http://www.legislation.gov.uk/asc/2025/5/section/13/enacted/welshDeddf Llety Ymwelwyr (Cofrestr ac Ardoll) Etc. (Cymru) 20252025-10-14cyKing's Printer of Acts of Parliament RHAN 2COFRESTR O DDARPARWYR LLETY YMWELWYRPwerau ACC i wneud gwybodaeth yn ofynnolCosbau am fethu â chydymffurfio â hysbysiad o dan adran 12 13 1 Mae person sy’n methu â chydymffurfio ag adran 12(3) yn agored i gosb o £100. 2 Os yw’r person yn methu â darparu’r wybodaeth neu’r ddogfen o dan sylw i ACC, ar y ffurf sy’n ofynnol, erbyn diwedd y cyfnod o 30 o ddiwrnodau sy’n dechrau â’r diwrnod y dyroddir hysbysiad cosb sy’n ymwneud â’r gosb o dan is-adran (1) (“y cyfnod cosbi cychwynnol”), mae’r person— a yn agored i gosb o £10 am bob diwrnod y mae’r methiant yn parhau ar ôl diwedd y cyfnod hwnnw, hyd at a chan gynnwys y 30ain diwrnod, a b yn agored i gosb o £1000 am yr 31ain diwrnod y mae’r methiant yn parhau. 3 Wrth gyfrifo’r cyfnod cosbi cychwynnol, rhaid diystyru unrhyw ddiwrnod pan fo penderfyniad sy’n ymwneud â’r gosb o dan is-adran (1) yn destun— a adolygiad nad yw hysbysiad am ei gasgliadau wedi ei ddyroddi hyd yma, neu b apêl nad yw wedi ei dyfarnu’n derfynol neu wedi ei thynnu’n ôl hyd yma.