Rhagolygol

RHAN 3 LL+C YMDRIN AG ANSEFYDLOGRWYDD TOMEN A BYGYTHIADAU I SEFYDLOGRWYDD TOMEN

PENNOD 1 LL+C EI GWNEUD YN OFYNNOL I BERCHENNOG AR DIR I GYNNAL GWEITHREDIADAU

42 Pŵer i ganslo hysbysiad LL+C

(1) Mae’r adran hon yn gymwys—

(a) pan fo’r Awdurdod wedi rhoi hysbysiad i berchennog ar dir o dan adran 35 (“yr hysbysiad adran 35”), a

(b) pan na fo’r gweithrediadau sy’n ofynnol gan yr hysbysiad wedi eu cwblhau.

(2) Caiff yr Awdurdod roi hysbysiad i’r perchennog (“hysbysiad canslo”) yn canslo’r hysbysiad adran 35.

(3) Pan roddir hysbysiad canslo i berchennog ar dir, nid yw’n ofynnol mwyach i’r perchennog gynnal y gweithrediadau a bennir yn yr hysbysiad adran 35.

(4) Caiff yr Awdurdod roi hysbysiad canslo hyd yn oed—

(a) os yw cais o dan adran 38 wedi ei wneud mewn cysylltiad â’r hysbysiad adran 35,

(b) os yw’r gweithrediadau sy’n ofynnol gan yr hysbysiad adran 35 wedi dechrau cael eu cynnal, neu

(c) os yw’r cyfnod a bennir yn yr hysbysiad adran 35 ar gyfer cwblhau’r gweithrediadau wedi dod i ben.

(5) Pan fo’r Awdurdod yn rhoi hysbysiad canslo o dan yr adran hon, rhaid iddo hefyd roi copi o’r hysbysiad i bob person a gafodd gopi o’r hysbysiad adran 35.

(6) Nid yw hysbysiad canslo yn effeithio ar—

(a) unrhyw gosb a gafwyd eisoes gan y perchennog o dan adran 41, neu

(b) pŵer yr Awdurdod i roi hysbysiad pellach o dan adran 35 mewn perthynas â’r tir.

Gwybodaeth Cychwyn

I1 A. 42 ddim mewn grym ar y Cydsyniad Brenhinol, gweler a. 92(3)