http://www.legislation.gov.uk/asc/2026/4/section/44/welshDeddf yr Amgylchedd (Egwyddorion, Llywodraethiant a Thargedau Bioamrywiaeth) (Cymru) 2026cy2026-07-27Statute Law Database2026-04-28 RHAN 4 44 Yn y Ddeddf hon— ystyr “adroddiad gwella” (“improvement report”) yw adroddiad a gyhoeddir o dan adran 22; mae i “amcan amgylcheddol” (“environmental objective”) yr ystyr a roddir gan adran 1; ystyr “amgylchedd” (“environment”) yw— aer, dŵr a thir (gan gynnwys cramen y ddaear), planhigion, anifeiliaid gwyllt ac organeddau byw eraill a’u cynefinoedd, ac y systemau naturiol, y cylchoedd naturiol a’r prosesau naturiol y mae’r pethau ym mharagraffau (a) a (b) yn rhyngweithio drwyddynt; mae i “awdurdod cyhoeddus” (“public authority”) yr ystyr a roddir— mewn perthynas ag adrannau 5 a 6, gan adran 5(4); mewn perthynas â Rhan 2, gan adran 32; mae i “cyfraith amgylcheddol” (“environmental law”) yr ystyr a roddir gan adran 31; ystyr “cynllun gwella” (“improvement plan”) yw cynllun a gyhoeddir o dan adran 24; ystyr “datganiad o egwyddorion amgylcheddol ac integreiddio diogelu’r amgylchedd” (“environmental principles and integrating environmental protection statement”) yw datganiad a lunnir ac a gyhoeddir o dan adran‍ 7; ystyr “Deddf yr Amgylchedd” (“the Environment Act”) yw Deddf yr Amgylchedd (Cymru) 2016 (dccc 3); ystyr “diogelu’r amgylchedd” (“environmental protection”) yw— diogelu’r amgylchedd rhag effeithiau gweithgarwch dynol; cynnal, adfer neu wella’r amgylchedd; diogelu pobl, a’u hiechyd yn benodol, rhag effeithiau gweithgarwch dynol ar yr amgylchedd; monitro, asesu neu ystyried unrhyw beth ym mharagraffau (a) i (c) neu gynghori neu adrodd arno; mae i “effeithiolrwydd cyfraith amgylcheddol” (“effectiveness of environmental law”) yr ystyr a roddir gan adran 33; mae i “egwyddorion amgylcheddol” (“environmental principles”) yr ystyr a roddir gan adran 2; ystyr “hysbysiad cydymffurfio” (“compliance notice”) yw hysbysiad a gyflwynir o dan adran 18; mae i “hysbysiad cydymffurfio brys” (“urgent compliance notice”) yr ystyr a roddir gan adran 19(4); ystyr “hysbysiad gwybodaeth” (“information notice”) yw hysbysiad a gyflwynir o dan adran 15; mae i “methu â chydymffurfio â chyfraith amgylcheddol” (“failing to comply with environmental law”) yr ystyr a roddir gan adran 34; ystyr “SLlAC” (“the OEGW”) yw Swyddfa Llywodraethiant Amgylcheddol Cymru sydd wedi ei sefydlu o dan adran 8(1). A. 44 mewn grym ar 28.4.2026, gweler a. 46(1)