http://www.legislation.gov.uk/asc/2026/5/section/113/welshDeddf Diogelwch Adeiladau (Cymru) 2026cyStatute Law Database2026-06-25Expert Participation2026-04-28 Building Safety (Wales) Act 2026Deddf Diogelwch Adeiladau (Cymru) 2026s. 113Building Safety (Wales) Act 2026Deddf Diogelwch Adeiladau (Cymru) 2026s. 138(2) RHAN 4 113 1 Yn y Rhan hon— ystyr “cam perthnasol” (“relevant step”), mewn perthynas â diffyg perthnasol, yw cam â’i bwrpas yw— atal neu leihau’r tebygolrwydd o dân rhag digwydd o ganlyniad i’r diffyg perthnasol neu o’r adeilad (neu unrhyw ran ohono) yn dymchwel o ganlyniad i ddiffyg o’r fath, lleihau difrifoldeb unrhyw ddigwyddiad o’r fath, neu atal neu leihau niwed i bobl yn yr adeilad neu o’i amgylch a allai ddeillio o ddigwyddiad o’r fath; ystyr “diffyg perthnasol” (“relevant defect”), mewn perthynas ag adeilad perthnasol, yw diffyg o ran yr adeilad sydd— yn codi o ganlyniad i unrhyw beth sydd wedi ei wneud neu heb ei wneud (gan gynnwys unrhyw beth sydd wedi ei wneud neu heb ei wneud wrth ddarparu gwasanaethau proffesiynol), neu unrhyw beth a ddefnyddiwyd neu nas defnyddiwyd, mewn cysylltiad â gwaith perthnasol, a yn creu risg diogelwch adeilad neu’n cynyddu’n sylweddol risg diogelwch adeilad presennol. 2 Yn yr adran hon— ystyr “y cyfnod perthnasol” (“the relevant period”) yw’r cyfnod sy’n dechrau â 28 Mehefin 1992 ac sy’n dod i ben â 20 Chwefror 2026; ystyr “gwaith perthnasol” (“relevant works”) yw unrhyw un neu ragor o’r hyn a ganlyn— gwaith sy’n ymwneud ag adeiladu neu drosi’r adeilad, os cwblhawyd y gwaith adeiladu neu’r gwaith trosi yn y cyfnod perthnasol; gwaith a ymgymerwyd neu a gomisiynwyd gan neu ar ran landlord neu gwmni rheoli, os cwblhawyd y gwaith yn y cyfnod perthnasol; gwaith a ymgymerwyd ar ôl diwedd y cyfnod perthnasol i unioni diffyg perthnasol (gan gynnwys diffyg sy’n ddiffyg perthnasol yn rhinwedd y paragraff hwn); ystyr “landlord neu gwmni rheoli” (“landlord or management company”) yw landlord o dan les o’r adeilad neu unrhyw ran ohono, neu unrhyw berson sy’n barti i les o’r fath ac eithrio fel landlord neu denant; ystyr “risg diogelwch adeilad” (“building safety risk”) yw risg i ddiogelwch pobl yn yr adeilad neu o’i amgylch sy’n deillio o— lledaeniad tân, neu yr adeilad, neu unrhyw ran ohono, yn dymchwel; ystyr “trosi” (“conversion”) yw trosi’r adeilad i’w ddefnyddio (yn gyfan gwbl neu’n rhannol) at ddibenion preswyl. A. 113 ddim mewn grym ar y Cydsyniad Brenhinol, gweler a. 138(2)