Offerynnau Statudol Cymru
Y Dreth Gyngor, Cymru
Gwnaed
17 Ionawr 2024
Yn dod i rym
19 Ionawr 2024
Mae Gweinidogion Cymru yn gwneud y Rheoliadau a ganlyn drwy arfer y pwerau a roddir iddynt gan adran 13A(4) a (5) o Ddeddf Cyllid Llywodraeth Leol 1992(1), a pharagraffau 2 i 6 o Atodlen 1B iddi.
Yn unol ag adran 13A(8) o’r Ddeddf honno, gosodwyd drafft o’r offeryn hwn gerbron Senedd Cymru ac fe’i cymeradwywyd ganddi drwy benderfyniad(2).
1.—(1) Enw’r Rheoliadau hyn yw Rheoliadau Cynlluniau Gostyngiadau’r Dreth Gyngor (Gofynion Rhagnodedig a’r Cynllun Diofyn) (Diwygio) (Cymru) 2024.
(2) Daw’r Rheoliadau hyn i rym ar 19 Ionawr 2024.
(3) Mae’r Rheoliadau hyn yn gymwys mewn perthynas â chynllun gostyngiadau’r dreth gyngor a wneir ar gyfer blwyddyn ariannol sy’n dechrau ar 1 Ebrill 2024 neu ar ôl hynny.
(4) Yn y Rheoliadau hyn—
mae i “awdurdod bilio” yr ystyr a roddir i “billing authority” yn adran 1(2)(b) o Ddeddf Cyllid Llywodraeth Leol 1992 (“Deddf 1992”);
ystyr “cynllun gostyngiadau’r dreth gyngor” (“council tax reduction scheme”) yw cynllun a wneir gan awdurdod bilio yn unol â Rheoliadau Cynlluniau Gostyngiadau’r Dreth Gyngor a Gofynion Rhagnodedig (Cymru) 2013(3), neu’r cynllun sy’n gymwys yn ddiofyn yn rhinwedd paragraff 6(1)(e) o Atodlen 1B i Ddeddf 1992.
2. Mae Rheoliadau Cynlluniau Gostyngiadau’r Dreth Gyngor a Gofynion Rhagnodedig (Cymru) 2013 wedi eu diwygio yn unol â rheoliadau 3 i 10.
3. Yn rheoliad 2(1) (dehongli)—
(a)yn y lleoedd priodol mewnosoder—
“ystyr “Swyddfa’r Post” (“the Post Office”) yw Post Office Limited (rhif cofrestredig 02154540);”;
“ystyr “y system Horizon” (“the Horizon system”) yw unrhyw fersiwn o’r system gyfrifiadurol a ddefnyddir gan Swyddfa’r Post, a elwir yn Horizon, Horizon Legacy, Horizon Online neu’n HNG-X;”;
“ystyr “taliad digollediad Swyddfa’r Post” (“Post Office compensation payment”) yw taliad a wneir gan Swyddfa’r Post neu’r Ysgrifennydd Gwladol at ddiben darparu digollediad neu gymorth sydd—
mewn cysylltiad â methiannau’r system Horizon, neu
fel arall yn daladwy yn dilyn y dyfarniad yn Bates and Others v Post Office Ltd ((No. 3) “Common Issues”)(4);”;
“ystyr “taliad niwed drwy frechiad” (“vaccine damage payment”) yw taliad a wneir o dan Ddeddf Taliadau Niwed Drwy Frechiad 1979(5);”;
(b)yn y diffiniad o “person cymwys”, ar ôl “yw person” mewnosoder “sy’n cael taliad digollediad Swyddfa’r Post neu daliad niwed drwy frechiad neu berson”.
4. Yn Atodlen 1 (penderfynu cymhwystra am ostyngiad: pensiynwyr), ym mharagraff 3 (didyniadau annibynyddion: pensiynwyr)—
(a)yn is-baragraff (1)—
(i)ym mharagraff (a), yn lle “£16.40” rhodder “£17.35”;
(ii)ym mharagraff (b), yn lle “£5.45” rhodder “£5.80”;
(b)yn is-baragraff (2)—
(i)ym mharagraff (a), yn lle “£236.00” rhodder “£256.00”;
(ii)ym mharagraff (b), yn lle “£236.00”, “£410.00” a “£10.90” rhodder “£256.00”, “£445.00” ac “£11.55” yn y drefn honno;
(iii)ym mharagraff (c), yn lle “£410.00”, “£511.00” a “£13.70” rhodder “£445.00”, “£554.00” a “£14.50” yn y drefn honno;
(c)ar ôl is-baragraff (9)(b) mewnosoder—
“(c)unrhyw daliad a wneir o dan neu gan yr Ymddiriedolaethau, y Gronfa, Ymddiriedolaeth Eileen, MFET Limited, Cronfa Skipton, Sefydliad Caxton, cynllun gwaed cymeradwy, Cynllun Cymorth Gwaed Heintiedig yr Alban, Ymddiriedolaeth Argyfyngau Llundain, Cronfa Argyfwng We Love Manchester neu’r Gronfa Byw’n Annibynnol (2006)(6);
(d)unrhyw daliad digollediad Swyddfa’r Post.”
