RHAN 1 LL+C DIOGELWCH ADEILADAU SY’N CYNNWYS DWY NEU RAGOR O UNEDAU PRESWYL

Rhagolygol

PENNOD 10 LL+C ATODOL

Contractau meddiannaeth LL+C

75 Pŵer i wneud darpariaeth sy’n ymwneud â thelerau contractau meddiannaeth LL+C

(1) Caiff Gweinidogion Cymru, drwy reoliadau, ddiwygio Deddf Rhentu Cartrefi (Cymru) 2016 (dccc 1) i—

(a) cynnwys darpariaeth sylfaenol sy’n gymwys i bob contract meddiannaeth, neu i fathau neu ddisgrifiadau penodol o gontract meddiannaeth, at y diben o alluogi landlord neu ddeiliad contract i gydymffurfio â darpariaeth yn y Ddeddf hon neu reoliadau a wneir oddi tani;

(b) darparu bod darpariaeth o’r Ddeddf hon neu reoliadau a wneir oddi tani yn ddarpariaeth sylfaenol sy’n gymwys i bob contract meddiannaeth, neu i fathau neu ddisgrifiadau penodol o gontract meddiannaeth;

(c) gwneud darpariaeth ynghylch—

(i) ymgorffori, neu ymgorffori gydag addasiadau, ddarpariaeth sylfaenol a grybwyllir ym mharagraff (a) neu (b) fel teler sylfaenol contract meddiannaeth;

(ii) amrywio teler sylfaenol o’r fath.

(2) Caiff y rheoliadau hefyd—

(a) diwygio adran 30IA o Ddeddf Landlord a Thenant 1985 (p. 70) (a fewnosodir gan adran 70 o’r Ddeddf hon) i ddarparu nad yw’n gymwys i unrhyw gontract meddiannaeth, neu i fathau neu ddisgrifiadau penodol o gontract meddiannaeth;

(b) gwneud diwygiadau canlyniadol i unrhyw ddeddfiad (gan gynnwys y Ddeddf hon).

(3) Mae i ymadroddion a ddefnyddir yn yr adran hon a ddefnyddir hefyd yn Neddf Rhentu Cartrefi (Cymru) 2016 yr un ystyron yn yr adran hon ag sydd iddynt yn y Ddeddf honno.

Gwybodaeth Cychwyn

I1 A. 75 ddim mewn grym ar y Cydsyniad Brenhinol, gweler a. 138(2)