Mesur y Gymraeg (Cymru) 2011 (mccc1)

(a gyflwynwyd gan adran 120)

ATODLEN 11 LL+C TRIBIWNLYS Y GYMRAEG

RHAN 1 LL+C NIFER AELODAU'R TRIBIWNLYS

Aelodau wedi ymgymhwyso yn y gyfraith LL+C

1 (1) Rhaid i Weinidogion Cymru o bryd i'w gilydd ddyfarnu nifer yr aelodau sydd wedi ymgymhwyso yn y gyfraith y mae'r Tribiwnlys i'w cael.

(2) Rhaid i Weinidogion Cymru ymgynghori â'r Llywydd cyn pennu'r nifer hwnnw.

(3) I'r graddau y mae'n ymarferol gwneud hynny, rhaid i Weinidogion Cymru sicrhau bod nifer y personau sy'n gwasanaethu fel aelodau o'r Tribiwnlys ac sydd wedi ymgymhwyso yn y gyfraith yn hafal i'r nifer a bennir o dan y paragraff hwn.

Gwybodaeth Cychwyn

I1 Atod. 11 para. 1 ddim mewn grym ar Cydsyniad Brenhinol, gweler a. 156(2)

I2 Atod. 11 para. 1 mewn grym ar 7.1.2014 gan O.S. 2013/3140, ergl. 2(k)

Aelodau lleyg LL+C

2 (1) Rhaid i Weinidogion Cymru o bryd i'w gilydd bennu nifer yr aelodau lleyg y mae'r Tribiwnlys i'w cael.

(2) Rhaid i Weinidogion Cymru ymgynghori â'r Llywydd cyn pennu'r nifer hwnnw.

(3) I'r graddau y mae'n ymarferol gwneud hynny, rhaid i Weinidogion Cymru sicrhau bod nifer y personau sy'n gwasanaethu fel aelodau lleyg o'r Tribiwnlys yn hafal i'r nifer a bennir o dan y paragraff hwn.

Gwybodaeth Cychwyn

I3 Atod. 11 para. 2 ddim mewn grym ar Cydsyniad Brenhinol, gweler a. 156(2)

I4 Atod. 11 para. 2 mewn grym ar 7.1.2014 gan O.S. 2013/3140, ergl. 2(k)

RHAN 2 LL+C PENODI

Y Llywydd LL+C

3 (1) Dim ond os yw'r person yn bodloni'r canlynol y caiff Gweinidogion Cymru benodi person yn Llywydd—

(a) yr amod cymhwystra penodiad barnwrol ar sail 10 mlynedd, a

(b) unrhyw amodau eraill sy'n gymwys i'r penodiad ac a bennir yn y rheoliadau penodi.

(2) Ond ni chaiff Gweinidogion Cymru benodi person yn Llywydd os yw'r person—

(a) wedi ei anghymhwyso rhag bod yn aelod o'r Tribiwnlys ar sail cyflogaeth neu anaddasrwydd, neu

(b) wedi ei anghymhwyso rhag ei benodi'n Llywydd ar sail oedran, penodiad blaenorol neu ddiswyddiad blaenorol.

(3) Mae Rhan 2 o Ddeddf Tribiwnlysoedd, Llysoedd a Gorfodaeth 2007 yn gymwys ar gyfer dyfarnu a yw person yn bodloni'r amod cymhwystra penodiad barnwrol ar sail 10 mlynedd fel pe bai'r paragraff hwn yn ddarpariaeth statudol (o fewn ystyr adran 50 o'r Ddeddf honno).

Gwybodaeth Cychwyn

I5 Atod. 11 para. 3 ddim mewn grym ar Cydsyniad Brenhinol, gweler a. 156(2)

I6 Atod. 11 para. 3 mewn grym ar 7.1.2014 gan O.S. 2013/3140, ergl. 2(k)

Aelodau wedi ymgymhwyso yn y gyfraith LL+C

4 (1) Dim ond os yw person yn bodloni'r canlynol y caiff Gweinidogion Cymru benodi person yn aelod wedi ymgymhwyso yn y gyfraith—

(a) yr amod cymhwystra penodiad barnwrol ar sail 5 mlynedd,

(b) unrhyw amodau eraill sy'n gymwys i'r penodiad ac a bennir yn y rheoliadau penodi.

