http://www.legislation.gov.uk/asc/2026/10/section/41/welshDeddf Datblygu Twristiaeth a Rheoleiddio Llety Ymwelwyr (Cymru) 2026cyStatute Law Database2026-07-31Expert Participation2026-04-28 RHAN 3RHEOLEIDDIO LLETY YMWELWYRPENNOD 3LLETY YMWELWYR RHEOLEIDDIEDIG: TELERAU CONTRACTCyfyngiadau ar y rhwymedigaeth i sicrhau bod mangre yn ffit i fod yn llety ymwelwyrCyfyngiadau ar y ddyletswydd ffitrwydd i fod yn llety ymwelwyr: gwybodaeth DLlY 41 1 Nid yw DLlY wedi methu â chydymffurfio â’r gofyniad o dan adran 39(2)— a os nad yw’r DLlY yn ymwybodol, a b os na ellid disgwyl yn rhesymol i’r DLlY fod yn ymwybodol, nad yw’r fangre yn ffit i fod yn llety ymwelwyr. 2 Nid yw DLlY wedi methu â chydymffurfio â’r gofyniad o dan adran 39(2) os yw’r DLlY yn gwneud y fangre yn ffit i fod yn llety ymwelwyr o fewn amser rhesymol ar ôl‍ i’r DLlY ddod yn ymwybodol, neu y gellid disgwyl yn rhesymol iddo fod yn ymwybodol, nad yw’r fangre yn ffit i fod yn llety ymwelwyr. 3 Ond nid yw is-adran (2) yn gymwys os yw hawlogaeth ymwelydd i breswylio yn y llety ymwelwyr rheoleiddiedig yn dechrau ar adeg pan fo’r DLlY yn ymwybodol, neu y gellid disgwyl yn rhesymol iddo fod yn ymwybodol, nad yw’r fangre yn ffit i fod yn llety ymwelwyr. 4 At ddibenion dyfarnu beth yw “amser rhesymol”, rhaid rhoi sylw i— a i ba raddau yr amherir ar fwynhad yr ymwelydd o’r fangre, a b a yw’n rhesymol ac yn bosibl cyflawni’r gwaith neu’r atgyweiriadau angenrheidiol cyn diwedd y cyfnod yn ystod yr hwn y mae gan yr ymwelydd hawlogaeth i breswylio yn y fangre. A. 41 mewn grym ar 4.3.2030, gweler a. 61(2)(b)