Adran 14: Braint ac imiwnedd buddiant cyhoeddus
28.Mae’r adran hon (cymharer adran 37, is-adrannau (8), (9) a (10) o’r Ddeddf) yn darparu diogelwch ar gyfer tystion rhag cael eu gorfodi i roi mathau penodol o dystiolaeth i’r Comisiynydd.
29.Mae is-adran (1) yn galluogi tyst i hawlio’r un breintiau â thyst sy’n rhoi tystiolaeth mewn llys barn (er enghraifft y fraint yn erbyn hunanargyhuddo a’r fraint yn erbyn datgelu cyngor cyfreithiol breintiedig). Mae is-adran (2) yn diogelu’r awdurdodau erlyn, a’r Cwnsler Cyffredinol lle bydd achos wedi gychwyn yn unol ag is-adran (3), rhag gorfod datgelu gwybodaeth sy’n ymwneud ag erlyniadau troseddol (gan y byddai gwneud hynny’n debyg o ragfarnu erlyniadau o’r fath). Mae is-adran (3) yn egluro y gall y Cwnsler Cyffredinol ddibynnu ar yr imiwnedd y darperir ar ei gyfer yn is-adran (2) mewn achos a sefydlwyd gan Weinidogion Cymru, y Prif Weinidog neu’r Cwnsler Cyffredinol, neu ar eu rhan.