(2) Ond ni chaiff Gweinidogion Cymru benodi person yn aelod wedi ymgymhwyso yn y gyfraith os yw'r person—

(a) wedi ei anghymhwyso rhag bod yn aelod o'r Tribiwnlys ar sail cyflogaeth neu anaddasrwydd, neu

(b) wedi ei anghymhwyso rhag ei benodi yn aelod wedi ymgymhwyso yn y gyfraith ar sail oedran, penodiad blaenorol neu ddiswyddiad blaenorol.

(3) Mae Rhan 2 o Ddeddf Tribiwnlysoedd, Llysoedd a Gorfodaeth 2007 yn gymwys ar gyfer dyfarnu a yw person yn bodloni'r amod cymhwystra penodiad barnwrol ar sail 5 mlynedd fel pe bai'r paragraff hwn yn ddarpariaeth statudol (o fewn ystyr adran 50 o'r Ddeddf honno).

Gwybodaeth Cychwyn

I7 Atod. 11 para. 4 ddim mewn grym ar Cydsyniad Brenhinol, gweler a. 156(2)

I8 Atod. 11 para. 4 mewn grym ar 7.1.2014 gan O.S. 2013/3140, ergl. 2(k)

Aelodau lleyg LL+C

5 (1) Dim ond os yw person yn bodloni unrhyw amodau sy'n gymwys i'r penodiad a bennir mewn rheoliadau penodi y caiff Gweinidogion Cymru benodi person yn aelod lleyg.

(2) Ond ni chaiff Gweinidogion Cymru benodi person yn aelod lleyg—

(a) os yw'r person wedi ei anghymhwyso rhag bod yn aelod o'r Tribiwnlys ar sail cyflogaeth neu anaddasrwydd,

(b) os yw'r person wedi ei anghymhwyso rhag ei benodi'n aelod lleyg ar sail oedran, penodiad blaenorol neu ddiswyddiad blaenorol, neu

(c) os gellid penodi'r person yn aelod o'r Tribiwnlys sydd wedi ymgymhwyso yn y gyfraith.

Gwybodaeth Cychwyn

I9 Atod. 11 para. 5 ddim mewn grym ar Cydsyniad Brenhinol, gweler a. 156(2)

I10 Atod. 11 para. 5 mewn grym ar 7.1.2014 gan O.S. 2013/3140, ergl. 2(k)

Tâl cydnabyddiaeth etc LL+C

6 (1) Caiff Gweinidogion Cymru dalu tâl cydnabyddiaeth i aelodau'r Tribiwnlys.

(2) Caiff Gweinidogion Cymru dalu lwfansau (gan gynnwys lwfansau teithio a lwfansau cynhaliaeth, ond heb fod yn gyfyngedig iddynt) ac arian rhodd i aelodau'r Tribiwnlys.

(3) Caiff Gweinidogion Cymru dalu—

(a) pensiynau i bersonau a fu'n aelodau o'r Tribiwnlys, neu mewn cysylltiad â hwy, a

(b) symiau ar gyfer darparu pensiynau, neu tuag at ddarparu pensiynau, i bersonau a fu'n aelodau o'r Tribiwnlys, neu mewn cysylltiad â hwy.

Gwybodaeth Cychwyn

I11 Atod. 11 para. 6 ddim mewn grym ar Cydsyniad Brenhinol, gweler a. 156(2)

I12 Atod. 11 para. 6 mewn grym ar 7.1.2014 gan O.S. 2013/3140, ergl. 2(k)

Telerau penodi LL+C

7 (1) Mae aelod o'r Tribiwnlys yn dal ei swydd yn ddarostyngedig i delerau ei benodiad.

(2) Ond mae hynny'n ddarostyngedig i ddarpariaethau eraill yr Atodlen hon.

Gwybodaeth Cychwyn

I13 Atod. 11 para. 7 ddim mewn grym ar Cydsyniad Brenhinol, gweler a. 156(2)

I14 Atod. 11 para. 7 mewn grym ar 7.1.2014 gan O.S. 2013/3140, ergl. 2(k)

Cyfnod y penodiad LL+C

8 (1) Mae person a benodir yn aelod o'r Tribiwnlys yn aelod (yn rhinwedd y penodiad hwnnw) am 5 mlynedd.

(2) Ond, os yw'n angenrheidiol neu'n hwylus yn nhyb Gweinidogion Cymru, caiff Gweinidogion Cymru benodi person yn aelod wedi ymgymhwyso yn y gyfraith neu'n aelod lleyg o'r Tribiwnlys am gyfnod sy'n llai na 5 mlynedd.

(3) Mae'r paragraff hwn yn ddarostyngedig i Ran 3 o'r Atodlen hon.