5. Yn Atodlen 2 (symiau cymwysadwy: pensiynwyr)—
(a)yng ngholofn (2) o’r Tabl ym mharagraff 1 (lwfans personol)—
(i)yn is-baragraff (1), yn lle “£217.00” rhodder “£235.20”;
(ii)yn is-baragraff (2), yn lle “£324.70” rhodder “£352.00”;
(iii)yn is-baragraff (3), yn lle “£324.70” a “£107.70” rhodder “£352.00” a “£116.80” yn y drefn honno;
(b)yng ngholofn (2) o’r Tabl ym mharagraff 2(1) (symiau plentyn neu berson ifanc), yn lle “£77.78”, yn y ddau le y mae’n digwydd, rhodder “£83.24”;
(c)ym mharagraff 3 (premiwm teulu), yn lle “£18.53” rhodder “£19.15”;
(d)ym mharagraff 8 (premiwm plentyn anabl)—
(i)ar ddiwedd is-baragraff (c) yn lle “.” rhodder “; neu”;
(ii)ar ôl is-baragraff (c) mewnosoder—
“(d)yn cael TALlA.”;
(e)yn yr ail golofn (swm) o’r Tabl ym mharagraff 12 (symiau’r premiymau a bennir yn Rhan 3)—
(i)yn is-baragraff (1), yn lle “£76.40”, yn y ddau le y mae’n digwydd, rhodder “£81.50” ac yn lle “£152.80” rhodder “£163.00”;
(ii)yn is-baragraff (2), yn lle “£30.17” rhodder “£32.20”;
(iii)yn is-baragraff (3), yn lle “£74.69” rhodder “£80.01”;
(iv)yn is-baragraff (4), yn lle “£42.75” rhodder “£45.60”.
6. Yn Atodlen 5 (diystyriadau cyfalaf: pensiynwyr)—
(a)ym mharagraff 16—
(i)ar ôl is-baragraff (1) mewnosoder—
“(1A) Unrhyw daliad digollediad Swyddfa’r Post neu daliad niwed drwy frechiad.”;
(ii)yn is-baragraff (2), ar ôl “Ymddiriedolaethau” mewnosoder “neu o daliad digollediad Swyddfa’r Post neu daliad niwed drwy frechiad”;
(iii)yn is-baragraff (3), ar ôl “Ymddiriedolaethau” mewnosoder “neu o daliad digollediad Swyddfa’r Post neu daliad niwed drwy frechiad”;
(iv)yn is-baragraff (5), ar ôl “Ymddiriedolaethau” mewnosoder “neu o daliad digollediad Swyddfa’r Post neu daliad niwed drwy frechiad”;
(v)yn is-baragraff (6), ar ôl “Ymddiriedolaethau” mewnosoder “neu o daliad digollediad Swyddfa’r Post neu daliad niwed drwy frechiad”;
(vi)ar ôl is-baragraff (6) mewnosoder—
“(6A) Unrhyw daliad allan o ystad person, sy’n deillio o daliad i fodloni argymhelliad yr Ymchwiliad i Waed Heintiedig yn ei adroddiad interim a gyhoeddwyd ar 29 Gorffennaf 2022(7) a wneir o dan neu gan Gynllun Cymorth Gwaed Heintiedig yr Alban neu gynllun gwaed cymeradwy i ystad y person, pan wneir y taliad i fab, merch, llysfab neu lysferch y person.”;
(vii)yn is-baragraff (7), ar ôl “Ymddiriedolaethau” mewnosoder “neu o daliad digollediad Swyddfa’r Post neu daliad niwed drwy frechiad”;
(b)ym mharagraff 28C—
(i)daw’r testun presennol yn is-baragraff (1);
(ii)ar ôl is-baragraff (1) mewnosoder—
“(2) Pan fo taliad cymorth profedigaeth o dan adran 30 o Ddeddf Pensiynau 2014(8) yn cael ei dalu i oroeswr partneriaeth cyd-fyw (o fewn ystyr adran 30(6B)(9) o’r Ddeddf honno) mewn cysylltiad â marwolaeth sy’n digwydd cyn 9 Chwefror 2023, unrhyw swm o’r taliad hwnnw—
(a)sydd mewn cysylltiad â’r gyfradd a bennir yn rheoliad 3(1) o Reoliadau Taliad Cymorth Profedigaeth 2017(10), a
(b)a delir fel cyfandaliad am fwy nag un ailddigwyddiad misol o’r diwrnod o’r mis y bu farw ei bartner a oedd yn cyd-fyw,
ond am gyfnod o 52 o wythnosau yn unig gan ddechrau o 1 Ebrill 2024 neu o ddyddiad cael y taliad, pa un bynnag sydd ddiweddaraf.”;
(c)ar ôl paragraff 28E mewnosoder—
“28F. Unrhyw daliad o lwfans rhiant gweddw a wneir o dan adran 39A o DCBNC(11)—
(a)i oroeswr partneriaeth cyd-fyw (o fewn yr ystyr a roddir i “cohabiting partnership” yn adran 39A(7) o’r Ddeddf honno) sydd â hawl i gael lwfans rhiant gweddw am gyfnod cyn 9 Chwefror 2023, a
(b)mewn cysylltiad ag unrhyw gyfnod o amser yn ystod y cyfnod sy’n dod i ben â’r diwrnod cyn i’r goroeswr wneud hawliad am lwfans rhiant gweddw.”
7. Yn Atodlen 6 (penderfynu cymhwystra am ostyngiad: personau nad ydynt yn bensiynwyr), ym mharagraff 5 (didyniadau annibynyddion: personau nad ydynt yn bensiynwyr)—
(a)yn is-baragraff (1)—
(i)ym mharagraff (a), yn lle “£16.40” rhodder “£17.35”;
(ii)ym mharagraff (b), yn lle “£5.45” rhodder “£5.80”;
(b)yn is-baragraff (2)—
(i)ym mharagraff (a), yn lle “£236.00” rhodder “£256.00”;
(ii)ym mharagraff (b), yn lle “£236.00”, “£410.00” a “£10.90” rhodder “£256.00”, “£445.00” ac “£11.55” yn y drefn honno;
(iii)ym mharagraff (c), yn lle “£410.00”, “£511.00” a “£13.70” rhodder “£445.00”, “£554.00” a “£14.50” yn y drefn honno;
(c)yn is-baragraff (9), ar ôl paragraff (b) mewnosoder—
“(ba)unrhyw daliad digollediad Swyddfa’r Post;”.
