Deddf Addysg (Cymru) 2014 (dccc5)

RHAN 3 LL+C DARPARIAETH AMRYWIOL

Swyddogaethau addysg awdurdodau lleol - ymyrryd LL+C

44 Swyddogaethau addysg awdurdodau lleol yn arferadwy gan y personau a gyfarwyddir LL+C

(1) Mae Deddf 2013 wedi ei diwygio fel a ganlyn.

(2) Yn adran 25 (pŵer i’w gwneud yn ofynnol i swyddogaethau gael eu cyflawni gan bersonau eraill ar ran awdurdod), ar ôl is-adran (3), mewnosoder—

“(4) Os oes cyfarwyddyd o dan is-adran (2) mewn grym, mae swyddogaethau’r awdurdod lleol y mae’n ymwneud â hwy i’w trin at bob diben fel petaent yn arferadwy gan y person penodedig.”.

(3) Yn adran 26 (pŵer i’w gwneud yn ofynnol i swyddogaethau gael eu cyflawni gan Weinidogion Cymru neu enwebai), ar ôl is-adran (3), mewnosoder—

“(4) Os oes cyfarwyddyd o dan is-adran (2) mewn grym, mae swyddogaethau’r awdurdod lleol y mae’n ymwneud â hwy i’w trin at bob diben fel petaent yn arferadwy gan Weinidogion Cymru neu eu henwebai.”.

Gwybodaeth Cychwyn

I1 A. 44 ddim mewn grym ar y Cydsyniad Brenhinol, gweler a. 50

I2 A. 44 mewn grym ar 14.7.2014 gan O.S. 2014/1605, ergl. 2(b)