Gwybodaeth Cychwyn

I15 Atod. 11 para. 8 ddim mewn grym ar Cydsyniad Brenhinol, gweler a. 156(2)

I16 Atod. 11 para. 8 mewn grym ar 7.1.2014 gan O.S. 2013/3140, ergl. 2(k)

Rheoliadau penodi LL+C

9 (1) Caiff Gweinidogion Cymru, drwy reoliadau, wneud darpariaeth ynghylch penodi aelodau'r Tribiwnlys (“rheoliadau penodi”).

(2) Caiff rheoliadau penodi, ymysg pethau eraill, wneud darpariaeth ynghylch unrhyw un neu ragor o'r materion canlynol—

(a) yr egwyddorion i'w dilyn wrth wneud unrhyw benodiad i'r Tribiwnlys;

(b) gwybodaeth o'r Gymraeg a hyfedredd ynddi y mae'n rhaid i aelodau'r Tribiwnlys feddu arnynt.

(3) Caiff rheoliadau penodi, ymysg pethau eraill—

(a) cymhwyso (gydag addasiadau neu hebddynt) unrhyw god ymarfer sy'n ymwneud â phenodiadau i gyrff cyhoeddus, neu

(b) gwneud darpariaeth arall sy'n ymwneud ag unrhyw god o'r fath.

(4) Caiff rheoliadau penodi, ymysg pethau eraill, roi swyddogaethau i Weinidogion Cymru (yn ogystal ag i unrhyw berson arall), gan gynnwys swyddogaethau sy'n ymwneud ag arfer disgresiwn.

Gwybodaeth Cychwyn

I17 Atod. 11 para. 9 ddim mewn grym ar Cydsyniad Brenhinol, gweler a. 156(2)

I18 Atod. 11 para. 9 mewn grym ar 1.4.2012 gan O.S. 2012/969, ergl. 2(l)

[F1 RHAN 2A LL+C Traws-leoli aelodau'r tribiwnlys

Diwygiadau Testunol

F1 Atod. 11 Rhn. 2A wedi ei fewnosod (dod i rym yn unol â rhl. 2(1) o’r O.S. cychwyn) gan Wales Act 2017 (c. 4), aau. 62(7)(a), 71(4) (ynghyd ag Atod. 7 parau. 1, 6); O.S. 2017/351, rhl. 2(2)

9A LL+C Ar gais y Llywydd a chyda chymeradwyaeth Llywydd Tribiwnlysoedd Cymru, caiff aelod o dribiwnlys sydd wedi'i restru yn adran 59 o Ddeddf Cymru 2017 (Tribiwnlysoedd Cymru), ac nad yw'n aelod o'r Tribiwnlys, weithredu fel aelod o'r Tribiwnlys.]

RHAN 3 LL+C TERFYNU PENODIAD

Ymddiswyddo LL+C

10 (1) Caiff y Llywydd ymddiswyddo o'r Tribiwnlys os yw'n rhoi hysbysiad ysgrifenedig o'i fwriad i wneud hynny i Weinidogion Cymru heb fod yn llai na 3 mis cyn ymddiswyddo.

(2) Caiff aelod wedi ymgymhwyso yn y gyfraith neu aelod lleyg o'r Tribiwnlys ymddiswyddo o'r Tribiwnlys os yw'n rhoi hysbysiad ysgrifenedig o'i fwriad i wneud hynny i Weinidogion Cymru heb fod yn llai na 2 fis cyn ymddiswyddo.

Gwybodaeth Cychwyn

I19 Atod. 11 para. 10 ddim mewn grym ar Cydsyniad Brenhinol, gweler a. 156(2)

I20 Atod. 11 para. 10 mewn grym ar 7.1.2014 gan O.S. 2013/3140, ergl. 2(k)

Anghymhwyso rhag bod yn aelod LL+C

11 Mae person yn peidio â bod yn aelod o'r Tribiwnlys [F2 —

(a) ar gyrraedd 75 oed, neu

(b)] os yw'r person yn cael ei anghymhwyso rhag bod yn aelod o'r Tribiwnlys ar sail cyflogaeth neu anaddasrwydd.