8. Yn Atodlen 7 (symiau cymwysadwy: personau nad ydynt yn bensiynwyr)—
(a)yng ngholofn (2) o’r Tabl ym mharagraff 1 (lwfansau personol)—
(i)yn is-baragraff (1), yn lle “£90.40”, yn y ddau le y mae’n digwydd, rhodder “£96.45” ac yn lle “£71.55” rhodder “£76.35”;
(ii)yn is-baragraff (2), yn lle “£90.40” rhodder “£96.45”;
(iii)yn is-baragraff (3), yn lle “£141.95” rhodder “£151.45”;
(b)yng ngholofn (2) o’r Tabl ym mharagraff 3(1), yn lle “£77.78”, yn y ddau le y mae’n digwydd, rhodder “£83.24”;
(c)ym mharagraff 4(1)(b) (premiwm teulu), yn lle “£18.53” rhodder “£19.15”;
(d)yn yr ail golofn (swm) o’r Tabl ym mharagraff 17 (symiau’r premiymau a bennir yn Rhan 3)—
(i)yn is-baragraff (1), yn lle “£39.85” a “£56.80” rhodder “£42.50” a “£60.60” yn y drefn honno;
(ii)yn is-baragraff (2), yn lle “£76.40”, yn y ddau le y mae’n digwydd, rhodder “£81.50” ac yn lle “£152.80” rhodder “£163.00”;
(iii)yn is-baragraff (3), yn lle “£74.69” rhodder “£80.01”;
(iv)yn is-baragraff (4), yn lle “£42.75” rhodder “£45.60”;
(v)yn is-baragraff (5), yn lle “£30.17”, “£19.55” a “£27.90” rhodder “£32.20”, “£20.85” a “£29.75” yn y drefn honno;
(e)ym mharagraff 23, yn lle “£33.70” rhodder “£35.95”;
(f)ym mharagraff 24, yn lle “£44.70” rhodder “£47.70”.
9. Yn Atodlen 10 (diystyriadau cyfalaf: personau nad ydynt yn bensiynwyr)—
(a)ym mharagraff 29—
(i)ar ôl is-baragraff (1) mewnosoder—
“(1A) Unrhyw daliad digollediad Swyddfa’r Post neu daliad niwed drwy frechiad.”;
(ii)yn is-baragraff (2), ar ôl “is-baragraff (1)” mewnosoder “neu o daliad digollediad Swyddfa’r Post neu daliad niwed drwy frechiad”;
(iii)yn is-baragraff (3), ar ôl “is-baragraff (1)” mewnosoder “neu o daliad digollediad Swyddfa’r Post neu daliad niwed drwy frechiad”;
(iv)yn is-baragraff (4), ar ôl “is-baragraff (1)” mewnosoder “neu o daliad digollediad Swyddfa’r Post neu daliad niwed drwy frechiad”;
(v)yn is-baragraff (5), ar ôl “is-baragraff (1)” mewnosoder “neu o daliad digollediad Swyddfa’r Post neu daliad niwed drwy frechiad”;
(vi)ar ôl is-baragraff (5) mewnosoder—
“(5A) Unrhyw daliad allan o ystad person, sy’n deillio o daliad i fodloni argymhelliad yr Ymchwiliad i Waed Heintiedig yn ei adroddiad interim a gyhoeddwyd ar 29 Gorffennaf 2022 a wneir o dan neu gan Gynllun Cymorth Gwaed Heintiedig yr Alban neu gynllun gwaed cymeradwy i ystad y person, pan wneir y taliad i fab, merch, llysfab neu lysferch y person.”;
(vii)yn is-baragraff (6), ar ôl “Ymddiriedolaethau” mewnosoder “neu o daliad digollediad Swyddfa’r Post neu daliad niwed drwy frechiad”;
(b)ym mharagraff 65—
(i)daw’r testun presennol yn is-baragraff (1);
(ii)ar ôl is-baragraff (1) mewnosoder—
“(2) Pan fo taliad cymorth profedigaeth o dan adran 30 o Ddeddf Pensiynau 2014 yn cael ei dalu i oroeswr partneriaeth cyd-fyw (o fewn ystyr adran 30(6B) o’r Ddeddf honno) mewn cysylltiad â marwolaeth sy’n digwydd cyn 9 Chwefror 2023, unrhyw swm o’r taliad hwnnw—
(a)sydd mewn cysylltiad â’r gyfradd a bennir yn rheoliad 3(1) o Reoliadau Taliad Cymorth Profedigaeth 2017, a
(b)a delir fel cyfandaliad am fwy nag un ailddigwyddiad misol o’r diwrnod o’r mis y bu farw ei bartner a oedd yn cyd-fyw,
ond am gyfnod o 52 o wythnosau yn unig gan ddechrau o 1 Ebrill 2024 neu o ddyddiad cael y taliad, pa un bynnag sydd ddiweddaraf.”;
(c)ar ôl paragraff 67 mewnosoder—
“68. Unrhyw daliad o lwfans rhiant gweddw a wneir o dan adran 39A o DCBNC—
(a)i oroeswr partneriaeth cyd-fyw (o fewn yr ystyr a roddir i “cohabiting partnership” yn adran 39A(7) o’r Ddeddf honno) sydd â hawl i gael lwfans rhiant gweddw am gyfnod cyn 9 Chwefror 2023, a
(b)mewn cysylltiad ag unrhyw gyfnod o amser yn ystod y cyfnod sy’n dod i ben â’r diwrnod cyn i’r goroeswr wneud hawliad am lwfans rhiant gweddw.”
