RHAN 3 LL+C ARDOLL YMWELWYR

PENNOD 2 LL+C RHOI CYFRIF AM YR ARDOLL, A THALU’R ARDOLL

Personau sydd wedi peidio â bod yn ddarparwyr llety ymwelwyr LL+C

41 Personau sydd wedi peidio â bod yn DLlY: dyletswyddau o dan y Bennod hon LL+C

(1) Rhaid i berson—

(a) sydd wedi peidio â bod yn DLlY, a

(b) a oedd, yn union cyn peidio â bod yn DLlY, yn ddarostyngedig i ddyletswydd o dan y Bennod hon,

gydymffurfio â’r ddyletswydd honno.

(2) Cyhyd â bod person a grybwyllir yn is-adran (1) yn parhau i fod yn ddarostyngedig i’r ddyletswydd o dan sylw, mae’r Bennod hon, adran 52 a Phennod 1 o Ran 4 yn gymwys mewn perthynas â’r person hwnnw fel pe bai’r person hwnnw yn DLlY.

(3) Pan fo person a grybwyllir yn is-adran (1) yn dod yn DLlY wedi hynny, mae is-adrannau (1) a (2) yn peidio â bod yn gymwys mewn perthynas â’r person hwnnw; ond mae’r person yn parhau i fod yn ddarostyngedig i ddyletswydd—

(a) yr oedd y person yn ddarostyngedig iddi yn rhinwedd is-adran (1), a

(b) nad yw’r person wedi cydymffurfio â hi hyd yma.

Gwybodaeth Cychwyn

I1 A. 41 mewn grym ar 19.9.2025, gweler a. 67(1)