Diwygiadau Testunol

F2 Geiriau yn Atod. 11 para. 11 wedi eu mewnosod (10.3.2022) gan Public Service Pensions and Judicial Offices Act 2022 (c. 7), a. 131(1)(4)(a), Atod. 1 para. 39(2)(a) (ynghyd ag Atod. 1 para. 43)

Gwybodaeth Cychwyn

I21 Atod. 11 para. 11 ddim mewn grym ar Cydsyniad Brenhinol, gweler a. 156(2)

I22 Atod. 11 para. 11 mewn grym ar 7.1.2014 gan O.S. 2013/3140, ergl. 2(k)

Diswyddo LL+C

12 (1) Caiff Gweinidogion Cymru ddiswyddo aelod o'r Tribiwnlys os yw Gweinidogion Cymru wedi eu bodloni—

(a) nad yw'r person hwnnw'n ffit i barhau fel aelod o'r Tribiwnlys, neu

(b) nad yw'r person hwnnw'n gallu neu'n fodlon arfer ei ddyletswyddau fel aelod o'r Tribiwnlys.

(2) Rhaid i Weinidogion Cymru ymgynghori â'r Llywydd cyn diswyddo unrhyw aelod arall o'r Tribiwnlys.

Gwybodaeth Cychwyn

I23 Atod. 11 para. 12 ddim mewn grym ar Cydsyniad Brenhinol, gweler a. 156(2)

I24 Atod. 11 para. 12 mewn grym ar 7.1.2014 gan O.S. 2013/3140, ergl. 2(k)

RHAN 4 LL+C ANGHYMHWYSO RHAG BOD YN AELOD NEU RHAG CAEL EI BENODI

Anghymhwyso rhag bod yn aelod: cyflogaeth LL+C

13 (1) Mae person yn cael ei anghymhwyso rhag bod yn aelod o'r Tribiwnlys ar sail cyflogaeth—

(a) os yw'r person yn Aelod Seneddol;

(b) os yw'r person yn Aelod o Gynulliad Cenedlaethol Cymru;

(c) os yw'r person yn aelod o staff Llywodraeth Cynulliad Cymru;

(d) os yw'r person yn aelod o staff Comisiwn Cynulliad Cenedlaethol Cymru;

(e) os ef yw'r Comisiynydd;

(f) os ef yw'r Dirprwy Gomisiynydd;

(g) os yw'r person yn unrhyw aelod arall o staff y Comisiynydd; neu

(h) os yw'r person yn briod â pherson, neu'n bartner sifil i berson, sy'n dod o fewn paragraff (e), (f) neu (g).

Gwybodaeth Cychwyn

I25 Atod. 11 para. 13 ddim mewn grym ar Cydsyniad Brenhinol, gweler a. 156(2)

I26 Atod. 11 para. 13 mewn grym ar 7.1.2014 gan O.S. 2013/3140, ergl. 2(k)

Anghymhwyso rhag bod yn aelod: anaddasrwydd LL+C

14 (1) Mae person wedi ei anghymhwyso rhag bod yn aelod o'r Tribiwnlys ar sail anaddasrwydd os yw'r person—

(a) wedi ei ddyfarnu'n fethdalwr ac yn parhau i fod yn fethdalwr;

(b) wedi cael gorchymyn rhyddhad o ddyled (o fewn ystyr Rhan VIIA o Ddeddf Ansolfedd 1986), a bod y cyfnod moratoriwm o dan y gorchymyn hwnnw'n parhau;

(c) wedi gwneud trefniant gyda'i gredydwyr a bod y trefniant yn parhau i fod mewn grym;

(d) wedi ei gollfarnu yn y Deyrnas Unedig, Ynysoedd y Sianel neu ar Ynys Manaw o unrhyw dramgwydd a'i fod wedi cael dedfryd o garchar (boed yn ataliedig neu beidio) am gyfnod heb fod yn llai na thri mis heb gael yr opsiwn o ddirwy;

(e) wedi ei anghymhwyso rhag bod yn aelod o gyngor bwrdeistref sirol neu gyngor sir yng Nghymru; neu

(f) wedi ei anghymhwyso rhag bod yn gyfarwyddwr cwmni.

(2) At ddibenion is-baragraff (1)(a) mae person yn parhau i fod yn fethdalwr—

(a) hyd oni chaiff y person ei ryddhau o fethdaliad, neu

(b) hyd oni chaiff y gorchymyn methdalu a wnaed yn erbyn y person hwnnw ei ddiddymu.

(3) At ddibenion is-baragraff (1)(c) mae trefniant person gyda'i gredydwyr yn parhau i fod mewn grym—

(a) hyd onid yw'r person yn talu ei ddyledion yn llawn, neu

(b) os yw'n hwyrach, hyd ddiwedd y cyfnod o bum mlynedd sy'n dechrau ar y diwrnod y mae telerau'r trefniant yn cael eu cyflawni.