10. Yn Atodlen 11 (myfyrwyr), ym mharagraff 1(1) (dehongli), yn y diffiniad o “cronfeydd mynediad”, ar ôl paragraff (a) mewnosoder—
“(aa)unrhyw gyllid a ddarperir o dan adran 85 o Ddeddf Addysg Drydyddol ac Ymchwil (Cymru) 2022(12) at y diben o ddarparu cyllid i’w dalu ar sail ddisgresiynol i fyfyrwyr;”.
11. Mae’r cynllun a nodir yn yr Atodlen i Reoliadau Cynlluniau Gostyngiadau’r Dreth Gyngor (Cynllun Diofyn) (Cymru) 2013(13) wedi ei ddiwygio yn unol â rheoliadau 12 i 18.
12. Ym mharagraff 2(1) (dehongli)—
(a)yn y lleoedd priodol mewnosoder—
“ystyr “Swyddfa’r Post” (“the Post Office”) yw Post Office Limited (rhif cofrestredig 02154540);”;
“ystyr “y system Horizon” (“the Horizon system”) yw unrhyw fersiwn o’r system gyfrifiadurol a ddefnyddir gan Swyddfa’r Post, a elwir yn Horizon, Horizon Legacy, Horizon Online neu’n HNG-X;”;
“ystyr “taliad digollediad Swyddfa’r Post” (“Post Office compensation payment”) yw taliad a wneir gan Swyddfa’r Post neu’r Ysgrifennydd Gwladol at ddiben darparu digollediad neu gymorth sydd—
mewn cysylltiad â methiannau’r system Horizon, neu
fel arall yn daladwy yn dilyn y dyfarniad yn Bates and Others v Post Office Ltd ((No. 3) “Common Issues”);”;
“ystyr “taliad niwed drwy frechiad” (“vaccine damage payment”) yw taliad a wneir o dan Ddeddf Taliadau Niwed Drwy Frechiad 1979;”;
(b)yn y diffiniad o “person cymwys”, ar ôl “yw person” mewnosoder “sy’n cael taliad digollediad Swyddfa’r Post neu daliad niwed drwy frechiad neu berson”.
13. Ym mharagraff 28 (didyniadau annibynyddion: pensiynwyr a phersonau nad ydynt yn bensiynwyr)—
(a)yn is-baragraff (1)—
(i)ym mharagraff (a), yn lle “£16.40” rhodder “£17.35”;
(ii)ym mharagraff (b), yn lle “£5.45” rhodder “£5.80”;
(b)yn is-baragraff (2)—
(i)ym mharagraff (a), yn lle “£236.00” rhodder “£256.00”;
(ii)ym mharagraff (b), yn lle “£236.00”, “£410.00” a “£10.90” rhodder “£256.00”, “£445.00” ac “£11.55” yn y drefn honno;
(iii)ym mharagraff (c), yn lle “£410.00”, “£511.00” a “£13.70” rhodder “£445.00”, “£554.00” a “£14.50” yn y drefn honno;
(c)yn is-baragraff (9)—
(i)yn y testun Saesneg, ar ddiwedd paragraff (b) hepgorer “and”;
(ii)ar ôl paragraff (b) mewnosoder—
“(ba)unrhyw daliad digollediad Swyddfa’r Post;”;
(iii)ar ddiwedd paragraff (c) hepgorer “a”.
14. Ym mharagraff 70(1) (dehongli), yn y diffiniad o “cronfeydd mynediad”, ar ôl paragraff (a) mewnosoder—
“(aa)unrhyw gyllid a ddarperir o dan adran 85 o Ddeddf Addysg Drydyddol ac Ymchwil (Cymru) 2022 at y diben o ddarparu cyllid i’w dalu ar sail ddisgresiynol i fyfyrwyr;”.
15. Yn Atodlen 2 (symiau cymwysadwy: pensiynwyr)—
(a)yng ngholofn (2) o’r Tabl ym mharagraff 1 (lwfans personol)—
(i)yn is-baragraff (1), yn lle “£217.00” rhodder “£235.20”;
(ii)yn is-baragraff (2), yn lle “£324.70” rhodder “£352.00”;
(iii)yn is-baragraff (3), yn lle “£324.70” a “£107.70” rhodder “£352.00” a “£116.80” yn y drefn honno;
(b)yng ngholofn (2) o’r Tabl ym mharagraff 2(1) (symiau plentyn neu berson ifanc), yn lle “£77.78”, yn y ddau le y mae’n digwydd, rhodder “£83.24”;
(c)ym mharagraff 3 (premiwm teulu), yn lle “£18.53” rhodder “£19.15”;
(d)ym mharagraff 8 (premiwm plentyn anabl)—
(i)ar ddiwedd is-baragraff (c) yn lle “.” rhodder “; neu”;
(ii)ar ôl is-baragraff (c) mewnosoder—
“(d)yn cael TALlA.”;
(e)yn yr ail golofn (swm) yn y Tabl ym mharagraff 12 (symiau’r premiymau a bennir yn Rhan 3)—
(i)yn is-baragraff (1), yn lle “£76.40” yn y ddau le y mae’n digwydd, rhodder “£81.50” ac yn lle “£152.80” rhodder “£163.00”;
(ii)yn is-baragraff (2), yn lle “£30.17” rhodder “£32.20”;
(iii)yn is-baragraff (3), yn lle “£74.69” rhodder “£80.01”;
(iv)yn is-baragraff (4), yn lle “£42.75” rhodder “£45.60”.
