http://www.legislation.gov.uk/asc/2025/5/section/45/welshDeddf Llety Ymwelwyr (Cofrestr ac Ardoll) Etc. (Cymru) 2025cyStatute Law Database2026-05-06Expert Participation2025-09-19 RHAN 3ARDOLL YMWELWYRPENNOD 3DEFNYDD PRIF GYNGHORAU O ENILLION YR ARDOLLAdroddiad ar ddefnyddio enillion yr ardoll 45 1 Rhaid i brif gyngor gyhoeddi adroddiad, mewn cysylltiad â phob blwyddyn ariannol y mae’r‍ cyngor wedi cael enillion yr ardoll ynddi, ar ddefnyddio’r enillion hynny. 2 Rhaid i’r adroddiad gynnwys gwybodaeth am y canlynol— a faint oedd enillion yr ardoll yn y flwyddyn ariannol o dan sylw, a swm unrhyw ddidyniadau o enillion yr ardoll gan ACC o dan adran 24A(3) a (4) o Ddeddf Casglu a Rheoli Trethi (Cymru) 2016, a b sut y mae enillion yr ardoll ar gyfer y flwyddyn ariannol o dan sylw wedi cael eu defnyddio, neu sut y byddant yn cael eu defnyddio, gan y cyngor, a sut y mae’r defnydd hwnnw at ddibenion rheoli a gwella cyrchfannau yn ardal y cyngor. 3 Cyn cyhoeddi’r adroddiad, rhaid i’r prif gyngor— a anfon drafft o’r adroddiad at aelodau’r fforwm partneriaeth ardoll a sefydlir gan y prif gyngor o dan adran 46(1), a b ymgynghori â’r personau hynny ynghylch y drafft. 4 Rhaid i’r prif gyngor gyhoeddi’r adroddiad— a cyn gynted ag y bo’n rhesymol ymarferol ar ôl 30 Mehefin yn y flwyddyn ariannol sy’n dilyn y flwyddyn ariannol y mae’r adroddiad yn ymwneud â hi, a b mewn unrhyw achos, heb fod yn hwyrach na diwedd y flwyddyn ariannol sy’n dilyn y flwyddyn ariannol y mae’r adroddiad yn ymwneud â hi. 5 Caiff Gweinidogion Cymru drwy reoliadau ddiwygio’r adran hon— a i wneud darpariaeth ynghylch cynnwys adroddiad o dan yr adran hon; b i newid— i nifer yr adroddiadau y mae rhaid eu cyhoeddi mewn cysylltiad â blwyddyn ariannol; ii pa mor aml y cyhoeddir adroddiadau; iii y dyddiad erbyn pryd y mae rhaid cyhoeddi adroddiad. A. 45 mewn grym ar 19.9.2025, gweler a. 67(1)