RHAN 2SWYDDFA LLYWODRAETHIANT AMGYLCHEDDOL CYMRU

Adroddiadau gwella a chynlluniau gwella

23Adroddiadau gwella: cynnwys

(1)

Rhaid i adroddiad gwella—

(a)

nodi manylion y methiant honedig i—

(i)

cydymffurfio â chyfraith amgylcheddol,

(ii)

gweithredu neu gymhwyso cyfraith amgylcheddol yn effeithiol, neu

(iii)

gwneud cyfraith amgylcheddol effeithiol;

(b)

egluro rhesymau SLlAC dros ystyried bod methiant o’r fath wedi bod;

(c)

nodi effaith neu effaith bosibl y methiant;

(d)

argymell camau gweithredu i Weinidogion Cymru eu cymryd mewn ymateb i’r methiant;

(e)

cynnig amserlenni ar gyfer cymryd y camau gweithredu hynny.

(2)

Ni chaiff y camau gweithredu a argymhellir ar gyfer Gweinidogion Cymru o dan is-adran (1)(d) gynnwys—

(a)

dirymu neu amrywio penderfyniad gweinyddol a wnaed gan awdurdod cyhoeddus mewn perthynas â pherson neu achos penodol, na

(b)

ei gwneud yn ofynnol i awdurdod cyhoeddus arall ddirymu neu amrywio penderfyniad o’r fath.