Rheoliadau Adroddiad Pennaeth i Rieni a Disgyblion sy’n Oedolion (Cymru) (Diwygio) 2014

NODYN ESBONIADOL

(Nid yw’r nodyn hwn yn rhan o’r Rheoliadau)

Mae Rheoliadau Adroddiad Pennaeth i Rieni a Disgyblion sy’n Oedolion (Cymru) (Diwygio) 2014 (“Rheoliadau 2014”) yn diwygio Rheoliadau Adroddiad Pennaeth i Rieni a Disgyblion sy’n Oedolion (Cymru) 2011. Mae Rheoliadau 2014 yn gwneud darpariaeth o ran yr adroddiad y mae’n ofynnol i’r pennaeth ei anfon at rieni a disgyblion sy’n oedolion bob blwyddyn ysgol, ar ddiwedd y cyfnod sylfaen a chyfnodau allweddol dau a thri, a’r wybodaeth ychwanegol y caiff rhieni disgyblion cofrestredig sy’n cael eu hasesu mewn unrhyw gyfnod allweddol ofyn amdani.

Mae’r Rheoliadau hyn yn diwygio Rheoliadau 2014 drwy—

(a) mewnosod diffiniad newydd o “Gorchymyn Rhaglenni Addysgol a Rhaglenni Astudio 2013” (rheoliad 2(2));

(b) mewnosod rheoliad 3(3) newydd sy’n nodi pa wybodaeth yn yr Atodlen i Reoliadau 2014 y mae rhaid ei chynnwys yn adroddiad y pennaeth i rieni a disgyblion sy’n oedolion bob blwyddyn ysgol (rheoliad 2(3) a (6)(a));

(c) hepgor rheoliad 4(4) a mewnosod rheoliad 4A newydd. Mae rheoliad 4A a Rhan 5 o Reoliadau 2014 yn nodi’r wybodaeth y mae rhaid ei chynnwys yn adroddiad y pennaeth i rieni a disgyblion sy’n oedolion pan fydd y disgybl ym mlwyddyn olaf y cyfnod sylfaen, neu gyfnodau allweddol dau neu dri (rheoliad 2(4) a (5). Mae Rhan 5 wedi ei mewnosod gan reoliad 2(6)(c)); a

(d) hepgor Rhannau 4A a 4B a’u hailddeddfu fel paragraff 1(1) a (2) newydd yn Rhan 1 (rheoliad 2(6)(a) a (b)).

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, ystyriwyd nad oedd yn angenrheidiol cynnal asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn.