Chwilio Deddfwriaeth

Chwiliad Uwch (gan gynnwys deddfwriaeth Cymraeg yn yr iaith Gymraeg)

Gorchymyn Adnoddau Dŵr (Dirymiadau Amrywiol) (Cymru) 2017

Help about what version

Pa Fersiwn

Statws

Dyma’r fersiwn wreiddiol (fel y’i gwnaed yn wreiddiol). Dim ond ar ei ffurf wreiddiol y mae’r eitem hon o ddeddfwriaeth ar gael ar hyn o bryd.

Offerynnau Statudol Cymru

2017 Rhif 1026 (Cy. 264)

Dŵr, Cymru

Adnoddau Dŵr, Cymru

Gorchymyn Adnoddau Dŵr (Dirymiadau Amrywiol) (Cymru) 2017

Gwnaed

24 Hydref 2017

Gosodwyd gerbron Cynulliad Cenedlaethol Cymru

31 Hydref 2017

Yn dod i rym

1 Ionawr 2018

Mae Gweinidogion Cymru yn gwneud y Gorchymyn a ganlyn drwy arfer y pwerau a roddir gan adran 10(1) o Ddeddf Dŵr 2003(1).

Enwi a chymhwyso

1.  Enw’r Gorchymyn hwn yw Gorchymyn Adnoddau Dŵr (Dirymiadau Amrywiol) (Cymru) 2017 a daw i rym ar 1 Ionawr 2018.

Dirymu Gorchmynion

2.—(1) Mae’r Gorchmynion yn Rhan 1 o’r Atodlen(2) wedi eu dirymu.

(2) Mae’r Gorchmynion yn Rhan 2 o’r Atodlen wedi eu dirymu i’r graddau y maent yn ymwneud â dyfroedd mewndirol neu strata tanddaearol yng Nghymru.

Lesley Griffiths

Ysgrifennydd y Cabinet dros yr Amgylchedd a Materion Gwledig, un o Weinidogion Cymru

24 Hydref 2017

Erthygl 2

YR ATODLEN

RHAN 1

  • Gorchymyn Awdurdod Afonydd Gwynedd (Eithriadau i Reoli) 1965(3)

  • Gorchymyn De-orllewin Cymru (Eithriadau i Reoli) 1965(4)

  • Gorchymyn Awdurdod Afonydd Morgannwg (Eithriadau i Reoli) 1966(5)

  • Gorchymyn Awdurdod Afon Wysg (Eithriadau i Reoli) 1973(6)

RHAN 2

  • Gorchymyn Awdurdod Afonydd Dyfrdwy a Chlwyd (Eithriadau i Reoli) 1966(7)

  • Gorchymyn Awdurdod Afon Hafren (Eithriadau i Reoli) 1967(8)

  • Gorchymyn Awdurdod Afonydd Mersi a Weaver (Eithriadau i Reoli) 1968(9).

NODYN ESBONIADOL

(Nid yw’r nodyn hwn yn rhan o’r Gorchymyn)

Mae’r Gorchymyn hwn yn dirymu Gorchmynion y bernir iddynt gael eu gwneud o dan adran 33 o Ddeddf Adnoddau Dŵr 1991 (p. 57). Mae’r Gorchmynion hynny yn darparu esemptiadau i’r cyfyngiadau ar dynnu dŵr yn adran 24 o’r Ddeddf honno.

Lluniwyd Asesiad Effaith Rheoleiddiol mewn cysylltiad â Deddf Dŵr 2003 (p. 37). Mae’r Asesiad Effaith Rheoleiddiol hwn yn nodi effeithiau’r dileu esemptiadau i’r cyfyngiad ar dynnu dŵr y mae’r Gorchymyn hwn yn ymwneud ag ef. Lluniwyd asesiad effaith pellach mewn cysylltiad ag awdurdodiadau newydd i dynnu dŵr ym mis Mehefin 2017. Gellir cael copïau o’r Asesiad Effaith Rheoleiddiol a’r asesiad effaith oddi wrth: Y Gangen Polisi Dŵr, Yr Is-adran Dŵr, Gwastraff, Effeithlonrwydd Adnoddau a Llifogydd, Llywodraeth Cymru, Parc Cathays, Caerdydd, CF10 3NQ.

