Adran 9: Dyletswydd y Clerc i gyfeirio mater at y Comisiynydd
18.Mae Clerc y Cynulliad yn cyflawni nifer o swyddogaethau, gan gynnwys gweithredu fel prif swyddog cyfrifyddu Comisiwn y Cynulliad. Mae’r adran hon yn ei gwneud yn ofynnol i’r Clerc gyflwyno adroddiad ysgrifenedig i’r Comisiwn ynghylch methiant Aelodau’r Cynulliad i gydymffurfio ag unrhyw rai o’r darpariaethau perthnasol (a ddisgrifir ym mharagraff 13 uchod) sy’n ymwneud â’r swyddogaeth gyfrifyddu hon (megis camddefnyddio cyllid). Rhaid i’r Comisiynydd drin unrhyw achos o’r fath a gyfeirir ato fel cwyn ffurfiol o dan adran 6 o’r Mesur a rhaid iddo weithredu’n unol â hynny.