(4) Os bydd y cwestiwn a yw person wedi ei anghymhwyso rhag bod yn aelod o'r Tribiwnlys ar sail anaddasrwydd yn codi mewn perthynas â phenodi person yn aelod o'r Tribiwnlys, mae unrhyw gollfarn a gafodd y person hwnnw fwy na phum mlynedd cyn dyddiad y penodiad i'w diystyru.

Gwybodaeth Cychwyn

I27 Atod. 11 para. 14 ddim mewn grym ar Cydsyniad Brenhinol, gweler a. 156(2)

I28 Atod. 11 para. 14 mewn grym ar 7.1.2014 gan O.S. 2013/3140, ergl. 2(k)

Anghymhwyso rhag penodi: oedran LL+C

15 Mae person wedi ei anghymhwyso rhag cael ei benodi'n Llywydd neu'n aelod wedi ymgymhwyso yn y gyfraith neu'n aelod lleyg o'r Tribiwnlys os yw'r person eisoes wedi cyrraedd [F3 75] oed ar ddyddiad y penodiad.

Diwygiadau Testunol

F3 Gair yn Atod. 11 para. 15 wedi ei amnewid (10.3.2022) gan Public Service Pensions and Judicial Offices Act 2022 (c. 7), a. 131(1)(4)(a), Atod. 1 para. 39(2)(b) (ynghyd ag Atod. 1 para. 43)

Gwybodaeth Cychwyn

I29 Atod. 11 para. 15 ddim mewn grym ar Cydsyniad Brenhinol, gweler a. 156(2)

I30 Atod. 11 para. 15 mewn grym ar 7.1.2014 gan O.S. 2013/3140, ergl. 2(k)

Anghymhwyso rhag penodi: penodiad blaenorol LL+C

16 (1) Mae person wedi ei anghymhwyso rhag cael ei benodi'n Llywydd ar sail penodiad blaenorol os yw'r person eisoes wedi ei benodi'n Llywydd am gyfnod o ddeng mlynedd neu fwy (boed mewn penodiadau olynol neu heb fod yn olynol).

(2) Mae person wedi ei anghymhwyso rhag cael ei benodi'n aelod o'r Tribiwnlys wedi ymgymhwyso yn y gyfraith ar sail penodiad blaenorol os yw'r person eisoes wedi ei benodi'n aelod wedi ymgymhwyso yn y gyfraith am gyfnod o ddeng mlynedd neu fwy (boed mewn penodiadau olynol neu heb fod yn olynol).

(3) Mae person wedi ei anghymhwyso rhag cael ei benodi'n aelod lleyg ar sail penodiad blaenorol os yw'r person eisoes wedi ei benodi'n aelod lleyg am gyfnod o ddeng mlynedd neu fwy (boed mewn penodiadau olynol neu heb fod yn olynol).

Gwybodaeth Cychwyn

I31 Atod. 11 para. 16 ddim mewn grym ar Cydsyniad Brenhinol, gweler a. 156(2)

I32 Atod. 11 para. 16 mewn grym ar 7.1.2014 gan O.S. 2013/3140, ergl. 2(k)

Anghymhwyso rhag penodi: diswyddiad blaenorol o swydd LL+C

17 Mae person wedi ei anghymhwyso rhag cael ei benodi'n Llywydd neu'n aelod wedi ymgymhwyso yn y gyfraith neu'n aelod lleyg o'r Tribiwnlys ar sail diswyddiad blaenorol os yw Gweinidogion Cymru wedi diswyddo'r person o'r Tribiwnlys yn flaenorol o dan baragraff 12.

Gwybodaeth Cychwyn

I33 Atod. 11 para. 17 ddim mewn grym ar Cydsyniad Brenhinol, gweler a. 156(2)

I34 Atod. 11 para. 17 mewn grym ar 7.1.2014 gan O.S. 2013/3140, ergl. 2(k)

RHAN 5 LL+C CYFFREDINOL

Dehongli LL+C

18 Yn yr Atodlen hon ystyr “rheoliadau penodi” yw rheoliadau a wneir o dan baragraff 9.

Gwybodaeth Cychwyn

I35 Atod. 11 para. 18 ddim mewn grym ar Cydsyniad Brenhinol, gweler a. 156(2)

I36 Atod. 11 para. 18 mewn grym ar 1.4.2012 gan O.S. 2012/969, ergl. 2(l)