Deddf Gwasanaethau Cymdeithasol a Llesiant (Cymru) 2014 (dccc4)

Yn ddilys o 06/04/2016

RHAN 6 LL+C PLANT SY’N DERBYN GOFAL A PHLANT SY’N CAEL EU LLETYA

Gadael gofal, llety a maethu LL+C

109 Cymorth ar gyfer pobl ifanc categori 2 LL+C

(1) Rhaid i’r awdurdod lleol sy’n gyfrifol am berson ifanc categori 2 ddiogelu a hyrwyddo llesiant y person hwnnw ac, oni chaiff ei fodloni nad yw’n ofynnol i lesiant y person, cynorthwyo’r person drwy—

(a) cynnal y person,

(b) darparu llety addas i’r person, neu ei gynnal mewn llety o’r fath, ac

(c) darparu cymorth o unrhyw ddisgrifiadau eraill a bennir mewn rheoliadau.

(2) Caiff cymorth o dan is-adran (1) fod ar ffurf da neu mewn arian parod.

(3) Caiff rheoliadau wneud darpariaeth ynghylch ystyr “llety addas” ac yn benodol ynghylch addasrwydd landlordiaid neu ddarparwyr llety eraill.

(4) Mae adran 78(3) yn gymwys mewn perthynas ag unrhyw benderfyniad gan awdurdod lleol at ddibenion yr adran hon fel y bo’n gymwys mewn perthynas â phenderfyniadau y cyfeiriwyd atynt yn yr adran honno.

Gwybodaeth Cychwyn

I1 A. 109 ddim mewn grym ar y Cydsyniad Brenhinol, gweler a. 199(2)