16. Yn Atodlen 3 (symiau cymwysadwy: personau nad ydynt yn bensiynwyr)—
(a)yng ngholofn (2) o’r Tabl ym mharagraff 1 (lwfansau personol)—
(i)yn is-baragraff (1), yn lle “£90.40”, yn y ddau le y mae’n digwydd, rhodder “£96.45” ac yn lle “£71.55” rhodder “£76.35”;
(ii)yn is-baragraff (2), yn lle “£90.40” rhodder “£96.45”;
(iii)yn is-baragraff (3), yn lle “£141.95” rhodder “£151.45”;
(b)yng ngholofn (2) o’r Tabl ym mharagraff 3(1) (swm), yn lle “£77.78”, yn y ddau le y mae’n digwydd, rhodder “£83.24”;
(c)ym mharagraff 4(1)(b) (premiwm teulu), yn lle “£18.53” rhodder “£19.15”;
(d)yn yr ail golofn (swm) o’r Tabl ym mharagraff 17 (symiau’r premiymau a bennir yn Rhan 3)—
(i)yn is-baragraff (1), yn lle “£39.85” a “£56.80” rhodder “£42.50” a “£60.60” yn y drefn honno;
(ii)yn is-baragraff (2), yn lle “£76.40”, yn y ddau le y mae’n digwydd, rhodder “£81.50” ac yn lle “£152.80” rhodder “£163.00”;
(iii)yn is-baragraff (3), yn lle “£74.69” rhodder “£80.01”;
(iv)yn is-baragraff (4), yn lle “£42.75” rhodder “£45.60”;
(v)yn is-baragraff (5), yn lle “£30.17”, “£19.55” a “£27.90” rhodder “£32.20”, “£20.85” a “£29.75” yn y drefn honno;
(e)ym mharagraff 23, yn lle “£33.70” rhodder “£35.95”;
(f)ym mharagraff 24, yn lle “£44.70” rhodder “£47.70”.
17. Yn Atodlen 8 (diystyriadau cyfalaf: pensiynwyr)—
(a)ym mharagraff 16—
(i)ar ôl is-baragraff (1) mewnosoder—
“(1A) Unrhyw daliad digollediad Swyddfa’r Post neu daliad niwed drwy frechiad.”;
(ii)yn is-baragraff (2), ar ôl “Ymddiriedolaethau” mewnosoder “neu o daliad digollediad Swyddfa’r Post neu daliad niwed drwy frechiad”;
(iii)yn is-baragraff (3), ar ôl “Ymddiriedolaethau” mewnosoder “neu o daliad digollediad Swyddfa’r Post neu daliad niwed drwy frechiad”;
(iv)yn is-baragraff (5), ar ôl “Ymddiriedolaethau” mewnosoder “neu o daliad digollediad Swyddfa’r Post neu daliad niwed drwy frechiad”;
(v)yn is-baragraff (6), ar ôl “Ymddiriedolaethau” mewnosoder “neu o daliad digollediad Swyddfa’r Post neu daliad niwed drwy frechiad”;
(vi)ar ôl is-baragraff (6) mewnosoder—
“(6A) Unrhyw daliad allan o ystad person, sy’n deillio o daliad i fodloni argymhelliad yr Ymchwiliad i Waed Heintiedig yn ei adroddiad interim a gyhoeddwyd ar 29 Gorffennaf 2022 a wneir o dan neu gan Gynllun Cymorth Gwaed Heintiedig yr Alban neu gynllun gwaed cymeradwy i ystad y person, pan wneir y taliad i fab, merch, llysfab neu lysferch y person.”;
(vii)yn is-baragraff (7), ar ôl “Ymddiriedolaethau” mewnosoder “neu o daliad digollediad Swyddfa’r Post neu daliad niwed drwy frechiad”;
(b)ym mharagraff 28C—
(i)daw’r testun presennol yn is-baragraff (1);
(ii)ar ôl is-baragraff (1) mewnosoder—
“(2) Pan fo taliad cymorth profedigaeth o dan adran 30 o Ddeddf Pensiynau 2014 yn cael ei dalu i oroeswr partneriaeth cyd-fyw (o fewn ystyr adran 30(6B) o’r Ddeddf honno) mewn cysylltiad â marwolaeth sy’n digwydd cyn 9 Chwefror 2023, unrhyw swm o’r taliad hwnnw—
(a)sydd mewn cysylltiad â’r gyfradd a bennir yn rheoliad 3(1) o Reoliadau Taliad Cymorth Profedigaeth 2017, a
(b)a delir fel cyfandaliad am fwy nag un ailddigwyddiad misol o’r diwrnod o’r mis y bu farw ei bartner a oedd yn cyd-fyw,
ond am gyfnod o 52 o wythnosau yn unig gan ddechrau o 1 Ebrill 2024 neu o ddyddiad cael y taliad, pa un bynnag sydd ddiweddaraf.”;
(c)ar ôl paragraff 28E mewnosoder—
“28F. Unrhyw daliad o lwfans rhiant gweddw a wneir o dan adran 39A o DCBNC—
(a)i oroeswr partneriaeth cyd-fyw (o fewn yr ystyr a roddir i “cohabiting partnership” yn adran 39A(7) o’r Ddeddf honno) sydd â hawl i gael lwfans rhiant gweddw am gyfnod cyn 9 Chwefror 2023, a
(b)mewn cysylltiad ag unrhyw gyfnod o amser yn ystod y cyfnod sy’n dod i ben â’r diwrnod cyn i’r goroeswr wneud hawliad am lwfans rhiant gweddw.”
