoliad 2 —

(a) hepgorer y diffiniadau o “primary school”, “secondary school” a “special school”;

(b) ar ôl y diffiniad o “the Council” mewnosoder —

““junior pupils” means children who have not attained the age of 12;”;

(c) ar ôl y diffiniad o “members” mewnosoder —

““senior pupils” means persons who have attained the age of 12.”

4.   Rhodder y canlynol yn lle paragraff (2) o reoliad 2 —

“(2) In regulations 4 and 9 references to “teachers” shall only include a person who

(a) on and after the date of establishment of a register of teachers under section 3 of the 1998 Act, is a registered teacher; and

(b) before that date, is a qualified teacher within the meaning of section 218(2) of the 1988 Act.”

5.   Rhodder y canlynol yn lle rheoliad 4 —

“4.   The elected members shall comprise —

(a) four teachers of junior pupils;

(b) four teachers of senior pupils;

(c) four head or deputy head teachers.”

6.   Yn rheoliad 9, ar ôl y gair “Council?” mewnosoder y geiriau “are teachers who”.

Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1988(4)

Dafydd Elis Thomas

Y Llywydd,Cynulliad Cenedlaethol Cymru

28 Hydref 1999

Nodyn Esboniadol

(Nid yw'r nodyn hwn yn rhan o'r Rheoliadau)

Effaith y diwygiad hwn fydd galluogi athrawon sy'n addysgu mewn ysgolion meithrin, ysgolion arbennig ac addysg bellach i sefyll etholiad i Gyngor Addysgu Cyffredinol Cymru. Ni fyddai geiriad Rheoliadau Cyngor Addysgu Cyffredinol Cymru (Cyfansoddiad) 1999 wedi caniatáu iddynt wneud hynny gynt.

At y diben hwn, mae “athrawon” yn golygu athro sydd wedi cymhwyso o fewn ystyr adran 218(2) o Ddeddf Diwygio Addysg 1988; neu, athro cofrestredig, unwaith y bydd cofrestr o athrawon wedi'i sefydlu gan Gyngor Addysgu Cyffredinol Cymru.

Mae'r Rheoliadau hyn yn diwygio Rheoliadau Cyngor Addysgu Cyffredinol Cymru (Cyfansoddiad) 1999 fel y bydd aelodau etholedig Cyngor Addysgu Cymru yn cynnwys:

(a) pedwar athro disgyblion iau (personau o dan 12 oed);

(b) pedwar athro disgyblion hŷn; (personau 12 oed neu'n hŷn);

(c) pedwar pennaeth neu ddirprwy bennaeth ysgol.

(1)

1998 c. 30; for the meaning of “prescribed” and “regulations” see section 43(1). Section 1(5) and (7) and Schedule 1 have effect in relation to the General Teaching Council for Wales by virtue of the General Teaching Council for Wales Order 1998 (S.I. 1998/2911).

(2)

See the National Assembly for Wales (Transfer of Functions) Order 1999 (S.I. 1999/672).

(3)

S.I. 1999/1619.

(4)

1998 c. 38.