Deddf Addysg Uwch (Cymru) 2015 (dccc1)

RHAN 6 LL+C HYSBYSIADAU A CHYFARWYDDYDAU A RODDIR GAN CCAUC

Darpariaethau cyffredinol ynghylch cyfarwyddydau a roddir gan CCAUC LL+C

45 Cyfarwyddydau: cydymffurfio a gorfodi LL+C

(1) Os yw CCAUC yn rhoi cyfarwyddyd i gorff llywodraethu o dan y Ddeddf hon, rhaid i’r corff llywodraethu gydymffurfio â’r cyfarwyddyd.

(2) Mae’r cyfarwyddyd yn orfodadwy drwy waharddeb yn dilyn cais gan CCAUC.

(3) Os yw’r corff llywodraethu yn gofyn iddo wneud hynny, rhaid i CCAUC roi hysbysiad i’r corff llywodraethu sy’n datgan a yw wedi ei fodloni ei fod wedi cydymffurfio â’r cyfarwyddyd (neu â gofyniad penodol yn y cyfarwyddyd).

Gwybodaeth Cychwyn

I1 A. 45 ddim mewn grym ar y Cydsyniad Brenhinol, gweler a. 59(2)

I2 A. 45 mewn grym ar 1.9.2015 gan O.S. 2015/1327, ergl. 5(l)

46 Cyfarwyddydau: cyffredinol LL+C

O ran cyfarwyddyd a roddir gan CCAUC o dan y Ddeddf hon—

(a) rhaid iddo fod yn ysgrifenedig;

(b) caniateir iddo gael ei amrywio neu ei ddirymu drwy gyfarwyddyd diweddarach.

Gwybodaeth Cychwyn

I3 A. 46 ddim mewn grym ar y Cydsyniad Brenhinol, gweler a. 59(2)

I4 A. 46 mewn grym ar 1.9.2015 gan O.S. 2015/1327, ergl. 5(l)