18. Yn Atodlen 9 (diystyriadau cyfalaf: personau nad ydynt yn bensiynwyr)—
(a)ym mharagraff 29—
(i)ar ôl is-baragraff (1) mewnosoder—
“(1A) Unrhyw daliad digollediad Swyddfa’r Post neu daliad niwed drwy frechiad.”;
(ii)yn is-baragraff (2), ar ôl “is-baragraff (1)” mewnosoder “neu o daliad digollediad Swyddfa’r Post neu daliad niwed drwy frechiad”;
(iii)yn is-baragraff (3), ar ôl “is-baragraff (1)” mewnosoder “neu o daliad digollediad Swyddfa’r Post neu daliad niwed drwy frechiad”;
(iv)yn is-baragraff (5), ar ôl “is-baragraff (1)” mewnosoder “neu o daliad digollediad Swyddfa’r Post neu daliad niwed drwy frechiad”;
(v)yn is-baragraff (6), ar ôl “is-baragraff (1)” mewnosoder “neu o daliad digollediad Swyddfa’r Post neu daliad niwed drwy frechiad”;
(vi)ar ôl is-baragraff (6) mewnosoder—
“(6A) Unrhyw daliad allan o ystad person, sy’n deillio o daliad i fodloni argymhelliad yr Ymchwiliad i Waed Heintiedig yn ei adroddiad interim a gyhoeddwyd ar 29 Gorffennaf 2022 a wneir o dan neu gan Gynllun Cymorth Gwaed Heintiedig yr Alban neu gynllun gwaed cymeradwy i ystad y person, pan wneir y taliad i fab, merch, llysfab neu lysferch y person.”;
(vii)yn is-baragraff (7), ar ôl “Ymddiriedolaethau” mewnosoder “neu o daliad digollediad Swyddfa’r Post neu daliad niwed drwy frechiad”;
(b)ym mharagraff 65—
(i)daw’r testun presennol yn is-baragraff (1);
(ii)ar ôl is-baragraff (1) mewnosoder—
“(2) Pan fo taliad cymorth profedigaeth o dan adran 30 o Ddeddf Pensiynau 2014 yn cael ei dalu i oroeswr partneriaeth cyd-fyw (o fewn ystyr adran 30(6B) o’r Ddeddf honno) mewn cysylltiad â marwolaeth sy’n digwydd cyn 9 Chwefror 2023, unrhyw swm o’r taliad hwnnw—
(a)sydd mewn cysylltiad â’r gyfradd a bennir yn rheoliad 3(1) o Reoliadau Taliad Cymorth Profedigaeth 2017, a
(b)a delir fel cyfandaliad am fwy nag un ailddigwyddiad misol o’r diwrnod o’r mis y bu farw ei bartner a oedd yn cyd-fyw,
ond am gyfnod o 52 o wythnosau yn unig gan ddechrau o 1 Ebrill 2024 neu o ddyddiad cael y taliad, pa un bynnag sydd ddiweddaraf.”;
(c)ar ôl paragraff 67 mewnosoder—
“68. Unrhyw daliad o lwfans rhiant gweddw a wneir o dan adran 39A o DCBNC—
(a)i oroeswr partneriaeth cyd-fyw (o fewn yr ystyr a roddir i “cohabiting partnership” yn adran 39A(7) o’r Ddeddf honno) sydd â hawl i gael lwfans rhiant gweddw am gyfnod cyn 9 Chwefror 2023, a
(b)mewn cysylltiad ag unrhyw gyfnod o amser yn ystod y cyfnod sy’n dod i ben â’r diwrnod cyn i’r goroeswr wneud hawliad am lwfans rhiant gweddw.”
Rebecca Evans
Y Gweinidog Cyllid a Llywodraeth Leol, un o Weinidogion Cymru
17 Ionawr 2024
(Nid yw’r nodyn hwn yn rhan o’r Rheoliadau)
Mae’r Rheoliadau hyn yn diwygio Rheoliadau Cynlluniau Gostyngiadau’r Dreth Gyngor a Gofynion Rhagnodedig (Cymru) 2013 (“y Rheoliadau Gofynion Rhagnodedig”) a Rheoliadau Cynlluniau Gostyngiadau’r Dreth Gyngor (Cynllun Diofyn) (Cymru) 2013 (“y Rheoliadau Cynllun Diofyn”) a wnaed o dan adran 13A(4) a (5) o Ddeddf Cyllid Llywodraeth Leol 1992, ac Atodlen 1B iddi.
Mae’r Rheoliadau Gofynion Rhagnodedig yn ei gwneud yn ofynnol i bob awdurdod bilio yng Nghymru wneud cynllun sy’n pennu’r gostyngiadau sydd i fod yn gymwys i symiau o’r dreth gyngor sy’n daladwy gan bersonau, neu gan ddosbarthau ar bersonau, y mae’r awdurdod yn ystyried eu bod mewn angen ariannol. Mae’r Rheoliadau Gofynion Rhagnodedig hefyd yn nodi’r materion y mae rhaid eu cynnwys mewn cynllun o’r fath.
Mae’r Rheoliadau Cynllun Diofyn yn nodi cynllun a fydd yn cael effaith, mewn cysylltiad ag anheddau yn ardal awdurdod bilio, os yw’r awdurdod hwnnw yn methu â gwneud ei gynllun ei hun.
Mae rheoliad 3 yn mewnosod diffiniadau newydd yn y Rheoliadau Gofynion Rhagnodedig o ganlyniad i ddiwygiadau eraill a wneir gan y Rheoliadau hyn. Mae rheoliad 12 yn gwneud yr un diwygiadau i’r Rheoliadau Cynllun Diofyn.
