http://www.legislation.gov.uk/asc/2026/2/section/17/welshDeddf Gwasanaethau Bysiau (Cymru) 2026cyStatute Law Database2026-05-06Expert Participation2026-04-02 RHAN 2 17 1 Caiff person y mae ei gais am drwydded gwasanaeth bysiau lleol yn cael ei wrthod apelio yn erbyn y gwrthodiad. 2 Caiff person y rhoddwyd iddo drwydded gwasanaeth bysiau lleol apelio yn erbyn unrhyw amod sydd ynghlwm wrth y drwydded (gan gynnwys yn erbyn diwygiad i amod). 3 Caiff person y rhoddwyd iddo drwydded gwasanaeth bysiau lleol sy’n cael ei dirymu apelio yn erbyn dirymu’r drwydded. 4 Caiff person y rhoddwyd iddo drwydded gwasanaeth bysiau lleol sy’n cael ei hatal dros dro apelio yn erbyn— a yr ataliad dros dro; b y cyfnod a bennir o dan adran 16(2)(c); c yr amodau a bennir o dan adran 16(2)(c). 5 Mae apêl i’w dwyn gerbron y Tribiwnlys Haen Gyntaf. 6 Ar apêl, caiff y Tribiwnlys Haen Gyntaf— a cadarnhau’r penderfyniad y dygir yr apêl mewn perthynas ag ef, b diddymu’r penderfyniad, neu c rhoi penderfyniad arall yn lle’r penderfyniad y dygir yr apêl mewn perthynas ag ef. 7 Yn is-adran (2), nid yw cyfeiriadau at amodau yn cynnwys cyfeiriad at amod sydd wedi ei roi ynghlwm wrth drwydded gwasanaeth bysiau lleol yn unol ag adran 14(1). A. 17 ddim mewn grym ar y Cydsyniad Brenhinol, gweler a. 48(3)