http://www.legislation.gov.uk/asc/2026/5/section/63/welshDeddf Diogelwch Adeiladau (Cymru) 2026cyStatute Law Database2026-06-25Expert Participation2026-04-28 Building Safety (Wales) Act 2026Deddf Diogelwch Adeiladau (Cymru) 2026s. 63Building Safety (Wales) Act 2026Deddf Diogelwch Adeiladau (Cymru) 2026s. 138(2) RHAN 1PENNOD 9 63 1 Mae’r adran hon yn nodi ystyr termau allweddol at ddibenion y Bennod hon. 2 Ystyr “penderfyniad adolygadwy” yw— a penderfyniad i beidio â chofrestru adeilad o dan adran 20 oni bai bod y penderfyniad hwnnw wedi ei wneud yn rhinwedd adran 20(2) yn unig (methiant i dalu ffi); b penderfyniad ynghylch categori adeilad o dan adran 20(6)(c); c penderfyniad i beidio â diwygio’r cofnod ar gyfer adeilad yn y gofrestr o dan adran 22; d penderfyniad i ddiwygio’r cofnod ar gyfer adeilad yn y gofrestr o dan adran 23; e penderfyniad, ac eithrio un a wneir yn unol â chais o dan adran 25(2), i ddileu adeilad o’r gofrestr o dan adran 26; f penderfyniad i wrthod cais am dystysgrif adeilad o dan adran 44. 3 Ystyr “person yr effeithir arno” yw— a mewn perthynas â phenderfyniad a grybwyllir ym mharagraffau (a), (b) ac (e) o is-adran (2), berson atebol ar gyfer yr adeilad categori 1 neu’r adeilad categori 2 y mae’r penderfyniad yn ymwneud ag ef (neu berson a fyddai’n berson atebol ar gyfer yr adeilad pe bai’r adeilad yn adeilad categori 1 neu’n adeilad categori 2); b mewn perthynas â phenderfyniad a grybwyllir ym mharagraffau (c), (d) ac (f) o is-adran (2), y prif berson atebol ar gyfer yr adeilad categori 1 neu’r adeilad categori 2. 4 Caiff Gweinidogion Cymru drwy reoliadau— a diwygio’r rhestr o benderfyniadau yn is-adran (2) drwy— i ychwanegu penderfyniad awdurdod diogelwch adeiladau, ii dileu penderfyniad, neu iii amrywio’r disgrifiad o benderfyniad; b diwygio ystyr “person yr effeithir arno”. A. 63 ddim mewn grym ar y Cydsyniad Brenhinol, gweler a. 138(2)