Mae rheoliadau 4(c) (ond gweler ymhellach isod), 6(a)(i) i (v) a (vii), 7(c) a 9(a)(i) i (v) a (vii) yn diwygio’r Rheoliadau Gofynion Rhagnodedig er mwyn creu diystyriadau newydd mewn perthynas â thaliadau a wneir gan yr Ysgrifennydd Gwladol neu Swyddfa’r Post at ddiben darparu digollediad neu gymorth mewn cysylltiad â methiannau system gyfrifiadurol Horizon Swyddfa’r Post, neu sydd fel arall yn daladwy yn dilyn y dyfarniad yn Bates and Others v Post Office Ltd ((No. 3) “Common Issues”) [2019] EWHC 606 (QB), neu mewn perthynas â thaliadau a wneir o dan Ddeddf Taliadau Niwed Drwy Frechiad 1979. Gwneir yr un diwygiadau gan reoliadau 13(c), 17(a)(i) i (v) a (vii), a 18(a)(i) i (v) a (vii) o’r Rheoliadau Cynllun Diofyn.
Mae rheoliad 4(c) yn diwygio’r Rheoliadau Gofynion Rhagnodedig i gywiro hepgoriad blaenorol yn y Rheoliadau hynny er mwyn sicrhau bod y rhestr o faterion y mae rhaid eu diystyru mewn perthynas â didyniadau annibynyddion sy’n gymwys i bersonau o oedran gweithio hefyd yn gymwys i bensiynwyr. Mae’r un rheoliad hefyd yn cynnwys diwygiad sy’n darparu ar gyfer diystyriad mewn perthynas â thaliadau digollediad Swyddfa’r Post (gweler uchod).
Mae rheoliad 5(d) yn diwygio’r Rheoliadau Gofynion Rhagnodedig er mwyn sicrhau, pan fo ceisydd neu bartner ceisydd yn gyfrifol am berson ifanc sy’n aelod o aelwyd y ceisydd, a phan fo’r person ifanc hwnnw yn cael taliad annibyniaeth y lluoedd arfog, fod taliad o’r fath yn cael ei ystyried wrth benderfynu swm y premiwm sy’n gymwys at ddiben penderfynu swm unrhyw ostyngiad. Gwneir yr un diwygiad i’r Rheoliadau Cynllun Diofyn gan reoliad 15(d).
Mae rheoliadau 6(a)(vi) a 9(a)(vi) yn diwygio’r Rheoliadau Gofynion Rhagnodedig i alluogi i daliadau penodol a wneir o ystad person ymadawedig gael eu diystyru at ddiben penderfynu cymhwystra am ostyngiad. Mae’r diystyriad yn gymwys i daliadau sy’n deillio o daliad a wnaed o gynllun gwaed cymeradwy, neu o Gynllun Cymorth Gwaed Heintiedig yr Alban, sydd i fodloni argymhelliad yr Ymchwiliad i Waed Heintiedig yn ei adroddiad interim a gyhoeddwyd ar 29 Gorffennaf 2022. Argymhellodd yr adroddiad hwnnw y dylid gwneud taliad interim i bawb sydd wedi ei heintio gan waed neu gynhyrchion gwaed halogedig, a’r holl bartneriaid mewn profedigaeth sydd wedi eu cofrestru ar gynlluniau cymorth gwaed heintiedig y DU, a’r rheini sy’n cofrestru cyn dechreuad unrhyw gynllun yn y dyfodol. Pan fo person sydd wedi ei heintio neu ei bartner mewn profedigaeth wedi cofrestru â chynllun o’r fath ond wedi marw cyn y gellid gwneud y taliad interim, bydd yn cael ei dalu i’w ystad. Bydd taliad sy’n deillio o daliad interim a delir o ystad person ymadawedig yn cael ei ddiystyru at ddiben penderfynu cymhwystra am ostyngiad os caiff ei wneud i fab, merch, llysfab neu lysferch y person ymadawedig. Gwneir yr un diwygiadau i’r Rheoliadau Cynllun Diofyn gan reoliadau 17(a)(vi) a 18(a)(vi).
Mae rheoliadau 6(b) ac (c) a 9(b) ac (c) yn diwygio’r Rheoliadau Gofynion Rhagnodedig o ganlyniad i Orchymyn Budd-daliadau Profedigaeth (Rhwymedïol) 2023 (O.S. 2023/134) (“y Gorchymyn Rhwymedïol”) a ddaeth i rym ar 9 Chwefror 2023. Yn rhinwedd y Gorchymyn Rhwymedïol, estynnir hawlogaeth i fudd-daliadau profedigaeth i oroeswyr partneriaethau cyd-fyw a chanddynt blant dibynnol. Yn flaenorol, nid oedd y taliadau hyn ond ar gael i rieni cymwys mewn profedigaeth a oedd yn briod neu mewn partneriaeth sifil.
Diystyrir cyfandaliadau penodol o daliad cymorth profedigaeth a lwfans rhiant gweddw a wneir i oroeswyr partneriaethau cyd-fyw wrth gyfrifo cyfalaf ceisydd at ddibenion hawlogaeth i ostyngiad o ran y dreth gyngor. Bydd unrhyw gyfandaliad o daliad cymorth profedigaeth ar y gyfradd uwch fel y nodir yn rheoliad 3(1) o Reoliadau Taliad Cymorth Profedigaeth 2017 yn cael ei ddiystyru am gyfnod o 52 o wythnosau, o 1 Ebrill 2024 neu o ddyddiad cael y taliad, pa un bynnag sydd ddiweddaraf. Bydd unrhyw gyfandaliad o daliad lwfans rhiant gweddw, a wneir i’r partner sy’n goroesi partneriaeth cyd-fyw o ganlyniad i farwolaeth sy’n digwydd cyn i’r Gorchymyn Rhwymedïol ddod i rym, yn cael ei ddiystyru. Gwneir yr un diwygiadau i’r Rheoliadau Cynllun Diofyn gan reoliadau 17(b) ac (c) a 18(b) ac (c).
