Mesur Cynulliad Cenedlaethol Cymru (Taliadau) 2010 (mccc4)

(a gyflwynir gan adran 4)

ATODLEN 1 LL+C ANGHYMWYSO RHAG BOD YN AELOD O'R BWRDD

1 LL+C Mae'r personau canlynol wedi'u hanghymwyso rhag bod yn aelodau o'r Bwrdd—

(a) aelod o'r Cynulliad,

(b) y Cwnsler Cyffredinol (os nad yw'n aelod o'r Cynulliad),

(c) ymgeisydd i'w ethol yn aelod o'r Cynulliad,

(d) person y gallai fod angen i'w enw, pe bai sedd aelod Cynulliad rhanbarthol yn dod yn wag, gael ei hysbysu i'r Llywydd o dan adran 11 o'r Ddeddf (seddi gwag mewn rhanbarthau etholiadol),

(e) aelod o Senedd Ewrop, Tŷ'r Cyffredin, F1 ... Senedd yr Alban neu Gynulliad Gogledd Iwerddon,

(f) aelod o staff y Cynulliad,

(g) aelod o staff Llywodraeth Cynulliad Cymru,

(h) person a gyflogir gan aelod o'r Cynulliad neu gan grŵp o aelodau'r Cynulliad er mwyn helpu'r aelod hwnnw neu'r aelodau o'r grŵp hwnnw i gyflawni swyddogaethau aelod o'r Cynulliad,

(i) Archwilydd Cyffredinol Cymru,

(j) Comisiynydd Safonau Cynulliad Cenedlaethol Cymru,

(k) aelod o Bwyllgor Rheolaeth Gorfforaethol Comisiwn y Cynulliad,

(l) person sy'n dal apwyntiad fel Ymgynghorydd Annibynnol i Gomisiwn y Cynulliad,

F2 (m) . . . . . . . . . . . . . . . . . . . . . . . . . . . . . . . .

(n) person sy'n dal apwyntiad fel Cyfarwyddwr Anweithredol Llywodraeth Cynulliad Cymru.

Diwygiadau Testunol

F1 Geiriau yn Atod. 1 para. 1(e) wedi eu hepgor (12.4.2014) yn rhinwedd Gorchymyn Mesur Cynulliad Cenedlaethol Cymru (Taliadau) 2010 (Anghymhwyso o’r Bwrdd Taliadau) 2014 (O.S. 2014/1004), erglau. 1(2), 2(a)

F2 Atod. 1 para. 1(m) wedi ei hepgor (12.4.2014) yn rhinwedd Gorchymyn Mesur Cynulliad Cenedlaethol Cymru (Taliadau) 2010 (Anghymhwyso o’r Bwrdd Taliadau) 2014 (O.S. 2014/1004), erglau. 1(2), 2(b)

Gwybodaeth Cychwyn

I1 Atod. 1 para. 1 mewn grym ar 22.7.2010, gweler a. 20(2)

2 LL+C At ddibenion paragraff 1(c) daw person yn ymgeisydd i'w ethol yn aelod o'r Cynulliad—

(a) ar y diwrnod y datgenir bod y person hwnnw'n ymgeisydd (boed gan y person o dan sylw neu gan eraill ), neu

(b) ar y diwrnod yr enwebir y person hwnnw'n ymgeisydd mewn etholiad i'r Cynulliad,

p'un bynnag fydd gyntaf.

Gwybodaeth Cychwyn

I2 Atod. 1 para. 2 mewn grym ar 22.7.2010, gweler a. 20(2)

3 LL+C Wrth benderfynu, at ddibenion paragraff 1(d), a allai fod angen i enw person gael ei hysbysu i'r Llywydd o dan adran 11 o'r Ddeddf, mae gofynion paragraffau (b) a (c) o is adran (3) o'r adran honno i'w hanwybyddu.

Gwybodaeth Cychwyn

I3 Atod. 1 para. 3 mewn grym ar 22.7.2010, gweler a. 20(2)