http://www.legislation.gov.uk/asc/2026/4/section/31/welshDeddf yr Amgylchedd (Egwyddorion, Llywodraethiant a Thargedau Bioamrywiaeth) (Cymru) 2026cy2026-07-27Statute Law Database2026-04-28 Environment (Principles, Governance and Biodiversity Targets) (Wales) Act 2026Deddf yr Amgylchedd (Egwyddorion, Llywodraethiant a Thargedau Bioamrywiaeth) (Cymru) 2026s. 31Environment (Principles, Governance and Biodiversity Targets) (Wales) Act 2026Deddf yr Amgylchedd (Egwyddorion, Llywodraethiant a Thargedau Bioamrywiaeth) (Cymru) 2026s. 46(2)(e) RHAN 2 31 1 Yn y Rhan hon, ystyr “cyfraith amgylcheddol” yw unrhyw ddarpariaeth ddatganoledig i’r graddau— a ei bod yn ymwneud yn gyfan gwbl neu’n bennaf â diogelu’r amgylchedd, a b nad yw’n ymwneud â— i datgelu gwybodaeth neu fynediad ati; ii trethiant, cyllid neu gyllidebau. 2 Nid yw is-adran (1)(b)(i) yn eithrio o ystyr “cyfraith amgylcheddol” ddarpariaethau yn y Rhan hon sy’n ymwneud â datgelu gwybodaeth. 3 Yn is-adran (1), ystyr “darpariaeth ddatganoledig” yw— a darpariaeth sydd wedi ei chynnwys mewn Mesur Cynulliad neu Ddeddf gan Senedd Cymru, neu mewn offeryn a wneir odano neu odani, a b darpariaeth sydd wedi ei chynnwys mewn unrhyw ddeddfiad arall a fyddai, pe bai wedi ei chynnwys mewn Deddf gan Senedd Cymru, o fewn cymhwysedd deddfwriaethol y Senedd (gan anwybyddu unrhyw ofyniad am gydsyniad un o Weinidogion y Goron a osodir o dan Atodlen 7B i Ddeddf Llywodraeth Cymru 2006 (p. 32)). 4 Caiff Gweinidogion Cymru, drwy reoliadau, ddarparu bod, neu nad yw, darpariaeth ddatganoledig a bennir yn y rheoliadau o fewn y diffiniad o “cyfraith amgylcheddol” yn is-adran (1) (ac mae’r Rhan hon yn gymwys yn unol â hynny). 5 Cyn gwneud rheoliadau o dan is-adran (4) rhaid i Weinidogion Cymru ymgynghori ag— a SLlAC, a b unrhyw bersonau eraill y maent yn ystyried eu bod yn briodol. A. 31 mewn grym ar 27.6.2026, gweler a. 46(2)(e)