Mae rheoliad 10 yn diwygio’r Rheoliadau Gofynion Rhagnodedig o ganlyniad i Ddeddf Addysg Drydyddol ac Ymchwil (Cymru) 2022. Mae’r diwygiad yn sicrhau, pan delir cronfeydd mynediad i fyfyrwyr ar sail ddisgresiynol gan y Comisiwn Addysg Drydyddol ac Ymchwil, fod cronfeydd o’r fath yn cael eu hystyried wrth benderfynu cymhwystra am ostyngiad o ran y dreth gyngor. Gwneir yr un diwygiadau i’r Rheoliadau Cynllun Diofyn gan reoliad 14.
Mae’r diwygiadau a wneir i’r Rheoliadau Gofynion Rhagnodedig gan reoliadau 4(a) a (b), 5(a) i (c) ac (e), 7(a) a (b) ac 8 yn uwchraddio ffigurau penodol a ddefnyddir i gyfrifo a oes gan berson hawl i ostyngiad, ac os felly, swm y gostyngiad hwnnw. Mae’r ffigurau uwchraddedig yn gymwys i ddidyniadau annibynyddion (addasiadau a wneir i uchafswm y gostyngiad y gall person ei gael gan ystyried oedolion sy’n byw yn yr annedd nad ydynt yn ddibynyddion y ceisydd) ac i’r swm cymwysadwy (y swm y cymherir incwm ceisydd ag ef er mwyn penderfynu swm y gostyngiad, os oes un, y gall fod gan y ceisydd hawl i’w gael). Mae nifer o ffigurau eraill hefyd yn cael eu huwchraddio i adlewyrchu newidiadau i amryw hawlogaethau eraill. Gwneir yr un diwygiadau i’r Rheoliadau Cynllun Diofyn gan reoliadau 13(a) a (b), 15(a) i (c) ac (e) ac 16.
Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, lluniwyd asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn. Gellir cael copi oddi wrth: Yr Is-adran Diwygio Cyllid Llywodraeth Leol, Llywodraeth Cymru, Parc Cathays, Caerdydd, CF10 3NQ ac fe’i cyhoeddir ar www.llyw.cymru .
1992 p. 14. Amnewidiwyd adran 13A gan adran 10(1) o Ddeddf Cyllid Llywodraeth Leol 2012 (p. 17). Mewnosodwyd Atodlen 1B gan adran 10(2) o’r Ddeddf honno, a pharagraff 1 o Atodlen 4 iddi. Gweler adran 116(1) o Ddeddf 1992 am y diffiniad o “prescribed”.
Mae’r cyfeiriad yn adran 13A(8) at Gynulliad Cenedlaethol Cymru bellach yn cael effaith fel cyfeiriad at Senedd Cymru, yn rhinwedd adran 150A(2) o Ddeddf Llywodraeth Cymru 2006 (p. 32), fel y’i diwygiwyd gan adran 9 o Ddeddf Senedd ac Etholiadau (Cymru) 2020 (dccc 1), a pharagraff 2(7)(c) o Atodlen 1 iddi.
O.S. 2013/3029 (Cy. 301), a ddiwygiwyd gan O.S. 2014/66 (Cy. 6), O.S. 2014/825 (Cy. 83), O.S. 2015/44 (Cy. 3), O.S. 2015/971, O.S. 2016/50 (Cy. 21), O.S. 2017/46 (Cy. 20), O.S. 2018/14 (Cy. 7), O.S. 2019/11 (Cy. 5), O.S. 2020/16 (Cy. 2), O.S. 2021/34 (Cy. 9), O.S. 2022/51 (Cy. 19) ac O.S. 2023/47 (Cy. 6).
[2019] EWHC 606 (QB).
Gweler rheoliad 2(1) (dehongli) o Reoliadau Cynlluniau Gostyngiadau’r Dreth Gyngor a Gofynion Rhagnodedig (Cymru) 2013 am ystyr pob term.
Gweler https://www.infectedbloodinquiry.org.uk/reports/first-interim-report. Gellir cael copi caled oddi wrth yr Adran Gwaith a Phensiynau yn: The Department for Work and Pensions, Caxton House, Tothill Street, London SW1H 9NA.
2014 p. 19. Mae adran 30 wedi ei diwygio gan O.S. 2023/134.
Mewnosodwyd is-adran (6B) gan O.S. 2023/134.
1992 p. 4. Mewnosodwyd adran 39A gan adran 55(2) o Ddeddf Diwygio Lles a Phensiynau 1999 (p. 30). Fe’i diwygiwyd wedi hynny gan adrannau 254(1) a 261(4) o Ddeddf Partneriaeth Sifil 2004 (p. 33), a pharagraff 20 o Atodlen 24, ac Atodlen 30 iddi; adran 1(3) o Ddeddf Budd-dal Plant 2005 (p. 6), a pharagraff 3 o Atodlen 1 iddi; adran 51 o Ddeddf Diwygio Lles 2007 (p. 5); adran 31(5) o Ddeddf Pensiynau 2014, a pharagraff 12 o Atodlen 16 iddi; O.S. 2014/560; O.S. 2014/3229, O.S. 2019/1458 ac O.S. 2023/134. Mae diwygiadau eraill ond nid yw’r un ohonynt yn berthnasol i’r offeryn hwn.
O.S. 2013/3035 (Cy. 303), a ddiwygiwyd gan O.S. 2014/66 (Cy. 6), O.S. 2014/825 (Cy. 83), O.S. 2015/44 (Cy. 3), O.S. 2015/971, O.S. 2016/50 (Cy. 21), O.S. 2017/46 (Cy. 20), O.S. 2018/14 (Cy. 7), O.S. 2019/11 (Cy. 5), O.S. 2020/16 (Cy. 2), O.S. 2021/34 (Cy. 9), O.S. 2022/51 (Cy. 19) ac O.S. 2023/47 (Cy. 6).