(1)

2003 p. 37. Mae adran 10(3) yn darparu mai’r Cynulliad yw’r awdurdod priodol mewn perthynas â dirymu Gorchymyn sy’n ymwneud â dyfroedd mewndirol neu strata tanddaearol sy’n gyfan gwbl yng Nghymru, ac mewn perthynas â’r rhan Gymreig o ddyfroedd mewndirol neu strata tanddaearol sy’n rhannol yn Lloegr ac yn rhannol yng Nghymru. Trosglwyddwyd y swyddogaethau hynny i Weinidogion Cymru gan adran 162 o Ddeddf Llywodraeth Cymru 2006 (p. 32), a pharagraff 30 o Atodlen 11 iddi.

(2)

Gwnaed y Gorchmynion yn yr Atodlen o dan adran 25 o Ddeddf Adnoddau Dŵr 1963 (p. 38) (“Deddf 1963”). Diddymwyd yr adran hon gan adran 3(1) o Ddeddf Cydgrynhoi Dŵr (Darpariaethau Canlyniadol) 1991 (p. 60) (“Deddf 1991”), a Rhan 1 o Atodlen 3 iddi. Mae adran 2(2) o Ddeddf 1991, a pharagraff 1 o Atodlen 2 iddi, yn darparu bod unrhyw is-ddeddfwriaeth a wneir o dan Ddeddf 1963 i gael effaith fel pe bai wedi ei gwneud o dan adran 33 o Ddeddf Adnoddau Dŵr 1991 (p. 57).

Yn ôl i’r brig

Options/Help

Print Options

Close

Mae deddfwriaeth ar gael mewn fersiynau gwahanol:

Y Diweddaraf sydd Ar Gael (diwygiedig):Y fersiwn ddiweddaraf sydd ar gael o’r ddeddfwriaeth yn cynnwys newidiadau a wnaed gan ddeddfwriaeth ddilynol ac wedi eu gweithredu gan ein tîm golygyddol. Gellir gweld y newidiadau nad ydym wedi eu gweithredu i’r testun eto yn yr ardal ‘Newidiadau i Ddeddfwriaeth’. Dim ond yn Saesneg y mae’r fersiwn ddiwygiedig ar gael ar hyn o bryd.

Gwreiddiol (Fel y’i Deddfwyd neu y’i Gwnaed) - Saesneg: Mae'r wreiddiol Saesneg fersiwn y ddeddfwriaeth fel ag yr oedd pan gafodd ei deddfu neu eu gwneud. Ni wnaed unrhyw newidiadau i’r testun.

Gwreiddiol (Fel y’i Deddfwyd neu y’i Gwnaed)-Cymraeg:Y fersiwn Gymraeg wreiddiol o’r ddeddfwriaeth fel yr oedd yn sefyll pan gafodd ei deddfu neu ei gwneud. Ni wnaed unrhyw newidiadau i’r testun.

Close

Dewisiadau Agor

Dewisiadau gwahanol i agor deddfwriaeth er mwyn gweld rhagor o gynnwys ar y sgrin ar yr un pryd

Close

Rhagor o Adnoddau

Gallwch wneud defnydd o ddogfennau atodol hanfodol a gwybodaeth ar gyfer yr eitem ddeddfwriaeth o’r tab hwn. Yn ddibynnol ar yr eitem ddeddfwriaeth sydd i’w gweld, gallai hyn gynnwys:

  • y PDF print gwreiddiol y fel deddfwyd fersiwn a ddefnyddiwyd am y copi print
  • rhestr o newidiadau a wnaed gan a/neu yn effeithio ar yr eitem hon o ddeddfwriaeth
  • manylion rhoi grym a newid cyffredinol
  • pob fformat o’r holl ddogfennau cysylltiedig
  • slipiau cywiro
  • dolenni i ddeddfwriaeth gysylltiedig ac adnoddau gwybodaeth eraill
Close

Rhagor o Adnoddau

Defnyddiwch y ddewislen hon i agor dogfennau hanfodol sy’n cyd-fynd â’r ddeddfwriaeth a gwybodaeth am yr eitem hon o ddeddfwriaeth. Gan ddibynnu ar yr eitem o ddeddfwriaeth sy’n cael ei gweld gall hyn gynnwys:

  • y PDF print gwreiddiol y fel gwnaed fersiwn a ddefnyddiwyd am y copi print
  • slipiau cywiro

liciwch ‘Gweld Mwy’ neu ddewis ‘Rhagor o Adnoddau’ am wybodaeth ychwanegol gan gynnwys

  • rhestr o newidiadau a wnaed gan a/neu yn effeithio ar yr eitem hon o ddeddfwriaeth
  • manylion rhoi grym a newid cyffredinol
  • pob fformat o’r holl ddogfennau cysylltiedig
  • dolenni i ddeddfwriaeth gysylltiedig ac adnoddau gwybodaeth eraill