Offerynnau Statudol Cymru
Y GYMRAEG, CYMRU
Gwnaed
25 Mehefin 2011
Mae Gweinidogion Cymru, drwy arfer y pwerau a roddwyd iddynt gan adrannau 150(5) a 156(2) o Fesur y Gymraeg (Cymru) 2011(1), yn gwneud y Gorchymyn a ganlyn:
1.—(1) Enw'r Gorchymyn hwn yw Gorchymyn Mesur y Gymraeg (Cymru) 2011 (Cychwyn Rhif 1) 2011.
(2) Mae'r Gorchymyn hwn yn gymwys o ran Cymru.
2. Daw darpariaethau canlynol Mesur y Gymraeg (Cymru) 2011 i rym ar 28 Mehefin 2011—
(a)paragraffau 3, 7, 8, 13 ac 21 o Atodlen 1, ac adran 2(2) a (3) i'r graddau mae'r isadrannau hynny yn ymwneud â'r paragraffau hynny;
(b)adran 138;
(c)adran 139;
(ch)paragraffau 1, 2 a 6 o Atodlen 12, ac adran 146 i'r graddau y mae'n ymwneud â'r paragraffau hynny.
Leighton Andrews
Y Gweinidog Addysg a Sgiliau, un o Weinidogion Cymru
25 Mehefin 2011
(Nid yw'r nodyn hwn yn rhan o'r Gorchymyn)
Mae'r Gorchymyn hwn wedi ei wneud o dan adrannau 150(5) a 156(2) o Fesur y Gymraeg (Cymru) 2011 (“y Mesur”). Mae erthygl 2 yn rhestru'r darpariaethau sydd i ddod i rym ar 28 Mehefin 2011.
Hwn yw'r gorchymyn cychwyn cyntaf i gael ei wneud o dan y Mesur. Ar 28 Mehefin 2011 mae'n cychwyn adrannau a pharagraffau yn y Mesur sy'n galluogi Gweinidogion Cymru i wneud rheoliadau a gorchmynion penodol, gan gynnwys rheoliadau ynghylch penodi Comisiynydd y Gymraeg.