http://www.legislation.gov.uk/asc/2026/5/section/67/welshDeddf Diogelwch Adeiladau (Cymru) 2026cyStatute Law Database2026-06-25Expert Participation2026-04-28 RHAN 1DIOGELWCH ADEILADAU SY’N CYNNWYS DWY NEU RAGOR O UNEDAU PRESWYLPENNOD 10ATODOLMynediad i fangre amhreswylMynediad i fangre amhreswyl gan berson atebol 67 1 Mae’r adran hon yn gymwys pan— a bo person atebol ar gyfer adeilad rheoleiddiedig a feddiennir yn gwneud cais i berson perthnasol am fynediad i fangre berthnasol, b bo’r cais yn cael ei wneud at ddiben a grybwyllir yn is-adran (2), c bo’r cais yn cydymffurfio ag is-adran (3), a d na roddir mynediad i’r fangre. 2 Y dibenion yw— a pan mai’r person atebol yw’r prif berson atebol ar gyfer yr adeilad, galluogi’r person hwnnw i gydymffurfio ag adrannau 29 i 32 neu reoliadau a wneir o dan yr adrannau hynny (asesu risgiau diogelwch tân sy’n ymwneud ag adeiladau rheoleiddiedig); b galluogi’r person atebol i gydymffurfio ag adran 33 neu reoliadau a wneir oddi tani (rheoli risgiau diogelwch tân sy’n ymwneud ag adeiladau rheoleiddiedig); c galluogi’r person atebol i gydymffurfio ag adran 34 neu 35 neu reoliadau a wneir o dan yr adrannau hynny (asesu a rheoli risgiau diogelwch strwythurol sy’n ymwneud ag adeiladau categori 1 a chategori 2); d galluogi person sy’n cael ei drin yn rhinwedd adran 36 fel person atebol i gydymffurfio ag adran 33 neu 35 neu reoliadau a wneir o dan yr adrannau hynny. 3 Mae cais yn cydymffurfio â’r is-adran hon os yw— a yn ysgrifenedig, b yn nodi’r diben y gwneir y cais ar ei gyfer, c yn egluro pam ei bod yn angenrheidiol mynd i’r fangre berthnasol at y diben hwnnw, d yn nodi enw’r person sy’n cael ei drin fel person atebol os y’i gwneir at y diben a grybwyllir yn is-adran (2)(d), ac e yn gofyn am fynediad ar ddyddiad, ac amser, sy’n rhesymol. 4 Caiff y person atebol wneud cais i dribiwnlys eiddo preswyl am orchymyn mynediad i fangre amhreswyl o dan yr adran hon. 5 Mae gorchymyn mynediad i fangre amhreswyl o dan yr adran hon yn orchymyn sydd— a yn ei gwneud yn ofynnol i’r person perthnasol ganiatáu (yn ôl y digwydd)— i i’r person atebol, neu berson a awdurdodir gan y person atebol; ii i’r person sy’n cael ei drin fel person atebol ac a enwir yn y cais o dan is-adran (3)(d), neu berson a awdurdodir gan y person hwnnw, fynd i’r fangre berthnasol ar amser rhesymol at y diben a nodir yn y cais o dan is-adran (3)(b), a b os yw’n angenrheidiol at y diben hwnnw, yn awdurdodi’r person sy’n mynd i’r fangre yn unol â’r gorchymyn i fesur neu brofi unrhyw beth, neu gymryd samplau, ffotograffau neu recordiadau. 6 Caiff tribiwnlys eiddo preswyl wneud gorchymyn mynediad i fangre amhreswyl o dan yr adran hon os yw’n fodlon ei bod yn angenrheidiol gwneud hynny at y diben a nodir yn y cais o dan is-adran (3)(b). 7 Rhaid i’r gorchymyn mynediad i fangre amhreswyl bennu dyddiad y caniateir mynd i’r fangre, neu gyfnod y caniateir i’r mynediad ddigwydd ynddo. 8 Yn yr adran hon— ystyr “mangre berthnasol” (“relevant premises”) yw unrhyw fangre— sy’n ffurfio rhan o— yr adeilad rheoleiddiedig, neu yr un strwythur neu set o strwythurau â’r adeilad rheoleiddiedig (gweler adrannau 2 i 4) ac sy’n gyfan gwbl neu’n rhannol uwch ben neu o dan yr adeilad rheoleiddiedig, a nad yw— yn uned breswyl neu’n rhan o uned breswyl, neu yn ardal, neu ran o ardal, a ddarperir at ddefnydd, er budd neu er mwynhad preswylwyr uned breswyl benodol, neu unedau preswyl penodol, yn yr adeilad rheoleiddiedig, y strwythur neu’r set; ystyr “person perthnasol” (“relevant person”) yw unrhyw berson a chanddo reolaeth dros fynediad i’r fangre berthnasol. A. 67 ddim mewn grym ar y Cydsyniad Brenhinol, gweler a. 138(2)