Rhagolygol

RHAN 1 LL+C DIGARTREFEDD

Cymorth i atal digartrefedd LL+C

2 Cymorth i atal ceisydd rhag dod yn ddigartref LL+C

(1) Mae Deddf 2014 wedi ei diwygio fel a ganlyn.

(2) Hepgorer adran 65 (ystyr cynorthwyo i sicrhau).

(3) Yn adran 66 (dyletswydd i gynorthwyo i atal ceisydd rhag dod yn ddigartref)—

(a) yn lle is-adran (1) rhodder—

“(1) Mae’r adran hon yn gymwys os yw awdurdod tai lleol yn fodlon bod ceisydd o dan fygythiad o ddigartrefedd a’i fod yn gymwys i gael cymorth.

(1A) Rhaid i’r awdurdod gynorthwyo i sicrhau nad yw llety addas yn peidio â bod ar gael i’r ceisydd ei feddiannu drwy gymryd camau rhesymol sy’n debygol o gyflawni’r diben hwnnw.

(1B) Nid yw is-adran (1A) yn ei gwneud yn ofynnol i’r awdurdod sicrhau cynnig o lety o dan Ran 6 o Ddeddf Tai 1996 (p. 52) (dyrannu tai) neu ddarparu llety fel arall.”;

(b) yn is-adran (2), yn lle “(1)” rhodder “(1A)”.

Gwybodaeth Cychwyn

I1 A. 2 ddim mewn grym ar y Cydsyniad Brenhinol, gweler a. 43(2)